[᭔᭔ 44B]
᭔᭔
ᬦ᭄ᬩᬦ᭄ᬦᬬᬬᬂᬋᬓᭀ᭞ᬳᬧᬂᬩᬓᬢ᭄ᬭᬤᬾᬦ᭄ᬕᬮᬸᬄ᭞ᬫᬗ᭄ᬤᬾᬲᬶᬤᬵᬤᬦᬾᬩᬓᬢ᭄᭞ᬤᬾᬦᬶᬂᬘ᭄ᬮᬶᬄ᭞ᬢᬸᬳᬸᬧᬕᭂᬄᬢ᭄ᬓᬾᬦ᭄ᬭᬕᬵ᭟ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓ᭞ᬳᭂᬦ᭄ᬤᭂᬧ᭄ᬚᬳ᭄ᬤᬵᬫᬫᬸᬜᬶ᭞ᬚᬦᬶᬬᬓᬮᬳᬶᬦ᭄ᬋᬓᭀ᭞ᬤᬶᬢᬸᬲᬓᬶᬢ᭄ᬜᬦᬾᬭᬯᬸᬄ᭞ᬳ
ᬦᬓᬾᬢᭀᬕᬕᬸᬮᬓ᭄ᬜ᭞ᬧᬸᬢ᭄ᬭᬶᬭᬶᬭᬶᬄ᭞ᬮᬫᬸᬦ᭄ᬳ᭄ᬬᬢᭀᬂᬫᬗᬸᬭᬭᬧ᭄᭟ᬲᬸᬳᬸᬤ᭄ᬚᬦᬶᬫᬢᬸᬢᬸᬭᬦ᭄᭞ᬚᬫ᭄ᬩᬸᬃᬚᬶᬧᬗᬾᬓᬧᬗ᭄ᬕᬶᬄ᭞ᬢᬦ᭄ᬓᬾᬯᭂᬄᬲ᭄ᬯᬩᬯᬦᬶᬗᭀᬂ᭞ᬤᬶᬧᬦᭂᬗ᭄ᬕᬄᬫᬗ᭄ᬓᬶᬦ᭄ᬭᬯᬸᬄ᭞ᬮᬶᬯᬢ᭄ᬧ᭄ᬭᬧ᭄ᬢᬾᬂᬯᬶᬦ᭄ᬤᬸᬢᬶᬗ᭄ᬳᬮ᭄᭞ᬲᬕᬾᬢ᭄ᬧ᭄ᬭᬧ᭄ᬢᬶ᭞
ᬭᬶᬂᬚᭀᬂᬩᬶᬭᬸᬭᬶᬂᬧᬓᬸᬤᬦ᭄᭟ᬧᬸᬢᬶᬄᬢᬶᬫᬸᬃᬳᬩᬵᬂᬯᬾᬢᬦ᭄᭞ᬮᬫ᭄ᬧᬳᬾᬤᬸᬮᬸᬭᬶᬦ᭄ᬯᬶᬥᬶ᭞ᬲᬫᬶᬲ᭄ᬧᬶᬲᬶᬂᬳᬸᬫᭀᬚᭀᬕ᭄᭞ᬭᬯᬸᬄᬭᬶᬂᬰᬸᬘᬶᬳᬗ᭄ᬮᬗᬸᬦ᭄᭞ᬳᬗᬤᭂᬕ᭄ᬭᬶᬂᬢ᭄ᬧᬶᬦ᭄ᬢ᭄ᬮᬕ᭞ᬓᬦ᭄ᬢᭂᬦ᭄ᬫᬗ᭄ᬓᬶᬦ᭄ᬢᭀᬕᭀᬕᬾᬬᬫᬓᭂᬫ᭄ᬩᬭᬦ᭄᭟
ᬧᬸᬦ᭄ᬲ᭄ᬫᬃᬕᬯᭀᬓ᭄ᬢᬸᬫᬶᬗᬮ᭄᭞ᬭᬶᬂᬢᭀᬕᭀᬕᬾᬮᬶᬦ᭄ᬢᬂᬍᬯᬶᬄ᭞ᬫᬢᬹᬃᬦᬶᬓᬦᬾᬤᬶᬳᬸᬮᭀᬦ᭄᭞ᬭᬶᬂᬳᬶᬤᬾᬯ᭄ᬯᬲᬵᬫ᭄ᬧᬸᬦ᭄ᬧᬢᬸᬄ᭞ᬳᬓᬶᬤᬶᬓ᭄ᬢᬦ᭄ᬯᬾᬦ᭄ᬢᭂᬦ᭄ᬳᬶᬯᬂ᭞ᬮ᭄ᬯᬶᬄᬤᬶᬢᬗ᭄ᬓᬶᬲ᭄᭞ᬲ᭄ᬯᬪᬯᬦᬾᬧᬦ᭄ᬢᭂᬲ᭄ᬧᬶᬲᬦ᭄᭟ᬦᬸᬢᬸᬕ᭄ᬲᬦ᭄ᬳᬦᬓᬾᬜ᭄ᬚᬤ᭄ᬫᬵ
[᭔᭕ 45A]
᭔᭕
ᬦᬾᬗ᭄ᬕᬯᬾᬢᭀᬕᭀᬕᬾᬦᬶᬓᬶ᭞ᬤᬶᬢᬗᬦ᭄ᬫᬶᬯᬄᬤᬶᬘᭀᬓᭀᬃ᭞ᬤᬶᬮᬫ᭄ᬩᬾᬫᬶᬯᬄᬤᬶᬕ᭄ᬮᬸᬂ᭞ᬢᬢᬳᬦ᭄ᬳᬸᬦ᭄ᬢᬸᬧᬸᬦᬶᬓᬵ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬯᬲ᭄ᬢ᭄ᬭᬓᬵᬫ᭄ᬧᬸᬄᬦᭀᬭᬳᬶᬯᬂ᭟ᬦᬾᬢ᭄ᬩᬾᬦᬦ᭄ᬲᬧᬲᬶᬭ᭞ᬩᬕᬸᬲᬸᬫ᭄ᬩᬭᬵᬲ᭄ᬫᬸᬓ᭄ᬜᬶᬂ᭞ᬢᬢᬲᬂᬚᬓᬓᬵ᭠
ᬳᭂᬦ᭄ᬢᭀ᭞ᬤᬶᬤᭀᬭᬶᬫᬶᬯᬄᬤᬶᬫᬮᬸ᭞ᬳᭂᬦ᭄ᬢᭀᬧᬢᬸᬄᬢ᭄ᬓᬾᬦ᭄ᬓᬓᬵ᭞ᬲᬧ᭄ᬭᬢᬾᬓᬶ᭞ᬓᭂᬫ᭄ᬩᭂᬦ᭄ᬲᬩᬸᬓ᭄ᬲᬧᬸᬢ᭄ᬢᬸᬗ᭄ᬕᬮ᭄᭟ᬬ᭄ᬯᬓ᭄ᬢᬶᬧᬢᬸᬄᬢ᭄ᬓᬾᬦ᭄ᬢᬶᬢ᭄ᬬᬂ᭞ᬯ᭄ᬯᬓ᭄ᬢᬶᬲᬚᬲᬧᬸᬦᬶᬓᬶ᭞ᬧᬸᬦ᭄ᬲ᭄ᬫᬃᬮᬯᬸᬢ᭄ᬫᬫᬾᬗᭀᬃ᭞ᬩ᭄ᬦᭂᬄᬓᬾᬓ᭄ᬤᬾᬓᬾᬮᬶᬬᬸ᭞ᬤᬸᬫᬸᬦ᭄ᬤᬸᬓᬾᬤᬶ
ᬧᬩᬾᬬᬦ᭄᭞ᬓᬾᬦᬾᬓᬧᬶ᭞ᬢᬸᬮᬾᬦ᭄ᬓᬤᬶᬢᭀᬜᬦ᭄ᬳᬮᬲ᭄᭟ᬕ᭄ᬫᭂᬲ᭄ᬳᬢᬶᬦᬾᬫᬦᭂᬩᬲ᭄᭞ᬤ᭄ᬓᭂᬲ᭄ᬤᭂᬓᭂᬲ᭄ᬓᬾᬗᬸᬲᬸᬤᬶᬦ᭄᭞ᬤᬶᬚᬳᬸᬦ᭄ᬤᬕᬶᬦᬾᬩᬶᬱ᭞ᬢᬶᬢ᭄ᬬᬂᬫᬭᬗ᭄ᬓᬫᬧᬲᬸᬄ᭞ᬲᬶᬂᬤᬳᬤᬳᬸᬯᬳᬜ᭞ᬩᬦᬾᬭᬶᬭᬶᬄ᭞ᬫᬗ᭄ᬕᬯᬾᬧ
ᬧᬶᬦ᭄ᬤᬦ᭄ᬲ᭄ᬫᬃ᭟ᬦᬾᬦᬾᬩᬕᬸᬲ᭄ᬚᬕᬯᬾᬦᬂ᭞ᬩᬕᬸᬲᬸᬫ᭄ᬩᬭᬜᬯᬸᬭᬶᬦ᭄᭞ᬤᬓᬓᬵᬫᬫᬸᬜᬶᬓᬾᬦ᭄ᬢᭀ᭞ᬳᬧᬦ᭄ᬧᬳᬶᬘᬦ᭄ᬳ᭄ᬬᬂᬢᬸᬤᬸᬄ᭞ᬧᬸᬦ᭄ᬲ᭄ᬫᬃᬫᬲᬯᬸᬃᬩᬗ᭄ᬭᬲ᭄᭞ᬓᬢᬸᬗ᭄ᬕᬮᬶᬦ᭄᭞ᬧᬳᬾᬓᬦ᭄ᬢᬶᬢ᭄ᬬᬂᬤᬶᬚᬮᬦ᭄᭟ᬫᬕᬾ᭠
