[᭗ 7B]
᭗
ᬕ᭄ᬬᬦᬦ᭄ᬤᬂᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬓᬲᬶᬤ᭄ᬬᬦ᭄ᬳᬶᬘᬪᬝᬵᬭ᭞ᬗᬫᬾᬢ᭄ᬧᬸᬢ᭄ᬭᬶ᭞ᬭᬶᬂᬤᬾᬰᬦᬵᬕᬭᬯ᭄ᬦᬂ᭟ᬫᬗ᭄ᬓᬦᬵᬲᬳᬸᬚᬃᬳᬶᬗ᭄ᬯᬂ᭞ᬫᬵᬢᬹᬃᬭᬶᬂᬲᬂᬗ᭄ᬳ᭄ᬬᬂᬧ᭄ᬭᬯᬾᬲᬶ᭞ᬮᬄᬓᬓ᭄ᬬᬢᬭᬶᬫᬦ᭄ᬫᬗ᭄ᬓᭀ᭞ᬫᬶᬚᬶᬮᬶᬂᬳᬱ᭄ᬝᬳᬸᬫᬸᬭᬸᬩ᭄᭞ᬲᬓ᭄ᬮᬶᬭᬶᬂ᭠
ᬬᬦᬵᬕᬓᭂᬫ᭄ᬩᬃ᭞ᬲᭂᬍᬫ᭄ᬧᬸᬢᬶᬄ᭞ᬫᬦᬤᬶᬲᬩᬸᬓ᭄ᬲᬮᬶᬯᬄ᭟ᬢᬶᬦᬭᬶᬫᬫᬵᬢᬹᬃᬲᭂᬫ᭄ᬩᬄ᭞ᬪᬝᬵᬭᬫᬶᬩᭂᬃᬭᬶᬂᬮᬗᬶ᭠ᬢ᭄᭞ᬧᬸᬦ᭄ᬲ᭄ᬫᬃᬩᭂᬗᭀᬂᬫᬗᭀᬳ᭄ᬬᭀᬂ᭞ᬤᬸᬄᬲᬤ᭄ᬬᬲᬦ᭄ᬢᬶᬢ᭄ᬬᬂᬭᬢᬸ᭞ᬫᬕᬸᬲ᭄ᬢᬶᬳᬗ᭄ᬕᭀᬦᬂᬜᬫ᭞ᬲᬶᬳᬶᬂᬯᬶᬥᬶ᭞ᬲᬵ
ᬫ᭄ᬧᬸᬭᬧᬜ᭄ᬚᬓᬾᬢ᭄ᬯ᭟ᬲᬵᬫ᭄ᬧᬸᬦ᭄ᬓᬓᬵᬤᬚ᭄ᬯᬯᬾᬭᬵ᭞ᬗ᭄ᬯᬾᬭᬬᬂᬤᬶᬫᬵᬃᬕ᭄ᬕᬶᬫᬃᬕ᭄ᬕᬶ᭞ᬳᬧᬦ᭄ᬯᭂᬦᬂᬧᬶᬗᬶᬢ᭄ᬫᬗ᭄ᬓᭀᬲᬸ᭠ᬲᬸᬧᬂᬤᬶᬚ᭄ᬭᭀᬦᬶᬂᬓᬬᬸᬦ᭄᭞ᬧᬳᬶᬘᬵᬳᬸᬢ᭄ᬢᬫᬤᬳᬢ᭄᭞ᬲᬫᬳᬸᬭᬶᬧ᭄᭞ᬤ᭄ᬬᬵᬲ᭄ᬢᬸᬦ᭄ᬧᬚᬶᬸᬘᬂᬓᬚᬵᬦ᭄ᬢᬓᬵ᭟ᬓᬓᬵᬫ
ᬗ᭄ᬓᬾᬓᬧ᭄ᬭᬶᬬᬢ᭄ᬦᬵ᭞ᬬᬾᬦ᭄ᬓᬢ᭄ᬓᬦ᭄ᬤᬶᬦᬵᬕᬭᬶ᭞ᬗᬤᬸᬲᬲ᭄ᬩᭂᬗᬾᬋᬓᭀ᭞ᬧᬂᬲᬸᬩᬦᭂᬦ᭄ᬳᬦᬓ᭄ᬯᭂᬭᬸᬄ᭞ᬦᬶᬭᬓᬓᬵᬗᬮᬶᬄᬤᬬ᭞ᬫᬗ᭄ᬤᬾᬲᬶᬮᬶᬩ᭄᭞ᬫᭂᬮᬄᬩᬳᬦ᭄ᬫᬜᬶᬤ᭄ᬭᬬᬂ᭟ᬚᬦᬶᬦᬶᬭᬫᭂᬲᬾᬄᬯᬱ᭄ᬝᬵ᭞ᬧᬸᬦ᭄ᬲ᭄ᬫᬃᬢᬦᬫᬶᬯᬮᬶᬦ᭄᭞ᬳ᭠
[᭘ 8A]
᭘
ᬦᬸᬳᬸᬢ᭄ᬲᬶᬭᬲᬗᬦᭀᬫ᭄᭞ᬩᬕᬸᬲᬸᬫ᭄ᬩᬭᬵᬭᬦᬶᬓᬸ᭞ᬓᬓᬵᬳᬶᬫᬶᬰᬮᬮᬦᬵ᭞ᬦᬸᬮ᭄ᬬᬵᬗ᭄ᬭᬭᬶᬲ᭄᭞ᬢᬦ᭄ᬓᬯᬃᬡ᭄ᬦᬮᬫ᭄ᬧᬄᬳᬶᬭᬵ᭟ᬓᬯᬸᬯᬸᬲᭂᬦ᭄ᬤᬵᬲᬂᬦᬵᬣ᭞ᬭᬫ᭄ᬫᬵᬭᬶᬂᬜ᭄ᬚᭀᬂᬩᬶᬭᬸᬲᬶᬗ᭄ᬕᬶᬄ᭞ᬯᬃᬡ᭄ᬦᬦ᭄ᬳᬶᬤᬩᬕᬸᬲ᭄ᬳᬦᭀᬫ᭄᭞ᬫ
ᬫᬸᬓ᭄ᬢᬶᬬᬂᬳᬶᬤᬩᬶᬬᬸᬄ᭞ᬩᬮᬦᬾᬢᬦ᭄ᬓᭂᬦᬾᬂᬯᬶᬮᬂ᭞ᬲᬸᬓᬵᬲᬸᬕᬶᬄ᭞ᬯᬸᬲ᭄ᬢᬺᬧ᭄ᬢᬶᬧᬸᬦᬂᬦᬵᬕᬭ᭟ᬲᬶᬂᬢᬶᬦᬸᬓᬸᬲᬵᬃᬯ᭄ᬯ᭠ᬫᬸᬭᬄ᭞ᬲᬶᬂᬢᬶᬦᬦ᭄ᬤᬸᬃᬲᬵᬃᬯ᭄ᬯᬦᬤᬶ᭞ᬳᬕ᭄ᬮᬶᬲᬶᬂᬘᬭᬶᬢᬵᬋᬓᭀ᭞ᬯᬸᬲ᭄ᬳᬶᬤᬫᬧᬸᬢ᭄ᬭᬳᬬᬸ᭞ᬳᬶᬲ᭄ᬢ᭄ᬭᬶᬯᬳᬸᬫᬸᬗ᭄ᬕᬄᬫᬾᬦ᭄ᬤ᭄ᬭᬵ᭞ᬦᬾ
ᬓᬧᬸᬚᬶ᭞ᬮ᭄ᬯᬶᬄᬭᬰ᭄ᬫᬶᬦᬶᬂᬲᬸᬫᬦᬵᬰ᭟ᬫᬓᬵᬓᭂᬫ᭄ᬩᬗᬶᬂᬦᬵᬕᬭ᭞ᬢᬸᬳᬸᬦᬶᬂᬧᬸᬢ᭄ᬭᬶᬦᬶᬂᬍᬯᬶᬄ᭞ᬫᬓᬵᬲᬭᬶᬦᬶᬂᬓᬥᬝᭀᬦ᭄᭞ᬧᬗ᭄ᬭᬯᭀᬲᬾᬫᬦᬶᬲᬭᬸᬫ᭄᭞ᬫᬓᬵᬧᬗᬮᬧᬦ᭄ᬘᬶᬢ᭄ᬣᬵ᭞ᬗᬲᭀᬃᬕᭂᬦ᭄ᬤᬶᬲ᭄᭞ᬓᬲᬸᬩ᭄ᬓᬮᭀᬓᬭᬶᬂᬚᬕᬢ᭄᭟᭠
ᬗ᭄ᬭᬯᬸᬳᬂᬚᬳᬸᬫᬦ᭄ᬓᬢᬄ᭞ᬓᬮᬫᬃᬤᬾᬦᬶᬂᬦ᭄ᬤ᭄ᬭᬵᬧᬢᬶ᭞ᬓᬯᬗ᭄ᬰᬸᬮ᭄ᬳᬦ᭄ᬢᬸᬓ᭄ᬲᬂᬓᬝᭀᬂ᭞ᬫᬶᬯᬄᬳᬶᬤᬭᬤᬾᬦ᭄ᬕᬮᬸᬄ᭞ᬭᬦ᭄ᬢᭂᬦ᭄ᬳᬚᬶᬧ᭄ᬭᬫᬶᬰ᭄ᬯᬭ᭄ᬬᬵ᭞ᬲᬂᬯᭀᬂᬧᬸᬭᬶ᭞ᬲᬵᬫ᭄ᬧᬸᬦ᭄ᬲᬫᬶᬯᬸᬲᬦᬥᬄ᭟ᬭᬶᬂᬲᬫᬶᬯᬸᬲᬾᬳᬦᬥᬄ᭞ᬓᭀᬘᬧᭂᬦ᭄ᬭᬳ᭠
