[ ᭑᭒ 12B]
᭑᭒᭞
ᬳᬶᬯᬂ᭞ᬢᬦ᭄ᬗᬦᬸᬢᬶᬦ᭄᭞ᬓᬤᬶᬫᬸᬗ᭄ᬕᬄᬭᬶᬂᬳᬕᬫ᭟ᬓᬤᬶᬲᭂᬓᬃᬓᬸᬫ᭄ᬧᬫᬬᬂ᭞ᬦᬾᬭᬸᬧᬦ᭄ᬜᬗᬬᬸᬦ᭄ᬳ᭄ᬬᬸᬦᬶᬦ᭄᭞ᬧᬓᬦ᭄ᬢᭂᬦᬦ᭄ᬜᬦᬾᬫᬸᬦ᭄ᬢᬩ᭄᭞ᬩᬸᬗᬄᬳᬦ᭄ᬢᬸᬓ᭄ᬯᬃᬡ᭄ᬦᬶᬦᬶᬧᬸᬦ᭄᭞ᬦᬗᬶᬂᬓᬾᬓ᭠
ᬮᬶᬦ᭄ᬢᬂᬲᬬᬂ᭞ᬭᬾᬄᬢᬦ᭄ᬫᬶᬬᬶᬓ᭄᭞ᬦᬶᬃᬕᬸᬡᬢᬦ᭄ᬦᬸᬤᬸᬢ᭄ᬫᬦᬄ᭞ᬯᬦ᭄ᬢᬄᬓᬤᬶᬲᬧᬸᬦᬶᬓ᭞ᬦᬶᬃᬕᬸᬡᬭᬯᭀᬲᬾᬩᭂᬘᬶᬓ᭄᭞ᬦᬾᬢᬦ᭄ᬫᬭᬶᬓᬫᭂᬤᬮᬂ᭞ᬭᬦ᭄ᬤᬦ᭄ᬫᬦᬸᬚᬸᬭᬳᬬᬸ᭞ᬬᬾ
ᬦ᭄ᬳᬶᬧᬸᬦ᭄ᬢᬦ᭄ᬗ᭄ᬮᬓ᭄ᬱᬡᬬᬂ᭞ᬗᬗ᭄ᬕᬾᬦ᭄ᬲᬸᬦ᭄ᬤᬶᬄ᭞ᬦᬸᬮᬸᬄᬫᬃᬕᬶᬓᬲᬸᬩᬕ᭄ᬬᬦ᭄᭟ᬓᬤᬶ᭠ᬓᭂᬫ᭄ᬩᬂᬢ᭄ᬯᬭᬩᬶᬦ᭞ᬲᬦᬾᬭᬸᬧᬦ᭄ᬳᬶᬧᬸᬦ᭄ᬳᬰ᭄ᬭᬶ᭞ᬫᬮᬶᬄᬯᬃᬡ᭄ᬦᬶᬦ᭄ᬜᬦᬾᬩᬸᬗᬄ᭞ᬢᬍᬃᬫᬶᬬᬶᬓ᭄ᬳᬮᬸ
ᬩ᭄ᬳᬮᬸᬩ᭄᭞ᬤᭀᬄᬲᭂᬫ᭄ᬧ᭄ᬬᬃᬫᬮᬶᬓᬸᬩᬦ᭄᭞ᬦᬸᬤᬸᬢ᭄ᬳᬢᬶ᭞ᬳᬸᬮᬗᬸᬦ᭄ᬲᬂᬫᬮᬜ᭄ᬘᬭᬦ᭄᭟ᬲᬧᬸᬦᬶᬓᬓᬸᬫ᭄ᬧᬫᬬᬂ᭞ᬭᬯᭀᬲᬾᬩᭂᬘᬶᬓ᭄ᬳᬦ᭄ᬲᬶᬧᬶ᭞ᬦᬾᬲᬢᬢᬭᬫᭂᬤ
[ ᭑᭓ 13A]
ᬮᬂ᭞ᬳᬦ᭄ᬢᬸᬓ᭄ᬱᬂᬫᬲᭀᬮᬄᬳᬬᬸ᭞ᬫᬦᬸᬢ᭄ᬭᬶᬂᬓᭂᬘᬧ᭄ᬳᬓ᭄ᬱᬭ᭞ᬫᬯᭀᬄᬩᭂᬲᬶᬓ᭄᭞ᬫᬕᬸᬡᬭᬶᬂᬲᬂᬜᭀᬮᬳᬂ᭟ᬓᬤᬶᬲᭂᬓᬃᬕᬕᬸᬫ᭄ᬧᭀᬮᬦ᭄᭞ᬓᬧᬶᬮᬶᬄᬳᬶᬧᬸᬦ᭄ᬓᬓᬃᬤᬶ᭞ᬳᬦ᭄ᬢᬸ
ᬓ᭄ᬲᭂᬓᬭᬾᬫᬓᬢᬄ᭞ᬲᬦᬾᬫᬸᬦ᭄ᬢᬩ᭄ᬯᬃᬡ᭄ᬦᬶᬦ᭄ᬳᬶᬧᬸᬦ᭄᭞ᬭᬸᬧᬩᭂᬘᬶᬓ᭄ᬗᭂᬢᬸᬲ᭄ᬫᬦᬄ᭞ᬫᬸᬯᬸᬄᬫᬶᬬᬶᬢ᭄᭞ᬢᬓᬶᬢ᭄ᬳᬰ᭄ᬭᬷᬫᬳᬸᬧ᭄ᬳᬸᬧᬦ᭄᭟ᬫᬗ᭄ᬤᬾᬦ᭄ᬲᬓᬤᬶᬳᬶᬓᭂᬫ᭄ᬩᬂ᭞ᬲᬂᬲᬤ᭄ᬬᬢᭂᬤᬸ
ᬦ᭄ᬥᬸᬫᬤᬶ᭞ᬲᬦᬾ ᬫᬳᬸᬭᬶᬧ᭄ᬭᬶᬂᬚᬕᬢ᭄᭞ᬲᬓᬢᬄᬲᭀᬮᬄᬳᬾᬧᬢᬸᬢ᭄᭞ᬲᬮ᭄ᬯᬶᬃᬗᬯᬾᬓᬭᬳᬬ᭄ᬯᬦ᭄᭞ᬗᬮᬾᬤᬗᬶᬦ᭄᭞ᬜᬦ᭄ᬤᬂᬓᬓᬶᬢ᭄ᬓᬓᬸᬫ᭄ᬧᬸᬮᬂ᭟ᬬᬾᬦ᭄ᬫᬶᬬᬶᬓ᭄ᬳᬶᬧᬸ᭠
ᬦ᭄ᬳᬓᭂᬫ᭄ᬩᬂ᭞ᬤ᭄ᬬᬲ᭄ᬢᬸᬓᬲᬸᬩ᭄ᬢᬦ᭄ᬧᬢᬦ᭄ᬤᬶᬂ᭞ᬢ᭄ᬯᬶᬫᬶᬬᬶᬓ᭄ᬢᬭᬸᬘᬦ᭄ᬤᬦ᭞ᬢᬭᬸᬬᬲ᭄ᬫᬶᬦ᭄ᬫᬶᬬᬶᬓ᭄ᬗᬮᬸᬩ᭄᭞ᬢᬭᬸᬢᬕᬭᬦᬾᬫ᭄ᬯᬄ᭞ᬬᬤᬶᬦ᭄ᬫᬶᬬᬶᬓ᭄᭞ᬫᬧᬲ᭄ᬳᬗᬶᬦ᭄ᬢᬦ᭄ᬓᬲᬶᬤᬦ᭄᭟
Kaca:Bali-lontar-paparikan-dammapada-500ppi.pdf/13
Kaca puniki sampun kauji-wacén
