[᭖᭕ 65B]
᭖᭕
ᬲᬸᬩᬦᬾᬓᬚ᭄ᬭᭀᬲᬶᬦᬫ᭄ᬬᬦ᭄᭞ᬲᬧ᭄ᬭᬧ᭄ᬢᬦᬾᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬂᬦᬵᬣᬗᬦ᭄ᬤᬶᬓᬵᬳᬮᭀᬦ᭄᭞ᬇᬦᬬᬸᬄᬲᬶᬭᬲᬂᬩᬕᬸᬲ᭄᭞ᬢᬹᬃᬫᬗᬸᬲᬧ᭄ᬳᬸᬲᬧ᭄ᬯᬱ᭄ᬧᬵ᭞ᬫᭂᬓᬸᬮ᭄ᬕᭂᬮᬶᬲ᭄᭞ᬦᬦᬓ᭄ᬩᬕᬸᬲ᭄ᬚᬦᬶᬚᬸᬯᬂ᭟ᬚᬦᬶᬫᬾᬫᬾᬫᬢ᭄ᬫᭂᬲᬂ᭞ᬧᬗᬦ᭄ᬤᬶᬓᬵᬓᬓᬵᬳᬚᬶ᭞
ᬫᬾᬫᬾᬫᬲ᭄ᬭᬄᬚᬶᬯ᭄ᬯᬋᬓᭀ᭞ᬳᬧᬂᬳᬶᬤᬾᬯ᭄ᬯᬫᬫᭂᬗ᭄ᬓᬸ᭞ᬲᬦᬵᬕᬭᬦᬾᬭᬶᬂᬤᭂᬳᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬕ᭄ᬮᬶᬲ᭄ᬫᬵᬢᬹᬃᬲᬳᬵᬲᭂᬫ᭄ᬩᬄ᭟ᬲᬶᬗ᭄ᬕᬶᬄᬢᬶᬢ᭄ᬬᬂᬗᬶᬭᬶᬂᬧᬶᬲᬦ᭄᭞ᬢᬶᬢ᭄ᬬᬂᬗᬶᬭᬶᬂᬧ᭄ᬭᬫᬶᬰ᭄ᬯᬭᬷ᭞ᬳᬫ᭄ᬧᬸᬭᬬᬂᬇᬩᬸᬋᬓᭀ᭞ᬢᬶᬢ᭄ᬬᬂᬩᬸᬥᬸᬄᬗ᭄ᬮᬓᬸᬮᬓᬸ᭞ᬰ᭄ᬭᬷ
ᬧ᭄ᬭᬫᬶᬰ᭄ᬯᬃᬬ᭄ᬬᬳᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬫᬮᬶᬄ᭞ᬳᬶᬤᬾᬯ᭄ᬯᬓᭀᬫᬫᬜ᭄ᬚᬗᬂ᭟ᬳ᭄ᬦᭂᬗᬓ᭄ᬦᬵᬭᬳᬶᬦᬵ᭞ᬓᬯᬸᬯᬸᬲᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬓᬵᬢᬸᬃᬳᬚᭂᬗᬦ᭄ᬲᬂᬓᬣᭀᬂ᭞ᬫᬶᬯᬄᬳᬶᬤᬲᬗᬩᬕᬸᬲ᭄᭞ᬦᬸᬮ᭄ᬬᬯᬸᬲ᭄ᬳᬶᬤᬵᬫᬚᭂᬗᬦ᭄᭞ᬰ᭄ᬭᬶᬪᬸᬧᬢᬶ᭞ᬫᬢᬸᬢᬸᬩ᭄ᬕᬭᬶᬂ
ᬲᬶᬂᬯᬬᬂ᭟ᬲᬵᬫ᭄ᬧᬸᬦ᭄ᬯᭂᬗᬶᬤᬯᬸᬄᬮᬶᬫᬵ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬭᬦᬶᬦ᭄᭞ᬧ᭄ᬭᬧ᭄ᬢᬭᬶᬂᬧᬫᬺᬫᬦ᭄ᬋᬓᭀ᭞ᬭᬳᬤᬾᬦ᭄ᬕᬮᬸᬄᬲᬶᬦᬫ᭄ᬩᬸᬢ᭄᭞ᬧᬶᬦ᭄ᬓᬸᬮ᭄ᬭᬭᬶᬲ᭄ᬓᬳᬭᬲ᭄᭞ᬭᬤᬾᬦ᭄ᬤᬾᬯᬶᬗᬤᬾᬩᬕ᭄ᬫᬫᬦ᭄ᬢᬶᬂᬭᬕᬵ᭟ᬲᬂᬩᬕᬸᬲ᭄ᬕᬸᬬᬸᬗᬦ᭄ᬤᬶᬓ᭞ᬗᬸᬤ᭄ᬬᬂᬕᬯᬸ
[᭖᭖ 66A]
᭖᭖
ᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬧᬂᬢᬶᬢ᭄ᬬᬂᬳᭀᬜᬓ᭄ᬮᭀᬄ᭞ᬭᬳᬤᬾᬦ᭄ᬕᬮᬸᬄᬢᬸᬫᬸᬭᬸᬦ᭄᭞ᬓᬾᬲᬄᬲᬓᬶᬂᬧᬕᬸᬮᬶᬗᬦ᭄᭞ᬧᬓ᭄ᬱᬫᬶᬚᬶᬮ᭄᭞ᬲᬂᬩᬕᬸᬲ᭄ᬭᬭᬶᬲ᭄ᬗᬦ᭄ᬤᬶᬓᬵ᭟ᬲᬵᬫ᭄ᬧᬸᬦᬂᬳᬶᬤᬾᬯ᭄ᬯᬮᬸᬗ᭄ᬳᬵ᭞ᬫᬭᬶᬓᬶᬤᬾᬯ᭄ᬯᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬕᬮᬸᬄᬫ
ᬗᬾᬫ᭄ᬧᭀᬲ᭄᭞ᬫᬓ᭄ᬢᭂᬩ᭄ᬭᬭᬶᬲ᭄ᬫᬗ᭄ᬕᬯᬸᬓ᭄᭞ᬩ᭄ᬮᬶᬫᬦ᭄ᬢ᭄ᬭᬶᬓᬳᬸᬭᬶᬧᬦ᭄᭞ᬫ᭄ᬮᬄᬚᬦᬶ᭞ᬳᬦᬓᬾᬫᬶᬰᬾᬓᬵᬢᬶᬢ᭄ᬬᬂ᭟ᬓᬸᬢᬂᬩ᭄ᬮᬶ᭠ᬲᬚᬢᬶᬢ᭄ᬬᬂ᭞ᬢ᭄ᬯᬭᬩ᭄ᬮᬶᬮᬮᬶᬲ᭄ᬫᬸᬮᬶᬄ᭞ᬤ᭄ᬫᭂᬦ᭄ᬲᬦ᭄ᬩᭂᬮᬶᬫᬗᭂᬦᭀᬢ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬕᬸᬫᬸᬬᬸ᭞ᬤᬶᬚᬳᬵᬳᬮᬶᬄᬳᬶᬤᬾᬯ᭄ᬯ
᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬶᬢ᭄ᬬᬂᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬯᬾᬦ᭄ᬢᭂᬦ᭄ᬫᬓᬵᬘᬶᬭᬶᬦ᭄ᬢᬶᬢ᭄ᬬᬂ᭞ᬳᬶᬤᬾᬯ᭄ᬯᬗᬶᬘᬾᬦᬶᬦ᭄ᬲᬶᬫ᭄ᬲᬶᬫ᭄᭞ᬫᬰᭀᬘᬵᬲ᭄ᬮᬸᬥᬶᬭᬭᭀᬭᭀ᭞ᬫᬓᬘᬶᬭᬶᬦ᭄ᬢᬶᬢ᭄ᬬᬂᬢᬸᬳᬸ᭞ᬗᬳᬸᬮᬭᬶᬂᬳᬢ᭄ᬫᬚᬶᬯᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬶᬳᬾᬮᬶᬗᬶᬦ᭄ᬫᬶᬭᬄ
᭟ᬓ᭄ᬭᬡᬲ᭄ᬯᬾᬢᬶᬢ᭄ᬬᬂᬳᬶᬮᬂ᭞ᬢᬶᬢ᭄ᬬᬂᬦᬢᬲ᭄ᬭᬶᬂᬪᬹᬧᬢᬶ᭞ᬦᬾᬦᬾᬚᬢᬶᬦᬾᬦᬾᬮᬶᬜᭀᬓ᭄᭞ᬭᬯᬸᬄᬢᬶᬢ᭄ᬬᬂᬓᬫ᭄ᬢᬯᬸᬦ᭄᭞ᬳᬶᬭᬶᬓᬵᬢᬶᬢ᭄ᬬᬂᬗᬯᬸᬮᬵ᭞ᬢᬶᬕᬂᬰᬰᬶᬄ᭞ᬭᬭᬶᬲ᭄ᬳᬶᬤᬾᬯ᭄ᬯᬓᬮᬫᬃ᭟ᬳᬚᬶᬦ᭄ᬳᬶᬤᬾᬯ᭄ᬯᬦᬾᬦᬗ᭄ᬕᬧ᭄᭞ᬚᬳᬸ
