[᭔᭗ 47B]
᭔᭗
ᬮᭀᬦ᭄᭞ᬲᬫᬶᬢᬦ᭄ᬤᬶᬂᬳᬶᬲ᭄ᬢ᭄ᬭᬶᬓᬓᬸᬂ᭞ᬭᬳᬤ᭄ᬬᬦ᭄ᬭᬭᬶᬲ᭄ᬫᬵᬢᬸᬭ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬲᬸᬂᬲ᭄ᬧᬄᬲᬮᬸᬥᬶᬭᬵ᭟ᬧᬸᬦᬶᬓᬳᬗ᭄ᬕᬾᬦ᭄ᬳᬶᬤᬾᬯ᭄ᬯ᭞ᬫᬓᬘᬶᬦ᭄ᬢᬶᬢ᭄ᬬᬂᬓᬲᬶᬄ᭞ᬦᬭᬶᬫᬭᬶᬂᬢᬗᬦᬮᭀᬦ᭄᭞ᬳ᭄ᬬᬭᬗ᭄ᬲᬸᬓᬂᬲᬶᬫ᭄ᬲᬶᬫ᭄ᬳᬶᬓᬸ᭞ᬭᬳᬤ᭄ᬬᬦ᭄ᬭ
ᬭᬶᬲ᭄ᬳᬸᬫᬢᬸᬭ᭞ᬲᬩ᭄ᬥᬫᬦᬶᬲ᭄᭞ᬓ᭄ᬜᬸᬗᬾᬮ᭄ᬯᬶᬄᬫᬥᬸᬤ᭄ᬭᬯ᭄ᬯᬵ᭟ᬯᬶᬓᬦ᭄ᬲᬦ᭄ᬩᭂᬮᬶᬫᬜᬶᬤᬺ᭞ᬮᬓ᭄ᬱᬡᬦᬾᬭᬯᬸᬄᬫ᭄ᬭᬶᬓᬶ᭞ᬦᬶᬸᬤᬶᬚᬵᬳᬩ᭄ᬮᬶᬫᬦᬾᬫᭀᬂ᭞ᬤᬤ᭄ᬬᬵᬩ᭄ᬮᬶᬦᬸᬚᬸᬲᬸᬳᬸᬂ᭞ᬳᬦᬓ᭄ᬤ᭄ᬭᬶᬓᬶᬚ᭄ᬭᬶᬄᬧᬶᬲᬦ᭄᭞ᬭᬶᬂᬳᬶᬬᬚᬶ᭞ᬳᬶᬕᬸᬭᬸᬤᬤᬶᬭᬵᬓ᭄ᬱᬲ
᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬧᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬯ᭄ᬗᬶ᭞ᬫᬳᭀᬃᬢ᭄ᬣᬓᬩᬮᬶᬋᬓᭀ᭞ᬫ᭄ᬮᬄᬳᬶᬤᬾᬯᬦᬾᬫᬸᬧᬸᬢ᭄᭞᭠ᬳᬶᬤᬾᬯ᭄ᬯᬲᬤ᭄ᬬᬬᬂᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬢᬸᬦᬲ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭄ᬯ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬓᭀᬘᬧ᭄ᬳᬶᬤᬾᬯ᭄ᬯᬫ᭠
ᬫᬶᬗᬶᬢ᭄᭞ᬳᬶᬤᬾᬯ᭄ᬯᬦ᭄ᬤᬸᬯᬾᬬᬂᬋᬓᭀ᭞ᬭᬢᬸᬫ᭄ᬢᬳᬸᬦ᭄ᬫᬗᬸᬢᬸᬲ᭄᭞ᬢᬶᬢ᭄ᬬᬂᬫᬗ᭄ᬭᬸᬭᬸᬄᬧᬸᬦᬶᬓᬵ᭞ᬫᬗ᭄ᬤᬾᬧᭀᬮᬶᬄ᭞ᬧᬘᬂᬳᬢᬸᬭᬂᬓᬤᭂᬳᬵ᭟ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬲᬯᬂᬓ᭄ᬜᬸᬂᬫᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬩ᭄ᬮᬶᬋᬓᭀ᭞ᬢᬶᬢ᭄ᬬᬂᬫᬦ᭄ᬤᬸ
[᭔᭘ 48A]
᭔᭘
ᬯᬾᬬᬂᬭᬢᬸ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬓᬧᬲ᭄ᬮᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬫᬶᬦ᭄ᬢᬵᬰᬶᬄᬳᬶᬤᬜ᭄ᬮᬂ᭟ᬬᬾᬦ᭄ᬳᬶᬘᬵᬳᬶᬤᬵᬭᬶᬂᬢᬶᬢ᭄ᬬᬂ᭞᭠ᬓ᭄ᬦᬶᬳᬶᬤᬾᬯ᭄ᬯᬫᬗᬫ᭄ᬩᬶᬮ᭄᭞ᬭᬤᬾᬦ᭄ᬕᬮᬸᬄᬫᭀᬚᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬳᬶᬩ᭄ᬮᬶᬩᬕᬸᬲ᭄᭞ᬢᬦ᭄ᬤᬸᬫᬥᬾᬳᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭞ᬫ᭠
ᬓᬓᬮᬶᬄ᭞ᬲ᭄ᬕᬭᬵᬫᬥᬸᬕᬸᬦᬸᬂᬫᭂᬜᬦ᭄᭟ᬲ᭄ᬕᬭᬵᬫᬥᬸᬦᬾᬓᬳᬸᬗ᭄ᬓᬩ᭄᭞ᬓᬢᭀᬦ᭄ᬩ᭄ᬬᬲ᭄ᬮᬯᬦ᭄ᬧᬰᬶᬄ᭞ᬳᬸᬮᬫᬾᬫᬘᬦ᭄ᬤᬵᬋᬓᭀ᭞ᬯᬾᬦ᭄ᬢᭂᬦ᭄ᬳᬮᬓ᭄ᬱᬧᬶᬂᬢ᭄ᬮᬸ᭞ᬧᬸᬦ᭄ᬲ᭄ᬫᬃᬬᬓ᭄ᬥᬾᬓ᭄ᬧᬶᬲᬦ᭄᭞ᬤᬾᬯ᭄ᬯᬕᬸᬲ᭄ᬢᬶ᭞ᬳ᭄ᬚᬸᬓᬂᬢᬶᬢ᭄ᬬᬂᬦᬂᬤᬤ᭄ᬯ᭟ᬲᬯᬃᬡ᭄ᬦᬯᬃᬡ᭄ᬦ᭠
ᬦᬶᬂᬳᬸᬮᬫ᭄᭞ᬓᬢᭀᬦᬂᬫᬘᬦ᭄ᬤᬲᬫᬶ᭞ᬧᭂᬜᬸᬦᬾᬫᬧᬮᬸᬓᬢᭀᬦ᭄᭞ᬢᬸᬗ᭄ᬕᬂᬢᬸᬗ᭄ᬕᬶᬂᬲ᭄ᬮᬾᬂᬲᬸᬳᬸᬓ᭄᭞ᬓᬭᬧᬸᬦᬾᬲᬤ᭄ᬥᬕᬮᬓ᭄᭞ᬗᬸᬩᬢᬩᬶᬢ᭄᭞ᬫᬜᭂᬩᬓ᭄ᬩᬸᬗᬸᬢ᭄ᬜᬮᬶᬗ᭄ᬕᬄ᭟ᬧᬸᬦ᭄ᬲ᭄ᬫᬃᬓ᭄ᬤᬾᬓ᭄ᬫᬗᬓᬓ᭄᭞ᬤ᭄ᬫᭂᬦ᭄ᬲᬦ᭄ᬢᬶᬢ᭄ᬬᬂᬗᬶᬯᬲᬶᬦ᭄᭞ᬢᬶᬢ᭄ᬬᬂᬳᬸ᭠
ᬭᬸᬧᬶᬜᬤᬾᬯ᭄ᬯᬵ᭞ᬳᬦ᭄ᬢᬸᬓ᭄ᬕᬸᬮᬶᬂᬧᬦᬓ᭄ᬩᬗ᭄ᬓᬸᬂ᭞ᬮ᭄ᬯᬶᬄᬢᬾᬲᬶᬬᬧ᭄ᬓᬸᬭᬸᬗᬦ᭄᭞ᬩᬾᬩᬾᬓ᭄ᬓᬫ᭄ᬩᬶᬂ᭞ᬳᬗ᭄ᬰᬩ᭄ᬬᬦᬵᬢᬶᬢ᭄ᬬᬂᬢᭀᬂᬜᬓ᭄᭟ᬬᬾᬦ᭄ᬳᬶᬘᬵᬳᬶᬤᬵᬭᬶᬂᬢᬶᬢ᭄ᬬᬂ᭞ᬤ᭄ᬫᭂᬦ᭄ᬲᬦ᭄ᬢᬶᬢ᭄ᬬᬂᬫᬩᬮᬶᬄ᭞ᬢᬶᬢ᭄ᬬᬂᬓᬶᬲᬶᬤᬗᬵᬤᬾᬯ᭄ᬯ᭞ᬩᬓ᭄ᬢᬦ᭄ᬢᬶᬢ᭄ᬬᬂᬫᬸᬮᬶᬄ
