[᭓᭙ 39B]
᭓᭙᭟
ᬫᬗ᭄ᬓᬾᬯᬭᬵᬚ᭄ᬜᬡ᭞ᬧᬤᬸᬓᬤ᭄ᬯᬶᬚᬾᬰ᭄ᬯᬭ᭞ᬬᬤ᭄ᬬᬦ᭄ᬓ᭄ᬯᬧᬶᬂᬲᬧ᭄ᬢᬤᬤᬶ᭞ᬦ᭄ᬤᬢᬦ᭄ᬓᬧᬮᬂ᭞ᬪᬓ᭄ᬢᬶᬂᬓ᭄ᬯᬳᭂᬍᬫ᭄ᬫᬮᬶᬄ᭟᭐᭟᭙᭕᭟ᬳᭂᬍᬫ᭄ᬝ᭄ᬯᬄᬬᬤ᭄ᬬᬦ᭄ᬧᬶᬂᬲᬳᬰ᭄ᬭᬜ᭄ᬚᬦ᭄ᬫ᭞ᬫᬗ᭄ᬓᬵ
ᬢᬸᬃᬦ᭄ᬬᬫᭂᬮᬲᬲᬶᬄ᭞ᬯᭂᬢᬸᬦᬶᬂᬯᬘᬡ᭞ᬅᬫᭂᬮᬤ᭄ᬫᬡᬶᬓᬶᬂᬘᬶᬢ᭄ᬢ᭞ᬤᬤᬶᬫᭂᬦᭂᬂᬲᬂᬫᬳᬋᬱᬶ᭞ᬭᬸᬫᬱᬭᬱ᭞ᬲᬮᬶᬗᬶᬭᬪᬝᬵᬭᬷ᭟᭐᭟᭙᭖᭟ᬯᭂᬓᬲᬦ᭄ᬲᬸᬫᬳᬸᬃᬗ᭄ᬓᬾᬗ᭄ᬓᬾ᭠
ᬧᬋᬓᬦ᭞ᬲᬂᬲᬗ᭄ᬳᬲ᭄ᬓᬭᬮᬓᬶ᭞ᬲᬮᬶᬗᬶᬭᬲᬂᬳ᭄ᬬᬂ᭞ᬪᬾᬭᬯᬶᬭᬶᬧᬸᬢᬸᬂᬓ᭄ᬯ᭞ᬗ᭄ᬯᬂᬯᬶᬦᭂᬓᬲᬶᬭᬮᬓᬶ᭞ᬅᬢᬸᬥᬸᬳᬶᬂᬫᬃᬕ᭄ᬕ᭞ᬦᬶᬭᬫᬗ᭄ᬕᬶᬄᬲᬂᬫᬢᬶ᭟᭐᭟᭙᭗᭟ᬇᬓᬶᬕᭂᬮᬋᬦᬶ
ᬭᬭᬶᬂᬯᭂᬗᬶᬓᬵᬮ᭞ᬲᬵᬭᬶᬲᬵᬭᬶᬇᬦᬶᬱ᭄ᬝᬶ᭞ᬬᬭᬶᬂᬲᬧ᭄ᬢᬯᬸᬮᬦ᭄᭞ᬬᬦ᭄ᬲᬶᬤ᭄ᬟᬲᬶ᭠ᬭᬲᬳ᭞ᬲᬓᬶᬂᬓᬸᬭᬸᬗᬦ᭄ᬢᬮᬓᬶ᭞ᬬᬦ᭄ᬲᬶᬤ᭄ᬟᬫᭂᬲᬢ᭄᭞ᬳᬦᬳᬯᬦ᭄ᬧᬶᬦᬗ᭄ᬕᬶᬄ᭟᭐᭟
[᭔᭐ 40A]
᭙᭘᭟ᬅᬓᬶᬭᬶᬲᬍᬗᬶᬲᬭᬣᬵᬯᬶᬬᬃ᭞ᬲᬦᬫ᭄ᬯᬦ᭄ᬲᬵᬭᬶᬲᬵᬭᬶ᭞ᬲᬶᬲᬶᬦ᭄ᬬᬓᬸᬰᬹᬫ᭞ᬢᬶᬦᬦᭂᬫᬡ᭄ᬟᬧᬡ᭄ᬟᬧ᭄᭞ᬧ᭄ᬭᬲᬫᬲᬫᬵᬲᬭᬷ᭞ᬭᬸᬭᬹᬲᭂᬓᬃᬦ᭄ᬬ᭞ᬕᬡ᭄ᬟᬦ᭄ᬬᬫ᭄ᬭᬶᬓ᭄ᬲᬸ
ᬫᬶᬭᬶᬢ᭄᭟᭐᭟᭙᭙᭟ᬅᬦᬸᬗ᭄ᬓᬧᬶᬂᬫᬵᬮᬬᬓᬶᬢᬢᬄᬫ᭄ᬩᬬᬦ᭄᭞ᬓᬧᬶᬂᬭ᭄ᬯᬦ᭄ᬢᬅᬫᬗ᭄ᬕᬶᬄ᭞ᬲᬸᬓ᭄ᬢᬶᬫᬦ᭄ᬳᬭᬦ᭄ᬬ᭞ᬧᬶᬂᬢᬶᬕᬭᬶᬯᬺᬓ᭄ᬱᬯᬦ᭄᭞ᬧᬶᬂᬧᬢᬶᬫᬯᬦ᭄ᬓᬧᬗ᭄ᬕᬶᬄᬓᬧᬶᬂ᭠
ᬮᬶᬫᬦ᭄ᬬ᭞ᬭᬶᬂᬳᬾᬫᬓᬸᬢᬕᬶᬭᬶ᭟᭐᭟᭑᭐᭐᭟ᬭᬶᬂᬦᬶᬡ᭄ᬟᬦᬓᬧᬶᬂᬦᭂᬫ᭄ᬦ᭄ᬬᬢᬶᬦᬧᬓ᭄᭞ᬭᬶᬂᬲᬧ᭄ᬢᬫᬾᬭᬸᬕᬶᬭᬶ᭞ᬫᬗ᭄ᬓᬦᬮᬶᬦᬓ᭄ᬯᬦ᭄᭞ᬅᬓ᭄ᬯᬾᬄᬪᬬᬸᬮᬶᬦᬓ᭄ᬯᬦ᭄᭞ᬅᬓ᭄ᬯᬾᬄ
ᬤᬹᬃᬕ᭄ᬕᬦ᭄ᬬᬧᬶᬦᬗ᭄ᬕᬶᬄ᭞ᬅᬓ᭄ᬯᬾᬄᬗᬯᬭ᭞ᬧᬥᬢᬦᬲᬸᬂᬫᬃᬕ᭄ᬕᬶ᭟᭐᭟᭑᭐᭑᭟ᬬᬦ᭄ᬢᬦ᭄ᬲᬶᬦᬸᬗᬦ᭄ᬪᬹᬓ᭄ᬢ᭄᭞ᬲᬢᬶᬡ᭄ᬟᬦ᭄ᬬ᭞ᬬᬢᬢᬦᬯᬾᬄᬫᬃᬕ᭄ᬕᬶ᭞ᬫᬃᬕ᭄ᬕᬦᬶᬂᬲᬚᬕᬢ
Kaca:Bali-lontar-paparikan-catur-yugga-300ppi.pdf/40
Kaca puniki sampun kauji-wacén
