[᭙᭕ 95B]
᭙᭕
ᬕᬸᬲ᭄᭞ᬫᬵᬦ᭄ᬢ᭄ᬭᬶᬩᬵᬮᬶᬢ᭄ᬯᬄᬜᬳ᭄ᬬ᭞ᬧᬢᬶᬄᬫᬵᬦ᭄ᬢ᭄ᬭᬶ᭞ᬫᬵᬢᬹᬃᬢᬶᬢ᭄ᬬᬂᬢᬦ᭄ᬳᬸᬦᬶᬗᬵ᭟ᬮᬶᬗᬶᬭᬲᬶᬭᬲᬂᬦᬵᬣ᭞ᬳᬸᬚᬃᬭᬾᬳᬢᬸᬂᬢᬸᬂᬢᬗᬶᬲ᭄᭞ᬢ᭄ᬯᬄᬤᬶᬚᬵᬬᬫᬦᭀᬗᭀᬲ᭄᭞ᬳᬩᬬᬂᬲ᭄ᬓᬸᬮᬾᬮᬸᬳᬸᬂ᭞ᬦᬯᬶᬩᬾᬜ᭄ᬚᬂᬤᬦᬾᬧ᭄ᬭᬧ᭄ᬢᬵ᭞ᬤ
ᬦᬾᬫᬳᬶ᭞ᬦᬶᬭᬵᬧᬶᬲᬦ᭄ᬫᬫ᭄ᬤᬲᬂ᭟ᬬᬾᬦ᭄ᬲᬶᬢ᭄ᬯᬄᬤᬦᬾᬢ᭄ᬓᬵ᭞ᬦᬶᬭᬧᬶᬲᬦ᭄ᬗᭀᬜᬂᬫᬸᬜᬶ᭞ᬫᬶᬗ᭄ᬓᬶᬦ᭄ᬤᬦᬾᬲᬸ᭠ᬓᬵᬋᬓᭀ᭞ᬤᬶᬦᬶᬳᬶᬭᬗᬗ᭄ᬕᭀᬦᬸᬧᬸᬦᬹ᭞ᬳᬸᬫᬵᬢᬹᬃᬧᬢᬶᬄᬧ᭄ᬭᬲᬫᬵ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬲᬂᬧ᭄ᬭᬪᬹᬳᬾᬫᭂᬂᬗ᭄ᬭᬯᭀᬲᬂ᭟
ᬲᬵᬫ᭄ᬧᬸᬦ᭄ᬯᭂᬗᬶᬫᬮᬸᬯᬭᬦ᭄᭞ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬤᬶᬧᬸᬭᬶ᭞ᬦᬸᬮ᭄ᬬᬯᬸᬲ᭄ᬗᬚᭂᬗᬂᬋᬓᭀ᭞ᬧᬢᬶᬄᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞᭠ᬕᬸᬩᬃᬲᬫᬶᬲᬸᬯᬂᬲᭀᬯᬂ᭞ᬫᬭᬶᬂᬫᬵᬃᬕ᭄ᬕᬶ᭞ᬲᬫᬧ᭄ᬭᬧ᭄ᬢᬭᬶᬂᬳᬸᬗ᭄ᬕ᭄ᬯᬵᬜ᭟ᬢᬦ᭄ᬓᭀᬘᬧᬦᬵᬧᬸᬦᬶᬓᬵ᭞ᬳᬶᬩᭂᬓᬸᬂᬓᬯᬸᬯᬸᬲ᭄ᬫᬗ᭄ᬓᬶᬦ᭄᭞
ᬓᬭᬶᬭᬾᬧᭀᬢ᭄ᬬᬤᬶᬧᬳᭀᬦ᭄᭞ᬫᬫᬗ᭄ᬓᭀᬦ᭄ᬳᬚᭂᬗᬦ᭄ᬳᬮᬸᬲ᭄᭞ᬫᬶᬯᬄᬤᬳᬃᬧ᭄ᬭᬓᬥᬾᬳᬦ᭄᭞ᬧᬸᬧᬸᬢ᭄ᬲᬫᬶᬳᬸᬮᬫ᭄ᬩᬯᬶᬮᬯᬦ᭄ᬳᬬᬫ᭄᭟ᬓᬮᬯᬵᬦ᭄ᬳᬸᬮᬫ᭄ᬲᬕᬭᬵ᭞ᬧᬸᬧᬸᬢᬶᬂᬳᭀᬮᬳᬦ᭄ᬲᬫᬶ᭞ᬦᬸᬮ᭄ᬬᬓᬵᬢᬹᬃᬲᬫᬶᬗᬚᭂᬗᬂ᭞ᬓ
[᭙᭖ 96A]
᭙᭖
ᬤᬾᬳᬦ᭄ᬮᬯᬵᬦ᭄ᬲᬂᬩᬕᬸᬲ᭄᭞ᬯᬸᬲ᭄ᬗᬚᭂᬗᬂᬗᬶᬦᬂᬲ᭄ᬤᬄ᭞ᬲᬵᬫ᭄ᬧᬸᬦ᭄ᬯᭂᬗᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭟ᬦᬶᬭᬚᬦᬶᬫ᭄ᬕᬢ᭄ᬢᬺᬱ᭄ᬡᬵ᭞ᬫᬫᬦ᭄ᬩᬶᬩᬶᬤᬚ᭄ᬯᬲ᭄ᬤᬶᬄ᭞ᬫᬦᬶᬫᬦᬶᬧᭀᬯᬦ᭄ᬋᬓᭀ᭞ᬦᬶᬭᬫᬧᬦ᭄ᬫᬮᬶᬄᬭᬯᬸᬄ᭞ᬮᬫᬸᬦ᭄ᬢ᭄ᬯᬭᬲᭂᬗ᭄ᬓᬮᬜ᭞ᬫᬭᬶᬂᬫᬵᬃ
ᬕ᭄ᬕᬶ᭞ᬤᬚ᭄ᬯᬫᬫᬦ᭄ᬗᬸᬯᬾᬭᬬᬂ᭟ᬧ᭄ᬭᬧ᭄ᬢᬦ᭄ᬦᬶᬭᬦᬾᬢᬹᬂᬢᬸᬮᬓ᭄᭞ᬯᬾᬭᬬᬧᬘᬂᬳ᭄ᬫᬲᬶᬦ᭄᭞ᬳᬧᬂᬲᬶᬮᬶᬩ᭄ᬩᬶᬩᬶᬫᬗ᭄ᬓᭀ᭞ᬳ᭄ᬤᬵᬫᬫᬦ᭄ᬩᬶᬩᬶᬗᬘᬸᬄ᭞ᬤᬾᬦᬶᬂᬳᬯᬓᬾᬓᬯᬤ᭄ᬯᬵ᭞ᬲᬶᬗ᭄ᬕᬶᬄᬕᬸᬲ᭄ᬢᬶ᭞ᬫᬳᬢᬹᬃᬲᬳᬵᬯᭀᬢ᭄ᬲᭂᬫ᭄ᬩᬄ᭟ᬥᬸᬄᬭᬢᬸᬢᬾᬤᬾ
ᬯᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬗᬶᬭᬶᬂ᭞ᬤᬸᬭᬸᬲᬂᬫᬫᬵᬃᬕ᭄ᬕᬶᬋᬓᭀ᭞ᬓᬧᬲᬃᬯᬸᬲ᭄ᬢᭂᬗᬄᬤᬮᬸ᭞ᬳᬗᬶᬂᬳᬦ᭄ᬢᭀᬲᬧ᭄ᬢᭂᬗᬵ᭞᭠ᬩᬸᬫᬫᬸᬜᬶ᭞ᬧᬦᬮᬶᬓᬦᬾᬧᬶᬂᬢᬶᬕ᭟ᬦᬶᬓᬵᬫᬃᬕ᭄ᬕᬶᬦᬶᬦ᭄ᬳᬶᬤᬾᬯ᭄ᬯ᭞ᬫ᭄ᬮᬄᬓᬧᬲᬭᬾᬗ᭄ᬭᬭᬶᬲ᭄᭞ᬳᬶᬭᬶᬓᬵᬳᬶᬤᬾᬯ᭄ᬯᬗ᭠
ᬦ᭄ᬢᭀᬲ᭄᭞ᬭᬶᬂᬫᬵᬃᬕ᭄ᬕᬶᬦᬾᬦᬾᬧᬄᬢ᭄ᬮᬸ᭞ᬦᬶᬓᬵᬫᬵᬃᬕ᭄ᬕᬶᬦ᭄ᬳᬶᬤᬵᬫ᭄ᬤᬮ᭄᭞ᬲᬓᬶᬂᬧᬸᬭᬶ᭞ᬧᬸᬦᬶᬓᬵᬭᬢᬸᬳᬾᬮᬶᬗᬂ᭟ᬳᬢᬹᬃᬢᬶᬢ᭄ᬬᬂᬭᬶᬂᬳᬶᬤᬾᬯ᭄ᬯ᭞ᬦᬄᬩᬶᬩᬶᬫᬫᬦ᭄ᬤᬫᬶᬚᬶᬮ᭄᭞ᬳᭂᬦᬾᬫᬫᬦ᭄ᬢᬸᬮᬶᬲ᭄ᬫᬗ᭄ᬓᭀ᭞ᬫᬸᬜᬶᬦ᭄ᬳᬶᬭᬲᬸᬩᬧᬸᬧᬸᬢ᭄᭞ᬧᬶ᭠
