[ ᭑᭑ 11B]
᭑᭑᭞
ᬢ᭄ᬧᬦᬄ᭞ᬲᬜ᭄ᬚᬢᬦ᭄ᬲᬂᬓᬵᬮᬫᬺᬢ᭄ᬬᬸ᭞ᬢᬸᬫᬸᬮᬶᬭᬭᬶᬲ᭄ᬗᬋᬧᬂ᭞ᬗᬮᬶᬦ᭄ᬢᬗᬶᬦ᭄᭞ᬯᬢᭂ᭠ᬲ᭄ᬘᬘᬶᬗᬓ᭄ᬳ᭄ᬬᬂᬓᬮ᭞ᬲᬂᬲᭂᬥᭂᬂᬫᬍᬕᬦᬼᬕᬦ᭄᭞ᬓᬤᬮᭀᬦ᭄ᬳᬶᬧᬸᬦ᭄ᬫᬫᬶᬓ᭄ᬧᬶᬓ᭄᭞ᬲᭂᬓᬃᬕᬫ᭄ᬩᭂᬓ᭄ᬜ
ᬦᬾᬓ᭄ᬭᭀᬤ᭞ᬧᬘᬂᬗ᭄ᬯᬍᬲᬂᬢᬦ᭄ᬯᬸᬭᬸᬂ᭞ᬲᬳᬫᬦᬄᬜᬦᬾᬲᭂᬫ᭄ᬧ᭄ᬬᬃ᭞ᬢᬦ᭄ᬫᬫᭂᬲᬶᬓ᭄᭞ᬫᬳᬶᬍᬳᬦ᭄ᬫᬕᬩᬸᬭᬦ᭄᭟ᬚᬤ᭄ᬫᬦᬾᬓᬤᬶᬧᬸᬦᬶᬓ᭞ᬧᬘᬂᬓᬲᬗ᭄ᬓᭀᬮ᭄ᬓᬧᬳᬶᬤ᭄᭞ᬳᬦ᭄ᬢᬸ᭠
ᬓ᭄ᬱᬂᬳ᭄ᬬᬂᬓᬮᬦ᭄ᬢᬓ᭞ᬦᬾᬲᬓ᭄ᬱᬢ᭄ᬩᬮᬩᬃᬳᬕᬸᬂ᭞ᬭᬯᬸᬄᬫᬦᬤᬓ᭄ᬗᬮᬜ᭄ᬘᬄ᭞ᬤᬾᬰᬲᬫᬶ᭞ᬦᬾᬲᭂᬥᭂᬂᬢᬶᬲ᭄ᬧᬸᬍᬲ᭄ᬢᬶᬲᬼᬧᬼᬧ᭄᭟ᬲᬂᬓᭂᬜ᭄ᬚᭂᬓᬦ᭄ᬓᬤᬮᭀᬦᬂ᭞ᬍᬕᬳᬶᬧᬸ
ᬦ᭄ᬗᬶᬲᭂᬧ᭄ᬲᬭᬶ᭞ᬲᬭᬶᬦ᭄ᬱᭂᬓᬃᬧᬭᬥᬭ᭞ᬲᬦᬾᬫᬦᬄᬜᬧᬰ᭄ᬭᬩᬸᬢ᭄᭞ᬓᬤᬸᬤᬸᬢ᭄ᬳᬦ᭄ᬢᬸᬓ᭄ᬓᬲ᭄ᬫᬭᬦ᭄᭞ᬲᭂᬤᬶᬄᬧᬮᬶᬂ᭞ᬧᬘᬂᬘᬧ᭄ᬮᭀᬓ᭄ᬓᬮᬦ᭄ᬢᬓ᭟ᬧᬢᭂᬄᬲᬓᬤᬶᬳᬶᬜᬯ
[ ᭑᭒ 12A]
ᬦ᭄᭞ᬦᬾᬫᬸᬦ᭄ᬤᬸᬳᬂᬫᬥᬸᬫᬦᬶᬲ᭄᭞ᬳᬶᬧᬸᬦ᭄ᬳᬗ᭄ᬕᬭᬸᬲᬓ᭄ᬱᭂᬓᬃ᭞ᬯᬃᬡ᭄ᬦᬶᬫᬶᬯᬄᬫᬶᬬᬶᬓ᭄ᬳᬶᬧᬸᬦ᭄ᬢ᭄ᬯᬄᬗᬶᬲᭂᬧ᭄ᬫᬥᬸᬓᬩ᭄ᬯᬢᬂ᭞ᬢᬸᬃᬗᬭᬭᬶᬲ᭄᭞ᬳᬶᬧᬸᬦ᭄ᬫᬓᭂᬩᭂᬃᬗᬮᬶᬯᬢ᭄᭟ᬫᬗ᭄ᬤᬾᬦ᭄ᬓᬤᬶᬲ᭠
ᬧᬸᬦᬶᬓ᭞ᬧᬭᬯᬶᬓᬸᬦᬾᬢᬦ᭄ᬫᬭᬶ᭞ᬫᬮᬮᬦᬫᬳᬶᬍᬳᬦ᭄᭞ᬗᬭᬯᬸᬳᬶᬦ᭄ᬤᬸᬲᬸᬦ᭄ᬤᬸᬲᬸᬦ᭄᭞ᬧᬶᬲᬭᬢ᭄ᬗᬭᬸᬭᬸᬤᬦ᭞ᬳᬦ᭄ᬢᬸᬓ᭄ᬳᬲᬶᬄ᭞ᬢᬦ᭄ᬗᬯᬾᬓᬧᬾᬯᬸᬄᬚᬕᬢ᭄᭞ᬲᬗ᭄ᬤᬾ᭠
ᬦ᭄ᬜᬲᬫ᭄ᬧᬸᬦᬂᬧᬶᬲᬦ᭄᭞ᬚᬤ᭄ᬫᬦᬾᬗᬮᬶᬳᬮᬶᬳᬶᬦ᭄᭞ᬓᬳᬶᬯᬗᬦ᭄ᬳᬦᬓ᭄ᬮ᭄ᬬᬦ᭄᭞ᬢ᭄ᬯᬶ᭠ᬜᭂᬍᬳᬶᬦ᭄ᬕᬯᬾᬦ᭄ᬳᬶᬧᬸᬦ᭄᭞ᬲᬦᬾᬧᬢᬸᬢ᭄ᬤ᭄ᬬᬲ᭄ᬢᬸᬳᬶᬯᬂ᭞ᬲᬦᬾᬩᭂᬘ᭄᭞ᬦᭂᬤᬸᬭᬸᬂᬮᬦ᭄
ᬲᬫ᭄ᬧᬸᬦ᭄ᬧ᭄ᬭᬕᬢ᭄᭟ᬦᬵᬗ᭄ᬳᬶᬂᬦᬾᬧᬢᬸᬢ᭄ᬧᭂᬤᬲᬂ᭞ᬲᭀᬮᬄᬤᬾᬯᬾᬓᬾᬧᬤᬶᬤᬶ᭞ᬤᬶᬦᬮᬢ᭄ᬭᬶᬳᬍᬓ᭄ᬳᭂᬓᬂ᭞ᬦᬧᬶᬓᬾᬲᭀᬮᬳᬾᬧᬢᬸᬢ᭄᭞ᬦᬧᬶᬓᬾᬲᭀᬮᬳᬾ
Kaca:Bali-lontar-paparikan-dammapada-500ppi.pdf/12
Kaca puniki sampun kauji-wacén
