[᭙᭔ 94B]
᭙᭔
᭞ᬦᬤ᭄ᬬᬦ᭄ᬢ᭄ᬯᬭᬵᬧᬗᬫᬳᬦ᭄᭟ᬲᬢ᭄ᬯᬦ᭄ᬜᬦᬾᬬᬲ᭄ᬮᬾᬂᬢᬶᬫ᭄ᬩᬮ᭄᭞ᬳᭂᬫ᭄ᬩᭀᬓ᭄ᬫᬶᬦ᭄ᬤᬄᬢ᭄ᬓᬾᬦ᭄ᬘᬳᬶ᭞ᬮᬫᬸᬦᬵᬧᬜ᭄ᬚᬶᬦᬾᬳᭂᬦ᭄ᬢᭀ᭞ᬢ᭄ᬯᬭᬳᭂᬫ᭄ᬩᭀᬓ᭄ᬓᬾᬗ᭄ᬕᬸᬄᬲ᭄ᬤᬸᬓ᭄᭞ᬲᬸᬩᬵᬫ᭄ᬩᭀᬓ᭄ᬦᬥᬄᬳᬧᬶᬲᬦ᭄᭞ᬲᬳᬶᬲᬳᬶ᭞ᬫᬲᬳᭂᬫ᭄ᬩᭀᬓ᭄ᬧᬘᬂᬮ
ᬬᬄ᭟ᬲᬸᬓᬢᬾᬤᬶᬚᬫᬶᬦ᭄ᬢᭀᬭᬵ᭞ᬫᬲᬳᬤᬵᬩᬸᬓᬵᬚᬦᬶ᭞ᬧᬜ᭄ᬚᬶᬲ᭄ᬫᬃᬩᬸᬓᬓᬾᬢᭀ᭞ᬤ᭄ᬫᭂᬦ᭄ᬓ᭄ᬤᬾᬓ᭄ᬲᬸᬩᬵᬤᬶᬢᬸ᭞ᬲᬢᬓ᭄ᬕᬫ᭄ᬩᬸᬳᬾᬢ᭄ᬓᬬᬂ᭞ᬫᬰᬧᭀᬮᬶᬄ᭞ᬩᬸᬓᬓᬾᬢᭀᬧᬜ᭄ᬚᬶᬰ᭄ᬫᬃ᭟ᬓᭀᬘᬧ᭄ᬯᭀᬂᬦᭀᬦ᭄ᬢᭀᬦ᭄ᬓᬧ᭄ᬕᬢᬦ᭄᭞ᬕᬫ᭄ᬩᬸᬳᬾᬫᬮ᭄ᬯ
ᬭᬦ᭄ᬕ᭄ᬮᬶᬲ᭄᭞ᬳᬦᬓᬾᬧᬥᬧᬚᭀᬗ᭄ᬓᭀᬓ᭄᭞ᬳᬸᬫᬸᬂᬗ᭄ᬭᬯᭀᬲ᭄ᬬᬫᬶᬦ᭄ᬤᬸᬮᬸ᭞ᬓᬤᬶᬗᬦ᭄ᬢᬾᬦ᭄ᬓᬢᬶᬗ᭄ᬕᬮᬦ᭄᭞ᬧᬥᬫᬸᬮᬶᬄ᭞ᬩᬸᬬᬃᬚᬦᬶᬤᬶᬩᬜ᭄ᬘᬶᬗᬄ᭟ᬫᬦ᭄ᬢᬸᬓ᭄ᬕᬫ᭄ᬩᬸᬳᬾᬢ᭄ᬮᬲᬦ᭄᭞ᬭᬤᬾᬦ᭄ᬕᬮᬸᬄᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬓᬮᬶᬄᬤᬦᬾᬦᬯᬂᬢᬭᭀ᭞
ᬤᬶᬚᭂᬭᭀᬓᬦ᭄ᬢᭂᬦᬂᬲᬸᬳᬸᬂ᭞ᬭᬱᬜᬦᬸᬓ᭄ᬮᬧ᭄ᬓ᭄ᬮᬧ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬱᬫ᭄ᬮᬶᬗ᭄ᬕᬶᬄᬭᬶᬂᬧᬗᬲ᭄ᬢ᭄ᬭ᭄ᬬᬵᬦ᭄᭟ᬓᭀᬘᬧ᭄ᬫᬗ᭄ᬓᬶᬦ᭄ᬤᬶᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬓᬭᬶᬳᬮᬶᬗ᭄ᬕᬶᬄ᭞ᬳᬦᬓᬾᬧᬥᬧᬲᬗᭀ᭞ᬓᬧᭂᬕᬢᬦ᭄ᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬗ᭄ᬳ᭄ᬬᬂ
[᭙᭕ 95A]
᭙᭕
ᬲᬹᬃᬬ᭄ᬬ᭞ᬦᬾᬫᬩᬮᬶᬄ᭞ᬲᬫᬶᬫᬦ᭄ᬢᬸᬓ᭄ᬲᭀᬯᬂᬲᭀᬯᬂ᭟ᬯᭀᬂᬫᬦ᭄ᬢᬸᬓ᭄ᬳᬤᬢᬦ᭄ᬮᭀᬕᬲ᭄᭞ᬩᭂᬗᭀᬂᬩᭂᬗᭀᬂᬬᬤᬶ᭠ᬫᬵᬃᬕ᭄ᬕᬶ᭞ᬳᬤᬦ᭄ᬕᬓ᭄ᬳᭀᬬᭀᬂᬳᭀᬬᭀᬂ᭞ᬤᬸᬭᬸᬂᬯᬦᭂᬄᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬧᬶᬦᬄᬲᬸᬳᬸᬂᬓᬭᬶᬦ᭄ᬕᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬯ᭠
ᬳᬸᬤᬦᬾᬗ᭄ᬮᬸᬕᬲ᭄ᬧᬬᬲ᭄᭟ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᬶᬗ᭄ᬕᬮ᭄ᬦᬵᬕᬭᬶ᭞ᬓᬥᬾᬳᬦ᭄ᬧᬸᬦ᭄ᬲ᭄ᬫᬃᬋᬓᭀ᭞ᬫᬗᬶᬭᬶᬂᬫᬫᬵᬃᬕ᭄ᬕᬶᬜᬸᬦᬸᬢ᭄᭞ᬲᬵᬫ᭄ᬧᬸᬦᬤᭀᬄᬢ᭄ᬯᬭᬗᭂᬦᬄ᭞ᬦᬾᬫᬫᬵᬃᬕ᭄ᬕᬶ᭞ᬭᬵᬤ᭄ᬬᬦ᭄ᬧ᭄ᬭᬧ᭄ᬢᬭᬶᬂᬤᬸᬦᬸᬗᬦ᭄᭟ᬤᬾᬩ᭄ᬓᬸᬂᬭᬭᬶᬲ᭄ᬫ᭠
ᬜᬧᬵ᭞ᬤᬸᬄᬭᬢᬸᬫᬸᬗ᭄ᬕᬳᬦ᭄ᬫ᭄ᬮᬶᬗ᭄ᬕᬶᬄ᭞ᬓᬤᬾᬳᬦ᭄ᬮᬯᬵᬦ᭄ᬧᬸᬦ᭄ᬲ᭄ᬫᬃ᭞ᬢᬸᬫᬸᬮᬶᬄᬲᬫᬶᬳᬮᬸᬗ᭄ᬕᬸᬄ᭞ᬲᬫᬶᬓᬳᬢᬸᬭᬦ᭄ᬘᬦᬂ᭞ᬢᬦ᭄ᬓᬯᬃᬡ᭄ᬦᬶ᭞ᬳᬶᬩ᭄ᬓᬸᬂᬳᬾᬧᭀᬢ᭄ᬫᬜᬓᬦ᭄᭟ᬢᬦ᭄ᬓᭀᬘᬧᬦᬵᬧᬸᬦᬶᬓᬵ᭞ᬲᬵᬫ᭄ᬧᬸᬦ᭄ᬯᬸᬲ᭄ᬳᬗᬶᬦᬂᬲᬶᬭᬶᬄ᭞ᬓᭀᬘᬧ
ᬳᬶᬤᬵᬲᬂᬓᬣᭀᬂ᭞ᬓᬾᬯᭂᬳᬦ᭄ᬫᬗ᭄ᬓᬶᬦ᭄ᬳᬗ᭄ᬭᬸᬭᬸᬄ᭞ᬦᬾᬦᬾᬫᬫᬜ᭄ᬚᬶᬫᬜ᭄ᬫᬃ᭞ᬢᬦ᭄ᬓᬧᬗ᭄ᬕᬶᬄ᭞ᬓᬭᬶᬧᭂᬧᭂᬓ᭄ᬧᬦᬗ᭄ᬓᬶ᭠ᬮᬦ᭄᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬭᬶᬂᬲᬶᬭᬧᬢᬶᬄᬧ᭄ᬭᬫᬦ᭄ᬢ᭄ᬭᬶ᭞ᬬᬾᬦ᭄ᬓᭂᬦᭂᬳᬂᬳᬶᬭᬵᬋᬓᭀ᭞ᬦᬾᬫᬫᬜ᭄ᬚᬶᬢ᭄ᬯᬄᬳᬶᬩ
