[᭕᭖ 56B]
᭕᭖
ᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄ᬳᬶᬤᬾᬯ᭄ᬯ᭟ᬢᬶᬢ᭄ᬬᬂᬫᬗᬢᬸᬭᬂᬲ᭄ᬤᬄ᭞ᬓᬮᬯᬦ᭄ᬲ᭄ᬓᬭᬾᬫᬶᬳᬶᬓ᭄᭞ᬧᬸᬥᬓ᭄ᬧᬦ᭄ᬤᬦ᭄ᬳᬵᬃᬫ᭄ᬫᬯ᭄ᬯᬋᬓᭀ᭞ᬓᭂᬫ᭄ᬩᬗᬸᬭᬮᬯᬵᬦ᭄ᬫᭂᬦᬸᬄ᭞ᬲ᭄ᬓᬃᬕᬫ᭄ᬩᬶᬃᬮᬦ᭄ᬘᬫ᭄ᬧᬓᬵ᭞ᬦᬵᬕᬲᬵᬭᬷ᭞ᬲᬸᬭᬗ᭄ᬕᬦᬵᬢᬗ᭄ᬕᬸᬮᬶᬚ᭄ᬦᬃ᭟ᬭᬤᬾᬦ᭄ᬕᬮᬸᬄᬳᬃᬱᬫᬸᬮᬢ᭄
ᬳᬸᬚᬭᬾᬮ᭄ᬯᬶᬃᬫᬥᬸᬕᭂᬦ᭄ᬤᬶᬲ᭄᭞ᬢᬸᬳᬸᬩᬶᬩᬶᬥᬸᬓᬸᬄᬓᬯᭀᬢ᭄᭞ᬩᬶᬱᬬᬾᬦ᭄ᬫᬦᬸᬚᬸᬓᬬᬸᬦ᭄᭞ᬲᬓᬾᬃᬢ᭄ᬣᬶᬦᬾᬢ᭄ᬭᬸᬲ᭄ᬢᬶᬗ᭄ᬳᬵᬮ᭄᭞ᬢᬸᬳᬸᬍᬯᬶᬄ᭞ᬦᬶᬸᬮᬓ᭄ᬱᬡᬧᬕᭂᬄᬭᬶᬂᬭᬕᬵ᭟ᬤᬾᬥᬸᬓᬸᬄᬦᬾᬳᬶᬲ᭄ᬢ᭄ᬭᬶᬜᬸᬫ᭄ᬩᬄ᭞ᬢᬶᬢ᭄ᬬᬂᬧᬫᬶᬢ᭄ᬤᬾᬯ᭄ᬯᬫᬗ᭄ᬓᬶᬦ᭄
᭞ᬮᬓ᭄ᬱᬡᬦᬾᬫᬓᬭᭀᬭᭀ᭞ᬭᬭᬶᬲ᭄ᬬᬫᬫ᭄ᬕᬢ᭄ᬳᬢᬹᬃ᭞ᬤᬸᬄᬧᬮᬶᬗ᭄ᬕᬶᬄᬤᬾᬯᬦ᭄ᬢᬶᬢ᭄ᬬᬂ᭞ᬦᬾᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗ᭄ᬭᬘᬶᬓᬂᬳᬚᭂᬗᬦ᭄᭟ᬧᬸᬦᬶᬓᬶᬧᬶᬬᬦᬓ᭄ᬢᬶᬢ᭄ᬬᬂ᭞ᬫᬗᬶᬭᬶᬂᬳᬶᬤᬾᬯ᭄ᬯᬫᬗ᭄ᬓᬶᬦ᭄᭞ᬓᬬᬸᬦ᭄ᬓᬾᬫᬲᬶᬭᬫ᭄ᬋ
ᬓᭀ᭞ᬓᬩᬾᬚᬶᬫᬰᬸᬘᬶᬤᬸᬫᬸᬦ᭄᭞ᬳᬸᬲᬦᬾᬳᬗᬶᬦᬂᬲ᭄ᬤᬄ᭞ᬢᬸᬃᬫᬫᬃᬕ᭄ᬕᬶ᭞ᬓᬩᬾᬚᬶᬲᬫᬶᬫᬲᬶᬭᬫ᭄᭟ᬲᬤ᭄ᬥᬫᬗᬚᬓᬗᬶᬦᬂ᭞ᬧ᭄ᬭᬧ᭄ᬢᬫᬭᬶᬂᬢᬫᬦ᭄ᬲᬭᬷ᭞ᬕᬸᬦᬸᬂᬳᬮᬶᬢ᭄ᬚᬦᬶᬓᬢᭀᬦ᭄᭞ᬲᬵᬃᬯ᭄ᬯᬓᭂᬫ᭄ᬩᬂᬦ᭄ᬤᭂᬂᬲᬦ᭄ᬢᬸᬦ᭄᭞ᬤᬶᬧᬸᬘᬓ᭄ᬧ᭄ᬮ
[᭕᭗ 57A]
᭕᭗
ᬰᬓᭂᬫ᭄ᬩᬃ᭞ᬓᬤ᭄ᬬᬵᬖ᭄ᬦᬶ᭞ᬓᬶᬦᭂᬜᬃᬤᬾᬦᬶᬗᬭᬹᬦᬵ᭟ᬧ᭄ᬭᬧ᭄ᬢᬵᬭᬶᬂᬢᬫᬦ᭄ᬳᬲᬶᬭᬫ᭄᭞ᬯᬸᬲ᭄ᬭᬤᬾᬦ᭄ᬕᬮᬸᬄᬳᬦᭀᬮᬶᬄ᭞ᬳᬦ᭄ᬢᭀᬲ᭄ᬢᬶᬢ᭄ᬬᬂᬩ᭄ᬮᬶᬫᬗ᭄ᬓᭀ᭞ᬢᬶᬢ᭄ᬬᬂᬓᬧᬜ᭄ᬘᭀᬭᬦ᭄ᬫᬦ᭄ᬤᬸᬲ᭄᭞ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬳᬶᬗ᭄ᬕᬶᬄᬗ᭄ᬭ
ᬭᬶᬲ᭄᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭄ᬯ᭟ᬩᬕᬸᬲᬸᬫ᭄ᬩᬭᬓᭀᬘᬧ᭞ᬳᬮᬶᬗ᭄ᬕᬶᬄᬲᭀᬃᬘᭂᬫ᭄ᬧᬓᬵᬯᬶᬮᬶᬲ᭄᭞ᬳᬬᬸᬩ᭄ᬘᬭᬗᬾᬗᬭᭀᬫ᭄ᬧ᭄ᬬᭀᬓ᭄᭞ᬩᬸᬗᬦ᭄ᬜᬦᬾᬲ᭄ᬤᭂᬂᬚᬸᬚᬸᬄ᭞ᬍᬯᬶᬄᬓᬧᬭᬵᬕᬫᬸᬮᬢ᭄᭞ᬦ᭄ᬤᭂᬂᬲᬵᬭᬶ᭞ᬳᬧ᭄ᬢᬶᬬᬂᬢᬫᬓ
ᬓᭂᬫ᭄ᬩᬂ᭟ᬭᬭᬶᬲ᭄ᬤᬦᬾᬗᬬᬸᬄᬲ᭄ᬓᬃ᭞ᬫᬲ᭄ᬓᬃᬘᭂᬫ᭄ᬧᬓᬵᬯᬶᬮᬶᬲ᭄᭞ᬫᬯᬸᬯᬸᬄᬩᬕᬸᬲᬾᬋᬓᭀ᭞ᬢᬸᬫᬸᬮ᭄ᬬᬳ᭄ᬬᬂᬲ᭄ᬫᬭᬵᬦᬸᬭᬸᬦ᭄᭞ᬫᬩᬄᬳᬩᬄᬲᬵᬃᬯ᭄ᬯᬧ᭄ᬝᬓ᭄᭞ᬫᬢᬮᬸᬓᬶ᭞ᬕᬕᬦ᭄ᬤᬦᬾᬫ᭄ᬭᬶᬓ᭄ᬲᬸᬫᬵᬃ᭟ᬭᬤᬾᬦ᭄ᬕᬮᬸᬄᬯᬸᬲ᭄ᬫᬲᬶᬭᬫ᭄᭞ᬫ᭠
ᬯᬲ᭄ᬢ᭄ᬭᬧᬶᬢᭀᬮᬗ᭄ᬭᬯᬶᬢ᭄᭞ᬫᬲᭂᬗ᭄ᬓᬸᬳᬸᬩ᭄ᬲᬸᬢ᭄ᬭᬳᬶᬚᭀ᭞ᬫᬲ᭄ᬓᬃᬧᬸᬥᬓᬾᬗᬮᬸᬩ᭄᭞ᬢᬸᬫᬸᬮᬶᬄᬲᬫᬶᬫᬫᬵᬃᬕ᭄ᬕᬵ᭞ᬫᬦ᭄ᬢᬸᬓᬕ᭄ᬮᬶᬲ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶᬭᬶᬂᬧᬲᬗ᭄ᬕ᭄ᬭᬵᬦ᭄᭟ᬳᬮᬶᬗ᭄ᬕᬶᬄᬳᬚᬚᬃᬚᬚᬃ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬮᬦ᭄ᬭᬤᬾᬦ᭄ᬤᬾᬯᬶ᭞ᬕ᭄ᬮᬶᬲ᭄ᬓᬵᬢᬸ᭠
