[᭖᭖ 66B]
᭖᭖
ᬫᬦ᭄ᬭᬢᬸᬧᬶᬂᬓᬵᬮᬶᬄ᭞ᬢᬶᬢ᭄ᬬᬂᬫᬜᬳᬸᬫᬦ᭄ᬋᬓᭀ᭞ᬧᬋᬓ᭄ᬭᬶᬂᬳᬚᬶᬦ᭄ᬳᬶᬭᬢᬸ᭞ᬯᬾᬦ᭄ᬢᭂᬦ᭄ᬧᬧᬺᬤ᭄ᬬᬦ᭄ᬳᬶᬤᬾᬯ᭄ᬯ᭞ᬳᬗ᭄ᬳᬶᬂᬓ᭄ᬢᬶᬮ᭄᭞ᬲ᭄ᬕᬭᬵᬫᬥᬸᬕᬸᬦᬸᬂᬫᭂᬜᬦ᭄᭟ᬭᬭᬶᬲ᭄ᬢᬶᬢ᭄ᬬᬂᬓᬮᬶᬧᭂᬢᬂ᭞ᬭᬢᬸᬫ᭄ᬢᬯᬸᬦ᭄ᬫᬗ᭄ᬯᬶᬥᬶ᭞ᬳᬧᬂᬢᬶᬢ᭄ᬬᬂᬗᬮᬶᬄᬋᬓᭀ᭞ᬭᬯᬸᬄ
ᬢᬶᬢ᭄ᬬᬂᬓᬚᭀᬂᬪᬶᬭᬸ᭞ᬭᬶᬂᬚᬯᬵᬫᬮᬶᬄᬓᬚᬯ᭄ᬯ᭞ᬭᬤᬾᬦ᭄ᬤᬾᬯᬶ᭞ᬭᬶᬂᬚᭀᬂᬪᬶᬭᬸᬗᬶᬘᬾᬦ᭄ᬢᬶᬢ᭄ᬬᬂ᭟ᬭᬤᬾᬦ᭄ᬕᬮᬸᬄᬫᬧᬗᭂᬦᬦ᭄᭞ᬫᬾᬮᬶᬂᬭᬶᬂᬲᬶᬫ᭄ᬲᬶᬫᬾᬓᬵᬮᬶᬄ᭞ᬭᬭᬶᬲ᭄ᬦᬫ᭄ᬧ᭄ᬮᬶᬕ᭄ᬚᬚᬵᬋᬓᭀ᭞ᬢᬶᬢ᭄ᬬᬂᬓᬧᭀᬓ᭄ᬫᬵᬢᬹᬃᬮᬸᬧᬸᬢ᭄᭞ᬩ᭄ᬮᬶᬓ
ᬤᬾᬦ᭄ᬢᬶᬢ᭄ᬬᬂᬳᬦᬓ᭄᭞ᬢ᭄ᬯᬄᬜᬩ᭄ᬮᬶ᭞ᬫᬗ᭄ᬕᬯᬾᬦᬂᬢᬶᬢ᭄ᬬᬂᬲᬮᬄ᭟ᬳᬧᬲᬂᬫᬗ᭄ᬓᬶᬦ᭄ᬓᬾᬦ᭄ᬩᬬᬦ᭄ᬢᬢᬲ᭄ᬢᬓᬾᬦ᭄ᬭᬤᬾᬦ᭄ᬤᬾᬯᬶ᭞ᬫᬭᬤᬯᬸᬄᬮᬶᬫᬋᬓᭀ᭞ᬫᬸᬗ᭄ᬕᬄᬭᬶᬂᬚᬶᬦᭂᬫ᭄ᬫ᭄ᬭᬶᬓᬭᬸᬫ᭄᭞ᬢᬸᬫᬸᬮᬶᬄᬳᬧᬸᬮᬂᬭᬭᬲ᭄᭞ᬚ᭄ᬭᭀᬦᬶᬂᬲᬫᬶᬃ᭞
ᬲᬧᬸᬧᬸᬢ᭄ᬢ᭄ᬤᬸᬦ᭄ᬭᬳᬤ᭄ᬬᬦ᭄᭟ᬧᬸᬢᬶᬄᬢᬶᬫᬹᬃᬳᬩᬵᬂᬯᬾᬢᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬢᬢᬗᬶ᭞ᬧᬶᬦ᭄ᬓᬸᬮ᭄ᬭᬳᬶᬦᬾᬫᬗ᭄ᬓᭀ᭞ᬯᬘᬡᬮ᭄ᬯᬶᬃᬫᬥᬸᬚᬸᬭᬸᬄ᭞ᬮᬄᬓᬵᬦ᭄ᬢᬸᬦᬳᬢ᭄ᬫᬚᬶᬯ᭄ᬯ᭞ᬢᬶᬢ᭄ᬬᬂᬧᬫᬶᬢ᭄᭞ᬢᬶᬢ᭄ᬬᬂᬫᬗᬫ᭄ᬩᬶᬮ᭄ᬧᬓᬶᬂᬲᬦ᭄᭟ᬲᬸᬯᬾ
[᭖᭗ 67A]
᭖᭗
ᬦᬾᬳᬲ᭄ᬬᬭᬳᬶᬦᬵ᭞ᬓᬚᬸᬫᬄᬤᬾᬤᬸᬓᬸᬄᬰᬓ᭄ᬢᬶ᭞ᬭᬤᬾᬦ᭄ᬕᬮᬸᬄᬫᬵᬢᬸᬃᬳᬮᭀᬦ᭄᭞ᬧᬸᬦᬧᬶᬓᬶᬂᬲᬦᬂᬭᬢᬸ᭞ᬜᬦᬦ᭄ᬢᬶᬢ᭄ᬬᬂᬫᬦᬸᬦ᭄ᬤᬾᬦᬂ᭞ᬗᬶᬭᬶᬂᬩ᭄ᬮᬶ᭞ᬦ᭄ᬕᭂᬦ᭄ᬜᬸᬳᬸᬦ᭄ᬫᬰᬓᬶᬭᬂ᭟ᬲᬵᬫ᭄ᬧᬸᬦ᭄ᬳᬤᬶᬫᬢᬸᬦ᭄ᬤᬾᬦᬦ᭄᭞ᬢᬶᬢ᭄ᬬᬂᬗᬫ᭄ᬩᬶᬮ᭄ᬭ
ᬤᬾᬦ᭄ᬤᬾᬯᬶ᭞ᬓᬗᬦ᭄ᬤ᭄ᬭᬸᬯᬾᬕᬸᬦᬸᬂᬫ᭄ᬜᬦ᭄᭞ᬭᬤᬾᬦ᭄ᬕᬮᬸᬄᬭᬶᬂᬚᭀᬂᬪᬶᬭᬸ᭞ᬫ᭄ᬦᭂᬂᬲᬵᬫ᭄ᬧᬸᬦ᭄ᬫᬗ᭄ᬯᬾᬭᬬᬂ᭞ᬫᬗ᭄ᬤᬾᬲᬶᬮᬶᬩ᭄᭞ᬳᬧᬂᬤᬤᬬᬦᬶᬦ᭄ᬳᬦᬓ᭄᭟ᬳᬶᬗ᭄ᬕᬶᬄᬳᬫ᭄ᬩᬶᬮ᭄ᬤᬦᬾᬕ᭄ᬮᬶᬲᬂ᭞ᬫᬗ᭄ᬤᬾᬢᬶᬢ᭄ᬬᬂᬕ᭄ᬮᬶᬲ᭄ᬳᬸᬦᬶᬂ᭞ᬤᬾᬦᬶᬂᬤᬦᬾᬧᬸᬢ᭄ᬭᬶᬓᬯᭀᬢ᭄᭞
ᬓᬧᬾᬗᭂᬦ᭄ᬢᬶᬢ᭄ᬬᬂᬫᬗ᭄ᬭᬸᬗᬹ᭞ᬫᬗ᭄ᬤᬾᬤᬦᬾᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬄᬭᬭᬶᬲ᭄ᬫᬫᬵᬃᬕ᭄ᬕᬵ᭟ᬯᬳᬸᬧ᭄ᬭᬧ᭄ᬢᬭᬶᬂᬮᬯᬗᬦ᭄᭞ᬭᬭᬶᬲ᭄ᬫᬦᭀᬮᬶᬄᬓᬧᬸᬭᬶ᭞ᬢᬸᬫᬸᬮᬶᬄᬓᬧᭂᬦ᭄ᬤᬓ᭄ᬧᬦᭀᬦ᭄᭞ᬲᬂᬩᬕᬸᬲ᭄ᬮᬦ᭄ᬭᬤᬾᬦ᭄ᬕᬮᬸᬄ᭞ᬭᬭᬶᬲ᭄ᬤᬦᬾᬫ
ᬮᬶᬧᭂᬢᬦ᭄᭞ᬗᬭᬲ᭄ᬗᬩᬶᬦ᭄᭞ᬭᬳᬤᬾᬦ᭄ᬕᬮᬸᬄᬫᬵᬢᬸᬭᬵ᭟ᬳᬶᬗ᭄ᬕᬶᬄᬩ᭄ᬮᬶᬳᬸᬮᬢ᭄ᬲᬗ᭄ᬰᬬ᭞ᬮᬶᬬᬗᬂᬓᬬᬸᬦᬾᬫ᭠ᬗ᭄ᬓᬶᬦ᭄᭞ᬬᬾᬦ᭄ᬲᬶᬂᬩ᭄ᬮᬶᬳᬶᬘᬵᬫᬗ᭄ᬓᭀ᭞ᬢᬶᬢ᭄ᬬᬂᬦᬸᬦᬲ᭄ᬲᬧᬶᬢᬸᬫᬸᬢ᭄᭞ᬫᬗ᭄ᬤᬾᬓᬦ᭄ᬢᭂᬦ᭄ᬩᬓ᭄ᬢᬶᬦ᭄ᬢᬶᬢ᭄ᬬᬂ᭞ᬗᬶᬭᬶᬂᬩ᭄ᬮᬶ᭞ᬩ᭄ᬬᬵ
