[᭔᭖ 46B]
᭔᭖
ᬯᬦ᭄ᬚᬮᬦ᭄ᬫᬦ᭄ᬢᬸᬓ᭄᭞ᬲᬸᬯᬾᬩᬦ᭄ᬢᬶᬢ᭄ᬬᬂᬫᬗᬬᬧ᭄᭞ᬳᬸᬲᬦ᭄ᬫᬗ᭄ᬓᬶᬦ᭄ᬭᬭᬶᬲ᭄ᬤᬦᬾᬭᬶᬂᬢ᭄ᬩᬾᬦᬦ᭄᭟ᬫᬘ᭄ᬩᬸᬃᬫᬗ᭄ᬓᬶᬦ᭄ᬧᬸᬦ᭄ᬲᭂᬫᬃ᭞ᬤᭂᬓᭂᬲ᭄ᬤᭂᬓᭂᬲ᭄ᬫᬓᬓᬶᬭᬶᬕ᭄᭞ᬢᬶᬢ᭄ᬬᬩ᭄ᬬᬦᬵᬯᬾᬦ᭄ᬢᭂᬦ᭄ᬢᭀᬕᭀᬕ᭄᭞ᬢᬶᬢ᭄ᬬᬂᬢ᭄ᬯᬄᬳᬶᬲ᭄ᬫᬃᬢᬸᬳᬸ᭞ᬗᬶᬭᬶᬂᬫᬦ᭄ᬢ᭄ᬭᬶᬭᬶᬂ᭠
ᬓᭀᬭᬶᬧᬦ᭄᭞ᬤᬾᬯ᭄ᬯᬕᬸᬲ᭄ᬢᬶ᭞ᬧᬸᬦᬶᬓᬵᬓᬾᬤᬦᬾᬤᬾᬯ᭄ᬯ᭟ᬕᬕᬦ᭄ᬤᬵᬦᬾᬭᬭᬶᬲ᭄ᬓᬸᬢᬂ᭞ᬢᬸᬫᬸᬮᬶᬄᬜᬸᬚᬸᬃᬢ᭄ᬯᬦ᭄ᬫᬧᬶᬸ᭠ᬦ᭄ᬢ᭄ᬭᬶ᭞ᬭᬭᬶᬲ᭄ᬫᬫ᭄ᬮᬸᬓ᭄ᬫᬥ᭄ᬬᬋᬓᭀ᭞ᬤᬾᬯᬦ᭄ᬢᬶᬢ᭄ᬬᬂᬩ᭄ᬮᬶᬭᬯᬸᬄ᭞ᬲ᭄ᬯᬾᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬬᬧ᭄᭞ᬢᭂᬫ᭄ᬩᬾᬫᬗ᭄ᬓᬶᬦ᭄ᬤᬾᬯᬦ᭄ᬢᬶᬢ᭄ᬬᬂ
ᬢ᭄ᬯᬄᬧ᭄ᬭᬧ᭄ᬢᬵ᭟ᬭᬳᬤᬾᬦ᭄ᬕᬮᬸᬄᬫᬵᬢᬸᬭ᭞ᬦᬸᬦᬲ᭄ᬩᭂᬮᬶᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬫᬫ᭄ᬧᬓᬾᬯ᭄ᬢᬸᬫᬘ᭄ᬧᬓ᭄᭞ᬦᬶᬭᬵᬗ᭄ᬓᭂᬩᬂ᭠ᬩ᭄ᬮᬶᬩᬕᬸᬲ᭄᭞ᬳᬶᬕᬸᬭᬸᬫᬓᬶᬭᬾᬧ᭄ᬭᬧ᭄ᬢᬵ᭞ᬫᬫ᭄ᬧᬓ᭄ᬫᬗ᭄ᬓᬶᬦ᭄᭞ᬩ᭄ᬮᬶᬕ᭄ᬮᬶᬲᬂᬫᬦ᭄ᬢᬸᬓᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬦ᭄ᬢᬸᬓᬦ᭄᭞ᬧᬸᬦ᭄ᬲ᭄ᬫᬃ
ᬫᬶᬍᬢᬗ᭄ᬭᬜ᭄ᬚᬶᬂ᭞ᬳᭂᬗᭂᬧ᭄ᬓᬾᬯᬢᬸᬫᬘ᭄ᬧᬓ᭄᭞ᬳᬶᬕᬸᬭᬸᬕ᭄ᬮᬶᬲ᭄ᬤᬦᬾᬭᬯᬸᬄ᭞ᬢᬦ᭄ᬤᬸᬫᬤᬾᬳᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭞ᬲᬶᬭᬬᬓ᭄ᬱᬶ᭞ᬭᬯᬸᬄᬭᬶᬂᬮᬯᬗᬦ᭄ᬗ᭄ᬭᬓ᭄᭟ᬲᬂᬬᬓ᭄ᬱᬓᬭᬶᬳᬗ᭄ᬭᬓ᭄᭞ᬤ᭄ᬯᬦᬶᬂᬫᬵᬫ᭄ᬩᬸᬚᬢ᭄ᬫᬓᬮᬶᬄ᭞ᬭᬤᬾᬦ᭄ᬕᬮᬸᬄᬫᬵᬢᬸᬃᬳᬮᭀ
[᭔᭗ 47A]
᭔᭗
ᬦ᭄᭞ᬤᬾᬭᬾᬂᬕᬸᬭᬸᬢᬶᬢ᭄ᬬᬂᬫᬦ᭄ᬤᬸᬲ᭄᭞ᬩᬮᬶᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬢᬥᬄ᭞ᬕᬸᬭᬸᬳᬚᬶ᭞ᬳᬧᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬩ᭄ᬭᬱ᭄ᬝᬵ᭟ᬲᬂᬬᬓ᭄ᬱᬭᬭᬶᬲ᭄ᬗᬦ᭄ᬤᬶᬓᬵ᭞ᬥᬹᬄᬲᬬᬂᬲᬦ᭄ᬜᬳᬶᬘᬶᬮᬶ᭞ᬫᬶᬭᬄᬩᬧᬦᬾᬤᬓᬾᬦ᭄ᬢᭀ᭞ᬤᬶᬦᬶᬚ᭄ᬯᬤᬾᬯᬦᬶᬕᬸᬭᬸ᭞ᬩᬧᬮ᭄ᬯᬲ᭄᭠
ᬗᬮᬶᬄᬧᬗᬦ᭄᭞ᬢᬹᬃᬫᬫᬵᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬳᬜᬸᬲᬸᬧ᭄ᬭᬶᬂᬳᬮᬲ᭄᭟ᬢᬦ᭄ᬓᭀᬘᬧᬲᬶᬭᬗᬶᬸᬬᬓ᭄ᬱ᭞ᬗᬦ᭄ᬤᬶᬓᬵᬭᬳᬤᬾ᭠ᬦ᭄ᬤᬾᬯᬶ᭞ᬫ᭄ᬗᭃᬓᬾᬯᬢᬸᬫᬘᭂᬧᬓ᭄᭞ᬩ᭄ᬮᬶᬫᬦ᭄ᬢ᭄ᬭᬶᬫ᭄ᬭᬶᬓᬶᬫ᭄ᬢᬸ᭞ᬳᬶᬕᬸᬭᬸᬬᬲᬵᬫ᭄ᬧᬸᬦ᭄ᬮᬸᬗ᭄ᬳᬵ᭞ᬫ᭄ᬗᭃᬫᬗ᭄ᬓᬶᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬚ
ᬩᬵ᭟ᬦᬸᬮ᭄ᬬᬧ᭄ᬭᬧ᭄ᬢᬵᬫᬭᬶᬂᬚᬩᬵ᭞ᬲᬶᬦᬫ᭄ᬩᬸᬢ᭄ᬭᬶᬂᬭᬤᬾᬦ᭄ᬤᬾᬯᬶ᭞ᬤᬸᬄᬫᬵᬲ᭄ᬫᬶᬭᬄᬳᬢ᭄ᬫᬦᬶᬗᭀᬂ᭞ᬦᬯᬶᬭᬯᬸᬄᬳᬚᬶ᭠ᬦ᭄ᬭᬢᬸ᭞ᬭᬳᬤᬾᬦ᭄ᬕᬮᬸᬄᬫᬵᬢᬸᬭ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬲᬸᬂᬲ᭄ᬧᬄᬲᬮᬸᬤᬶᬭ᭟ᬩᭀᬬᬦ᭄ᬤᬸᬕᬶᬳᬶᬤᬧ᭄ᬭᬧ᭄ᬢᬵ᭞ᬳᬦ᭄ᬢᬾᬦᬾ᭠
ᬧᬸᬦᬶᬓᬶᬳᬓ᭄ᬱᬶ᭞ᬮᬫᬸᬦ᭄ᬲᬵᬫ᭄ᬧᬸᬦ᭄ᬋᬓᬾᬮᬸᬫᬄ᭞ᬳᬶᬕᬸᬭᬸᬫᬓᬶᬭᬾᬭᬯᬸᬄ᭞ᬧᬸᬦᬶᬓᬵᬳᬗ᭄ᬕᬾᬦ᭄ᬢᭂᬗ᭄ᬭᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬭᬶᬲ᭄ᬗᭂᬮᬸᬢ᭄ᬗᬭᬲᬭᬲ᭄᭟ᬳᬲᬸᬂᬲ᭄ᬧᬄᬫᬭᬾᬂᬯᬚᬵ᭞ᬦᬭᬶᬫᬮᬫ᭄ᬩᬾᬦᬾᬫ᭄ᬭᬶᬓ᭄᭞ᬳᬶᬗᬸᬲᬧᬸᬲᬧᬦ
