[᭘ 8B]
᭘
ᬤᬾᬦ᭄ᬤᬾᬯᬶ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬭᬶᬂᬧᬢᬸᬭᭀᬦ᭄᭞ᬧᬯᭀᬗᬦ᭄ᬲᬫᬶᬳᬢᬸᬭᬸ᭞ᬦᬸᬮ᭄ᬬᬲᬵᬫ᭄ᬧᬸᬦ᭄ᬤᬯᬸᬄᬮᬶᬫ᭞ᬭᬤᬾᬦ᭄ᬤᬾᬯᬶ᭞ᬫᬗ᭄ᬓᬶᬦ᭄ᬢᬦ᭄ᬧᭀᬮᬶᬄᬳᬦᬶᬤᬺ᭟ᬩᬸᬓᬳᬤᬫᬗ᭄ᬭᬸᬩᬾᬤ᭄ᬥ᭞ᬫᬗᬸᬭᬲᬓ᭄ᬫᬗᬸᬭᬶᬲᬶᬓ᭄᭞ᬭᬭᬶᬲ᭄ᬕᭂ
ᬦᬶᬢ᭄ᬧᬓᬢᭂᬮ᭄ᬢᭂᬮ᭄᭞ᬓᬤᬶᬫᬓᬲᬹᬃᬩᬶᬮᬸᬮᬸᬓ᭄᭞ᬤᬤ᭄ᬬᬵᬢᬸᬭᬸᬢᬸᬭᬸᬳᬬᬫ᭄᭞ᬭᬤᬾᬦ᭄ᬤᬾᬯᬶ᭞ᬓᬕᬾᬢ᭄ᬤᬦᬾᬫᬜᬸᬫ᭄ᬧ᭄ᬦᬵ᭟ᬓᬲ᭄ᬯᬧ᭄ᬦᬵᬫᬦ᭄ᬢ᭄ᬭᬶᬫᬾᬦᬓ᭄᭞ᬮᬓ᭄ᬱᬦᬵᬢᬹᬃᬗᬭᬲ᭄ᬗᬩᬶᬦ᭄᭞ᬲᬧ᭄ᬭᬢᬶᬗ᭄ᬓᬄᬤᬶᬧᬢᬸᬭᭀᬦ᭄᭞
ᬓᬕ᭄ᬬᬢ᭄ᬳᬢᬗᬶᬳᬶᬗᬸᬲᬸᬤ᭄᭞ᬢᬸᬫᬸᬮᬶᬄᬫᬲᬲᬵᬫ᭄ᬩᬢᬦ᭄᭞ᬩ᭄ᬮᬶᬫᬦ᭄ᬢ᭄ᬭᬶ᭞ᬫᬶᬭᬶᬩ᭄ᬤᬶᬦᬶᬫᬲᬋᬗᬦ᭄᭟ᬳᬶᬩᬬᬦ᭄ᬳᬮᭀᬦ᭄ᬳᬗᬸᬘᬧ᭄᭞ᬲᭂᬤᭂᬗᬶᬂᬤᬾᬯᬳᬦᬗᬶᬲ᭄᭞ᬦᬯᬶᬯ᭄ᬭᬸᬄᬳᬶᬤᬲᬂᬓᬝᭀᬂ᭞ᬭᬤᬾᬦ᭄ᬕᬮᬸᬄᬢᬦ᭄ᬲᬸᬫᬯᬹᬃ᭞ᬧᬸ
ᬢᬶᬄᬢᬶᬫᬸᬃᬳᬩᬂᬯᬾᬢᬦ᭄᭞ᬭᬤᬾᬦ᭄ᬤᬾᬯᬶ᭞ᬢᬸᬫᬸᬭᬸᬦ᭄ᬳᬶᬤᬓᬢᬫᬦ᭄᭟ᬲᬧ᭄ᬭᬧ᭄ᬢᬦᬾᬫᬭᬾᬂᬢᬫᬦ᭄᭞ᬳᬮᬸᬗ᭄ᬕᬸᬄᬭᬶᬂᬩᬢᬸᬃᬲᬵᬭᬷ᭞ᬬᬾᬄᬢᬶᬗ᭄ᬳᬮᬾᬧᬘᬭᭀᬢ᭄ᬘᭀᬢ᭄᭞ᬧᬯᭀᬗᬦᬾᬲᬫᬶᬳᬶᬩᬸᬓ᭄᭞ᬳᬮᬸᬗ᭄ᬕᬸᬄᬳᬚᬚᬃ
[᭙ 9A]
᭙
ᬚᬚᬃ᭞ᬓᬤᬶᬂᬢᬸᬮᬶᬲ᭄᭞ᬗ᭄ᬭᬲᬦᬶᬂᬯ᭄ᬭᬸᬄᬲᬂᬦᬵᬣ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬸᬚᬭᬾᬳᬢᬸᬂᬢᬸᬂᬢᬗᬶᬲ᭄᭞ᬥᬸᬄᬓᬾᬦ᭄ᬩᬬᬦ᭄ᬫᬢᬶᬳᬶᬗᭀᬂ᭞ᬓᭂᬮᬧ᭄ᬓᭂᬮᬧ᭄ᬩᭂᬮᬶᬩᬕᬸᬲ᭄᭞ᬢᬫ᭄ᬩᬸᬮᬶᬮᬶᬗᬦᬾᬗᬭᬲ᭄᭞ᬦᬵᬕᬲᬵᬭᬷ᭞ᬫᬶᬭᬶᬩ᭄ᬳᬶᬩᭂᬮᬶᬗᬦ᭄ᬤᬶᬓᬵ
᭟ᬲᬸᬗᬾᬗᬾᬦᬾᬩᬳᬸᬓᭂᬫ᭄ᬩᬂ᭞ᬫᬶᬭᬶᬩ᭄ᬧ᭄ᬭᬭᬳᬶᬦ᭄ᬳᬶᬩ᭄ᬮᬶ᭞ᬧᬸᬲᬸᬄᬩᬓᬸᬗᬾᬫᬦ᭄ᬮᭀᬓ᭄᭞ᬫᬶᬭᬶᬩ᭄ᬚᬭᬶᬚᬶᬦ᭄ᬜᬭᬸᬭᬸᬲ᭄᭞ᬲᬦ᭄ᬤᬢᬾᬦᬾᬓᭂᬫ᭄ᬩᬂᬫᬬᬂ᭞ᬓᬢᭀᬦ᭄ᬭᬯᬶᬢ᭄᭞ᬫᬶᬭᬶᬩ᭄ᬬᬳᬶᬩ᭄ᬮᬶᬮᬸᬧᬵ᭟ᬳᬶᬦ᭄ᬢᬭᬦᬾᬦᬸᬗ᭄ᬓᬸᬮ᭄ᬭᬭᬲ᭄᭞ᬤᬳᬸᬦ᭄ᬜᬦᬾᬦᬸ᭠
ᬓᬓᬮᬶᬄ᭞ᬓᬤᬶᬳᬮᬶᬲ᭄ᬋᬗᬸᬢ᭄ᬓᬢᭀᬦ᭄᭞ᬩᬸᬦ᭄ᬓᬢᬶᬭᬄᬳᭂᬦ᭄ᬤᬶᬄᬫᬸᬭᬸᬩ᭄᭞ᬓᬤᬶᬮᬫ᭄ᬩᬾᬗᬶᬦᬂᬲ᭄ᬤᬄ᭞ᬢᬶᬳᬶᬂᬕᬥᬶᬂ᭞᭠ᬓᬢᭀᬦ᭄ᬭᬕᬵᬫᬝ᭄ᬭᬶᬬᬦᬵ᭟ᬤᭀᬦ᭄ᬲᬶᬫ᭄ᬩᬭᬾᬫᬗ᭄ᬭᬯᬾᬬᬦ᭄᭞ᬫᬳᬶᬭᬶᬩ᭄ᬮᬯᬢᬶᬩ᭄ᬮᬶ᭞ᬮᬸᬫᬸᬢᬾᬗᬮᬦ᭄ᬢᬶᬂᬓᬢᭀᬦ᭄᭞
ᬢᬫ᭄ᬧᬸᬄᬳᬗᬶᬦᬾᬤᬶᬤᬸᬳᬸᬃ᭞ᬓᬤᬶᬢᬗᬦ᭄ᬫᬢᬬᬸᬗᬦ᭄᭞ᬗᭀᬮᬄᬢᬗ᭄ᬓᬶᬲ᭄᭞ᬲᭀᬮᬳᬾᬫᬜ᭄ᬚᬮᬦ᭄ᬢᬭ᭟ᬢᬸᬜ᭄ᬚᬸᬗᬾᬳᬓᬢᬶᬄᬓᭂᬫ᭄ᬩᬂ᭞ᬓᬢᭀᬦ᭄ᬭᬶᬂᬢ᭄ᬗᬳᬶᬂᬩᬾᬚᬶ᭞ᬫᬳᬶᬭᬶᬩ᭄ᬳᬶᬩ᭄ᬮᬶᬩ᭄ᬗᭀᬂ᭞ᬳᬸᬮᬢ᭄ᬤᬦᬾᬤᬶᬢᬸᬳᬤ᭄ᬬᬸᬲ᭄᭞ᬢᭂᬫ᭄ᬧᬸᬄᬳᬗᬶᬦ᭄ᬫᬓᬶᬢᬸᬓ
