[᭘᭑ 81B]
᭘᭑
ᬳᬵᬫᬫᬢᬸᬢ᭄᭞ᬲᬵᬫ᭄ᬧᬸᬦ᭄ᬫᬧᬶᬭ᭄ᬬᬦ᭄ᬭᬶᬂᬢᬶᬢ᭄ᬬᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬫ᭄ᬩᭂᬢ᭄ᬢ᭄ᬯᬭᬩᬶᬱᬜᬶᬤᬺ᭟ᬲᭀᬮᬄᬳᬦᬓᬾᬤᬶᬚᬯ᭄ᬯ᭞ᬓᬯᬸᬯᬸᬲᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬲᬵᬫ᭄ᬧᬸᬦ᭄ᬧᬦᬮᬶᬓᬦ᭄ᬧᬶᬂᬭᭀ᭞ᬧᬗ᭄ᬭᬯᭀᬲᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬕ᭄ᬬᬢ᭄ᬭ
ᬯᬸᬄᬧᬸᬦᬂᬳᬚᭂᬗᬦ᭄᭞ᬲᬫᬶᬍᬯᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄ᬓᬵᬢᬸᬭᬦ᭄᭟ᬭᬳᬤᬾᬦ᭄ᬕᬮᬸᬄᬭᬶᬂᬥᭂᬳᬵ᭞ᬫᬶᬯᬄᬭᬤᬾᬦ᭄ᬕᬮᬸᬄᬚᬯᬶ᭞ᬲᬋᬂᬗᬚᭂᬗᬂᬲᬭᭀᬭᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬲᬵᬫ᭄ᬧᬸᬦ᭄᭞ᬳᬭᬶᬸᬮᬸᬗ᭄ᬕᬸᬳᬭᬶᬂᬧᬳᬸᬤᬦ᭄᭞ᬧᬢᬶᬄᬫ
ᬦ᭄ᬢ᭄ᬭᬶ᭞ᬳᬦᬥᬄᬭᬶᬂᬚᬩᬵᬢ᭄ᬗᬄ᭟ᬓᬾᬦ᭄ᬩᬬᬦ᭄ᬘᭀᬦ᭄ᬤᭀᬂᬧᬲᬶᬭᬦ᭄᭞ᬲᬫᬶᬳᬸᬲᬦ᭄ᬦᬥᬄᬫᬗ᭄ᬓᬶᬦ᭄᭞ᬓᬾᬦ᭄ᬩᬬᬦ᭄ᬭᬶᬂᬚᬯᬋᬓᭀ᭞ᬫ᭄ᬮᬳᬾᬲᬵᬫ᭄ᬧᬸᬦ᭄ᬫᬫᬸᬧᬸᬢ᭄᭞ᬜᬦ᭄ᬤᬂᬫᬦ᭄ᬢ᭄ᬭᬶᬧᬶᬮᬸᬮᬸᬢᬦ᭄᭞ᬳᬫ᭄ᬩᭂᬓ᭄ᬚᬢᬶ᭞ᬲᬧᭀᬮᬳᬾᬗᬯᬾᬭᬭᬲ᭄᭟ᬭ
ᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬢ᭄ᬓᬾᬦᬶᬂᬧᬸᬗ᭄ᬕᬯ᭄ᬯᬫᬗ᭄ᬓᬶᬦ᭄᭞ᬓᬓᬵᬓ᭄ᬫᬵᬗᬭᬄᬫᬗ᭄ᬓᭀ᭞ᬭᬶᬂᬦᬾᬩᬶᬲᬵᬗᬶᬕᭂᬮ᭄ᬕᬫ᭄ᬩᬸᬄ᭞ᬦᬶᬭᬫᬗᬚᬓ᭄ᬓᬚᬯ᭄ᬯ᭞ᬲᬶᬭᬧᬢᬶᬄ᭞ᬳᬕ᭄ᬮᬶᬲ᭄ᬧᬫᬶᬢ᭄ᬫᬧᬗᬭᬄ᭟ᬯᬾᬦ᭄ᬢᭂᬦ᭄ᬫᬘᬤᬂᬩᬳᬶᬣ᭄ᬣᬵ᭞ᬩᬦ᭄ᬤᬾᬕᬧ᭄ᬭᬢ᭄ᬬᬵᬓ᭄ᬱᬲᬫᬶ᭞
[᭘᭒ 82A]
᭘᭒
ᬚᬸᬭᬕᬦᬾᬩ᭄ᬭᬶᬲ᭄ᬚᬾᬗ᭄ᬕᭀᬢ᭄᭞ᬲᬫᬶᬫᬚᬮᬾᬃᬫᬩᬚᬸ᭞ᬩᬳᬶᬢ᭄ᬣᬦᬾᬫᬩᬦ᭄ᬤᬾᬭ᭞ᬲᬸᬢ᭄ᬭᬓᬸᬦᬶᬂ᭞ᬢᬮᬶᬦ᭄ᬓᭂᬮᬢ᭄ᬫᬧᭀᬦ᭄ᬢᬂᬫᬵᬲ᭄᭟ᬦᬸᬮ᭄ᬬᬯ᭄ᬗᬶᬤᬯᬸᬄᬢᬶᬕᬵ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬧᬸᬭᬶ᭞ᬢᬸᬫᬸᬮᬶᬄᬧ᭄ᬭᬧ᭄ᬢᬭᬶᬂᬚ᭄ᬭᭀ᭞ᬭᬳᬤᬾᬦ᭄ᬕᬮᬸᬄᬓ
ᬢ᭄ᬫᬸ᭞ᬭᬳᬤᬾᬦ᭄ᬕᬮᬸᬄᬭᬶᬂᬥᭂᬳᬵ᭞ᬢᬹᬃᬫᬲᬦ᭄ᬤᬶᬂ᭞ᬭᬶᬂᬭᬤᬾᬦ᭄ᬕᬮᬸᬄᬭᬶᬂᬚᬯᬵ᭟ᬳᬧᬦ᭄ᬲᬬᬗᬾᬓᬮᬶᬦ᭄ᬢᬂ᭞ᬭᬶᬭᬶᬄ᭠ᬢᬹᬃᬳᬲ᭄ᬢᬶᬢᬶᬩᬓ᭄ᬢᬶ᭞ᬲᬧᭀᬮᬳᬾᬗ᭄ᬕᬯᬾᬕᬾᬮᭀᬢ᭄᭞ᬯᬶᬓᬦ᭄ᬫᬗᬸᬮᬦᬶᬦ᭄ᬲᭂᬫᬸ᭞ᬫᬫᬵᬃᬡ᭄ᬦᬲᭂᬦ᭄ᬤᬸᬢᬹᬃᬯᬶᬓᬦ᭄᭞ᬫᬓᬓᬵ
ᬮᬶᬄ᭞ᬓᬢᭀᬦ᭄ᬓᬤᬶᬩᬸᬮᬦ᭄ᬓᭂᬫ᭄ᬩᬃ᭟ᬲᬂᬓᬓᬸᬂᬢᬸᬫᬸᬮᬶᬄᬧ᭄ᬭᬧ᭄ᬢᬵ᭞ᬳᬦᬫ᭄ᬩᬸᬢ᭄ᬭᬳᬤᬾᬦ᭄ᬤᬾᬯᬶ᭞ᬢᬹᬃᬳᬶᬗᬭᬲ᭄ᬫᬓᬵᬭᭀᬭᭀ᭞ᬫᬸᬗ᭄ᬕᬄᬭᬶᬂᬚᬶᬦᭂᬫ᭄ᬫ᭄ᬭᬶᬓᬵᬭᬹᬫ᭄᭞ᬮᬗ᭄ᬰᬾᬦᬾᬳᬢᬸᬫ᭄ᬧᬂᬚ᭄ᬦᬃ᭞ᬓᬲᬹᬃᬕᭂᬫ᭄ᬩᬶ᭞ᬫᬳᬸᬍᬲ᭄ᬧᬶᬢᭀᬮᬵᬚ᭄ᬦᬃ᭟ᬲᬶᬦᬭᬾᬬᬦ᭄ᬫᬸᬗ᭄ᬕ᭄ᬯᬶᬂ
ᬢᬶᬮᬫ᭄᭞ᬢᬸᬫᬸᬮᬶᬄᬳᬢᬗ᭄ᬓᭂᬧ᭄ᬓᬮᬶᬄ᭞ᬢᬗ᭄ᬲᬄᬢᬗ᭄ᬓᭂᬧ᭄ᬦᬶᬂᬓᬮᬗᭀᬦ᭄᭞ᬢᬸᬫᬸᬮᬶᬄᬳᬧᬸᬮᬂᬮᬸᬯᬸᬢ᭄᭞ᬫᬤ᭄ᬬᬦᬾᬫᭂᬭᭀᬲ᭄ᬳᬗ᭄ᬮᬸᬗ᭄ᬕᬂ᭞ᬲᬸᬢᬸᬭᬸᬧᬶᬢ᭄ᬓᬤᬶᬜᬸᬄᬕᬥᬶᬗᬾᬓᭂᬫ᭄ᬩᬃ᭟ᬚ᭄ᬭᬶᬚᬶᬭᬸᬭᬸᬲ᭄ᬫᬗᬜ᭄ᬘᬦ᭄᭞ᬦᬓᬦᬾᬮ᭄ᬯᬶᬃᬫᬡᬶᬓ᭄ᬯᬭᬶᬄ᭞ᬓᬤᬶ᭠
