[᭔᭓ 43B]
᭔᭓
ᬧᬸᬚᬢ᭄ᬫᬓᬲ᭄ᬬᬰᬶᬄ᭞ᬫᬜᬸᬧᬢ᭄ᬢᬶᬢ᭄ᬬᬂᬯᭀᬂᬓ᭄ᬮᬭᬦ᭄᭞ᬢᬦ᭄ᬮ᭄ᬬᬦ᭄ᬢ᭄ᬯᬄᬳᬶᬫᬶᬭᬄᬭᬢᬸ᭞ᬳᬗ᭄ᬕᬾᬦ᭄ᬢᬶᬢ᭄ᬬᬧᬦᭂᬫ᭄ᬩᬳᬦ᭄᭞ᬳᬶᬫᬵᬲ᭄ᬫᬡᬶᬓ᭄᭞ᬳᬶᬦᬯᬂᬢᬺᬗ᭄ᬕᬡᬗᬸᬘᬧ᭄᭟ᬳᬶᬗ᭄ᬕᬶᬄᬩ᭄ᬮᬶᬲᬧᬸᬦᬶᬓᬵ᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬸᬚᬶ᭞ᬬᬾᬦ᭄ᬢ᭄ᬯᬄᬲᬫᬶᬲᬫᬶ
ᬢᬸᬯᭀᬦ᭄᭞ᬢᬶᬢ᭄ᬬᬂᬗᬶᬭᬶᬂᬲᬧᬓᬬᬸᬦ᭄᭞ᬦᬯᬶᬯ᭄ᬗᬶᬢᬶᬢ᭄ᬬᬂᬫᬶᬦ᭄ᬤᬄ᭞ᬓᬦ᭄ᬢᬸᬦ᭄ᬩᭂᬮᬶ᭞ᬳᬶᬭᬶᬓᬶᬢᬶᬢ᭄ᬬᬂᬓᬧᬸᬭᬵ᭟ᬦᬯᬂᬢᬺᬗ᭄ᬕᬡᬳᬗᬸᬘᬧ᭄᭞ᬫᬥᬾᬢᬭᭀᬚᬮᬦ᭄ᬫᬸᬮᬶᬄ᭞ᬫᬧᬫᬶᬢ᭄ᬭᬶᬂᬤᬲᬂᬓᬣᭀᬂ᭞ᬓᬦ᭄ᬢᬸᬦ᭄ᬓᬾᬫᬗ᭄ᬓᬶᬦ᭄ᬳᬶᬕᬸᬭᬸ᭞ᬧᬸᬢ᭄ᬭᬦᬾᬓᬓᬮᬶᬄ
ᬜᬸᬫ᭄ᬩᬄ᭞ᬢᬹᬃᬫᬧᬫᬶᬢ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬧᬹᬭ᭟ᬦᬯᬂᬢᬺᬗ᭄ᬖᬦᬵᬳᬗᬸᬘᬧ᭄᭞ᬫᬥᬾᬢᬭᭀᬫᬳᬶᬤᬶᬦᬶ᭞ᬚᬮᬦ᭄ᬓᬾᬫᬮᬸᬓᬢ᭄ᬋᬓᭀ᭞ᬚᬮᬦ᭄ᬩᬰ᭄ᬫᬶᬯᬲ᭄ᬢ᭄ᬭᬲᬩᬸᬓ᭄᭞ᬲᬶᬫ᭄ᬲᬶᬫ᭄ᬲᬶᬜ᭄ᬚᬗᬾᬫᬓ᭄ᬚᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬳ᭄ᬦᭂᬗᬓ᭄ᬦᬵᬭᬶᬂᬧᬸᬭᬵ᭟᭠
ᬧᬸᬦ᭄ᬲ᭄ᬫᬃᬫᬗ᭄ᬓᬶᬦ᭄ᬫᬵᬢᬸᬭ᭞ᬓᬾᬦᬓᬗ᭄ᬓᬾᬭᬢᬸᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬓᬾᬦᬓ᭄ᬤᬦᬾᬋᬓᭀ᭞ᬲᬂᬧ᭄ᬭᬪᬹᬳᬮᭀᬦ᭄ᬳᬫᬸᬯᬸᬲ᭄᭞ᬩᬕᬸᬲ᭄ᬘᬳᬶᬮᬄᬫᬚᭂᬗᬦ᭄᭞ᬩᬧᬵᬫᬸᬮᬶᬄ᭞ᬲᬵᬫ᭄ᬧᬸᬦ᭄ᬘᬳᬶᬲᬸᬫᬗ᭄ᬰᬬᬵ᭟ᬲᬦ᭄ᬤᬶᬓᬦᬶᬤᬲᬂᬦᬵᬣ᭞ᬩᬾᬜ᭄ᬚᬂᬢᬶᬢ᭄ᬬᬂᬦᬸ
[᭔᭔ 44A]
᭔᭔
ᬦᬲ᭄ᬧᬫᬶᬢ᭄᭞ᬢᬶᬢ᭄ᬬᬂᬫᬗ᭄ᬮᬂᬮᬂᬓᬮᬗᭀᬦ᭄᭞ᬓᬗ᭄ᬕᬾᬓᬾᬓᬬᬸᬦ᭄ᬳᬶᬩᬕᬸᬲ᭄᭞ᬫ᭄ᬯᬦ᭄ᬢᬸᬚ᭄ᬯᬵᬳᬾᬗ᭄ᬕᬮᬾᬗ᭄ᬕᬮ᭄᭞ᬓᬃᬬ᭄ᬬᬕᬢᬶᬫᬮᬶᬄᬯᬾᬦ᭄ᬢᭂᬦ᭄ᬫᬦᬄᬩᬧᬵ᭟ᬳᬤᬜᬫᬦ᭄ᬘᬳᬶᬤᬤ᭄ᬯ᭞ᬳᭂᬗ᭄ᬓᬾᬦ᭄ᬚᬓᬬᬸᬦᬂᬘᬳᬶ᭞ᬬᬤ᭄ᬬᬵᬦ᭄ᬳᬶᬬᬫᬓᬭᭀᬭᭀ᭞ᬩ
ᬧᬲᬸᬓᬵᬭᬶᬂᬳᬶᬩᬕᬸᬲ᭄᭞ᬲᬓᬾᬯᬮᬤᬵᬦᬶᬗᭂᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬶᬢ᭄ᬬᬂᬕ᭄ᬮᬶᬲ᭄ᬫᬮᬶᬄᬢᬸᬮᬓ᭄᭟ᬢᬸᬫᬸᬮᬶᬄᬫᬗ᭄ᬓᬶᬦ᭄ᬫᬚᭂᬗᬦ᭄᭞ᬧᬢᬶᬄᬫᬦ᭄ᬢ᭄ᬭᬶᬫᬗᬬᬳᬶᬦ᭄᭞ᬮᬸᬫᬶᬦ᭄ᬤᬶᬄᬮᬮᬯᬸᬄᬋᬓᭀ᭞ᬩᬺᬫᬭᬓ᭄ᬲᬚᭂᬂᬫ᭄ᬯᬂᬳᬗ᭄ᬕᬸᬃ᭞ᬢᬦ᭄ᬓᭀᬲ᭄ᬬᬳᬸᬮᬫ᭄
ᬲᬕᬭᬵ᭞ᬳᬸᬮᬫ᭄ᬩᬯᬶ᭞ᬳᬶᬲ᭄ᬫᬃᬲᬵᬫ᭄ᬧᬸᬦ᭄ᬩ᭄ᬢᭂᬓᬦ᭄᭟ᬧᬢᬶᬄᬫᬦ᭄ᬢ᭄ᬭᬶᬫᬗᬯᭀᬓᬂ᭞ᬭᬶᬂᬧᭀᬮᬳᬾᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬩᬶᬲᬶᬓ᭄ᬤᬸᬫᬤᬓ᭄ᬋᬓᭀ᭞ᬲᬂᬧ᭄ᬭᬪᬹᬲᬤ᭄ᬬᬫᬫᬦ᭄ᬢᬸ᭞ᬫᬶᬦᬓᬵᬲ᭄ᬓᬃᬦᬵᬕᬭ᭞ᬳᭀᬜᬂᬳᬮᬶᬄ᭞ᬤᬶᬚᬯᬵᬫᬲᬵᬤᬫᬥ᭟ᬲ
ᬯᬸᬃᬫᬦᬸᬓ᭄ᬫᬫᬢᬸᬳᬂ᭞ᬲᬂᬧ᭄ᬭᬪᬸᬧ᭄ᬭᬧ᭄ᬢᬾᬭᬶᬂᬧᬹᬭᬶ᭞ᬳ᭄ᬦᭂᬗᬓ᭄ᬦᬲᬂᬓᬣᭀᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯᬸᬯᬸᬲ᭄᭞ᬳᬸᬲᬦ᭄ᬜᭂᬓᬸᬮ᭄ᬮ᭠ᬦ᭄ᬧᬸᬦ᭄ᬲ᭄ᬫᬃ᭞ᬫᬥ᭄ᬬᬮᬢ᭄ᬭᬶ᭞ᬲ᭄ᬧᬶᬭᬤᬾᬦ᭄ᬫᬦ᭄ᬢ᭄ᬭᬶᬮᬸᬗ᭄ᬳᬵ᭟ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬚᬫᬶᬦ᭄ᬢᭀᬭ᭞ᬧᬸᬦ᭄ᬲ᭄ᬫᬃᬫᬲᬶᬄᬗᬸᬮᬶᬫᬶᬤ᭄᭞ᬓᬾᬦ᭄ᬓᬾ
