[᭓᭘ 38B]
᭓᭘᭟
ᬦ᭄ᬲᬶᬤ᭄ᬟᬵᬕᭂᬮᬶᬲ᭄ᬫᬢᬶᬦ᭄᭞ᬫ᭄ᬯᬂᬭᬵᬫᬭᬾᬳ᭞ᬲᬂᬯᬸᬲ᭄ᬳᬸᬫᭀᬭᬶᬂᬤᬾᬯ᭞ᬫᬗ᭄ᬓᬮᬶᬗᬶᬭᬪᬝᬵᬭᬷ᭞ᬲᬶᬭᬵᬗᬸᬘᬧ᭄᭞ᬯᬸᬯᬸᬲᬶᬭᬵᬫᬦᬶᬲ᭄᭟᭐᭟᭘᭘᭟ᬳᬾᬲᬗ᭄ᬳᬲ᭄ᬓᬭᬓᬸᬯ᭄ᬭᬸᬄᬭ᭄ᬬᬪᬶᬫ
ᬢᬦ᭄ᬢ᭞ᬯᬲ᭄ᬢᬸᬲᬶᬤ᭄ᬟᬓᬧᬗ᭄ᬕᬶᬄ᭞ᬧᬺᬦᬄᬦᬶᬩᬧᬦ᭄ᬢ᭞ᬳᬦᬢᬾᬓᬶᬧᬡ᭄ᬟᬶᬢ᭞ᬫ᭄ᬧᬸᬲᭂᬓᬃᬦᬫᬦ᭄ᬬᬾᬂᬪᬹᬫᬶ᭞ᬬᬢᭀᬢᬜᬦ᭄ᬢ᭞ᬫᬵᬃᬕ᭄ᬕᬦ᭄ᬢᬲᬶᬤ᭄ᬟᬫᬗ᭄ᬕᬶᬄ᭟᭐᭟᭘᭙᭟ᬓᬵᬮᬶᬓᬓᭀ᭠
ᬫᬸᬯᬄᬅᬢᭂᬋᬦ᭄ᬤᬾᬦᬾᬗ᭄ᬕᬮ᭄᭞ᬦᬸᬮᬶᬮᬸᬫᬫ᭄ᬧᬳᬕᭂᬮᬶᬲ᭄᭞ᬧ᭄ᬭᬧ᭄ᬢᬾᬂᬰᬶᬯᬧᬤ᭄ᬫ᭞ᬫᬡ᭄ᬟᬮᬫᬾᬄᬭᬳᬶᬡ᭞ᬅᬕᭂᬮᬶᬲ᭄ᬮᬸᬫᬫ᭄ᬧᬳᬦᬸᬮᬶ᭞ᬢᭂᬓᬾᬂᬭᬳᬶᬡ᭞ᬧ᭄ᬭᬧ᭄ᬢᬾᬚᬵᭂᬂᬫ
ᬬᬢᬶ᭟᭐᭟᭙᭐᭟ᬇᬦᬢᬸᬭᬓᭂᬦ᭄ᬲᬲᭀᬮᬄᬪᬯᬦᬶᬭ᭞ᬲᬉᬚᬭᬶᬂᬳ᭄ᬬᬂᬯᬶᬥᬶ᭞ᬢᬶᬚᬪᬕ᭄ᬬᬩᬧ᭞ᬥᬭᬦ᭄ᬮᬸᬗ᭄ᬳᬵᬓᬶᬗ᭄ᬯᬂ᭞ᬫᬋᬓᬶᬂᬓᬓᬶᬦ᭄ᬢᬇᬓᬶ᭞ᬲᬶᬭᬫ᭄ᬧᬸᬲᭂ᭠
[᭓᭙ 39A]
ᬓᬃ᭞ᬩᬧᬗ᭄ᬓᬸᬲᬶᬭᬢᬾᬓᬶ᭟᭐᭟᭙᭑᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬫ᭄ᬧᬸᬳᬯᬸᬲᬥᬭᬦᭂ᭠ᬫ᭄ᬩᬄ᭞ᬯ᭄ᬭᬸᬄᬭᬶᬢᬢ᭄ᬯᬦᬶᬂᬪᬓ᭄ᬢᬶ᭞ᬦᬶᬭᬫᬓᬯᬶᬢᬦ᭄᭞ᬕᬶᬦᬸᬗ᭄ᬲᬸᬂᬤᬾᬦᬶᬂᬲ᭄ᬫᬶᬢ᭞ᬲᬃᬚ᭄ᬚᬯᬋ᭠
ᬲᭂᬧᬫᬦᬶᬲ᭄᭞ᬲᬂᬳ᭄ᬬᬂᬲᬶᬦᭂᬫ᭄ᬩᬄ᭞ᬦᬫᬰᬶᬯᬬᬫᬫᬶ᭟᭐᭟᭙᭒᭟ᬫᬾᬭᬾᬦᬾᬬᬧᬋᬂᬧᬋᬓᭂᬦ᭄ᬮᬦᬶᬗ᭄ᬯᬂ᭞ᬧᬭᬦ᭄ᬓᬃᬬ᭄ᬬᬦ᭄ᬢᬧ᭄ᬭᬧ᭄ᬢᬶ᭞ᬤᬶᬗᬃᬬ᭄ᬬᬦ᭄ᬫᬲᬶᬗ᭄ᬯᬂ᭞ᬫ᭄ᬧᬸᬳᬯᬸᬲᬶᬭᬫᭀᬚᬃ᭞ᬚᬶᬦ
ᬚᬃᬓ᭄ᬭᬫᬦ᭄ᬬᬗᬹᬦᬶ᭞ᬲᬵᬫ᭄ᬧᬸᬦ᭄ᬯᬶᬦᭂᬥᬵᬃᬱ᭞ᬮᬶᬗᬶᬭᬪᬝᬵᬭᬷ᭟᭐᭟᭙᭓᭟ᬲᬗ᭄ᬳ᭠ᬲ᭄ᬓᬭᬉᬫᬢᬸᬃᬲᬳᬵᬯᭀᬢ᭄ᬲᭂᬓᬃ᭞ᬬᬦ᭄ᬬᭀᬕ᭄ᬬᬢᬸᬮᬸᬲᬲᬶᬄ᭞ᬲᬂᬰ᭄ᬭᬷᬤ᭄ᬯᬶᬚᬾᬰ᭄ᬯᬭ᭞ᬧᭀ᭠
ᬢ᭄ᬭᬓᬲᬂᬲ᭄ᬯᬶᬚᬾᬦ᭄ᬤ᭄ᬭ᭞ᬓᬶᬦᬾᬦ᭄ᬤᬾᬦᬶᬭᬪᬝᬵᬭᬷ᭞ᬫᬶᬦ᭄ᬢᬯᬘᬡ᭞ᬫᬃᬕ᭄ᬕᬗ᭄ᬓ᭄ᬯᬲᬶᬤ᭄ᬟᬾᬂᬓᬧ᭄ᬢᬶ᭟᭐᭟᭙᭔᭟ᬬᬦ᭄ᬲᬶᬤ᭄ᬟᬯ᭄ᬭᬸᬄᬭᬶᬲ᭄ᬣᬦᬦᬶᬭᬲᬂᬮᬶᬡ᭞ᬲᬇᬱ᭄ᬝᬶᬭᬶᬂᬳᬢᬶ᭞᭠
Kaca:Bali-lontar-paparikan-catur-yugga-300ppi.pdf/39
Kaca puniki sampun kauji-wacén
