[᭓᭕ 35B]
᭓᭕
ᬗ᭄ᬮᭀᬘᭀᬓ᭄ᬓ᭄ᬮᭂᬘᬓ᭄ᬓ᭄ᬮᭂᬘᭀᬓ᭄᭞ᬳᬤᬵᬩᬚᬂᬲᬤ᭄ᬥᬩᬕᬸᬲ᭄᭞ᬩᬮ᭄ᬬᬦ᭄ᬳᭂᬮᬸᬄᬫᬮᬶᬄᬢ᭄ᬓᬵ᭞ᬳᬗᬶᬂᬩ᭄ᬮᬶᬂ᭞ᬫᭂᬩᭀᬳᭂᬗᬲ᭄ᬫᬭᬦ᭄ᬢᬩᬦ᭄᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬾᬗ᭄ᬕᬮᬂᬫᬳᬶᬳᬋᬧᬶᬦ᭄᭞ᬩᬮ᭄ᬬᬦᬾᬧᬥᬧᬚᭀ
ᬗ᭄ᬓᭀᬓ᭄᭞ᬯᬾᬦ᭄ᬢᭂᬦ᭄ᬢᭂᬮᬸᬂᬤᬰᬢ᭄ᬮᬸ᭞ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬗᬫᭂᬮ᭄ᬢᬗᬦ᭄᭞ᬤᬾᬯ᭄ᬯᬕᬸᬲ᭄ᬢᬶ᭞ᬭᬭᬶᬲᬂᬕ᭄ᬮᬶᬲᬂᬲᭂᬫ᭄ᬩᬃ᭟ᬫᬂᬲᬸᬃᬗᬮᬶᬄᬧᬘᬂᬜᭂᬫ᭄ᬩᬃ᭞ᬧ᭄ᬭᬜᬳᬶᬦᬾᬳᬓᬾᬄᬫᬶᬚᬶᬮ᭄᭞ᬳᬬᬸᬳᬬᬸᬓᬭᬶᬳᬦᭀᬫ᭄᭞ᬲᬵᬫ᭄ᬧᬸᬦ᭄ᬲᬫᬶᬫᬓ᭄ᬧᬓ᭄ᬲᬶᬫ᭄ᬩᬸᬄ᭞
ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬳᬗᬶᬂᬕᬶᬕᬶᬲ᭄᭞ᬯᬗ᭄ᬤᬾᬬᬂᬫᬜᭂᬫ᭄ᬩᬃᬢᬶᬢ᭄ᬬᬂ᭟ᬧᬸᬦ᭄ᬲ᭄ᬫᬃᬫᬳᬢᬸᬃᬜᭂᬫ᭄ᬩᬄ᭞ᬯᬶᬚᬶᬄᬧᬶᬲ᭠ᬦ᭄ᬰ᭄ᬭᬶᬪᬹᬧᬢᬶ᭞ᬧᬦᬸᬗ᭄ᬓᬦ᭄ᬤᬦᬾᬦᬾᬓᬯᭀᬦ᭄᭞ᬫ᭄ᬓᬤᬶᬦᬾᬤᬸᬫᬸᬦ᭄ᬤᬸᬫᬸᬦ᭄᭞ᬧᬸᬢ᭄ᬭᬶᬳᭀᬓᬦ᭄ᬭᬢᬸᬫᬾᬦᬓ᭄᭞ᬦᬶᬓ
ᬲᬶᬤ᭄ᬥᬶ᭞ᬲ᭄ᬭᬶᬂᬧᬶᬲᬦ᭄ᬲᬦᬾᬦᬤᭀᬲᬂ᭟ᬬᬾᬦ᭄ᬢᬦ᭄ᬧᬸᬢ᭄ᬭᬶᬦᬾᬳᬸᬢ᭄ᬢᬫᬵ᭞ᬫᬜᭂᬫ᭄ᬩᬃᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄᭞ᬲᬂᬦᬵᬣᬗᬦ᭄ᬤᬶᬓᬵᬳᬮᭀᬦ᭄᭞ᬲᬃᬯ᭄ᬯᬶᬤᬦᬾᬗᬸᬲᬧᬶᬂᬮᬸᬄ᭞ᬫᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬢᬶᬗᬮ᭄᭞ᬳᬲ᭄ᬫᬸᬢᬗᬶᬲ᭄᭞ᬤᬾᬦᬶᬂᬓᬾ
[᭓᭖ 36A]
᭓᭖
ᬯᭂᬳᬦ᭄ᬭᬶᬂᬫᬦᬄ᭟ᬭᬱᬳᬦᬗᬶᬲ᭄ᬗᬦ᭄ᬤᬶᬓᬵ᭞ᬳᬾᬗ᭄ᬕᬮᬂᬚᬦᬶᬓᬧᬸᬭᬶ᭞ᬫᬋᬓ᭄ᬭᬤᬾᬦ᭄ᬕᬮᬸᬄᬭᭀᬭᭀ᭞ᬢᬸᬦ᭄ᬤᬾᬦ᭄ᬧᬥᬫᬳᬶᬜᬶᬫ᭄ᬩᬸᬄ᭞ᬳᭀᬭᬳᬂᬓᬳᬶᬓᬾᬯᭂᬳᬦ᭄᭞ᬩ᭄ᬯᬢᬶᬂᬲᬓᬶᬢ᭄᭞ᬭᬶᬂᬧ᭄ᬭᬫᬶᬰ᭄ᬯᬭᬶᬳᬢᬸᬭᬂ᭟ᬳᬶᬩᬬᬦ᭄ᬕᬶᬧᬶᬄᬓᬧᬹ
ᬭᬵ᭞ᬗᬾᬗ᭄ᬕᬮᬂᬲᬤᬵᬫᬮᬳᬶᬩ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬚ᭄ᬭᭀ᭞ᬫᬢᬸᬃᬭᬶᬂᬭᬳᬤᬾᬦ᭄ᬕᬮᬸᬄ᭞ᬕ᭄ᬮᬶᬲ᭄ᬭᬢᬸᬫᬗ᭄ᬓᬶᬦ᭄ᬫᭂᬤᬮ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬳᬚᬶᬦ᭄ᬳᬶᬤᬾᬯ᭄ᬯᬓᬾᬯᭂᬳᬦ᭄᭟ᬲᬋᬂᬩ᭄ᬬᬂᬘᭀᬓᭀᬃᬳᬶᬤᬾᬯ᭄ᬯ᭞ᬫᬗ᭄ᬤᬾᬦ᭄ᬲᬋᬂᬫᬗ᭄ᬓᬶᬦ᭄ᬫᬶᬚᬶᬮ᭄᭞᭠
ᬧᬗᬦ᭄ᬤᬶᬓᬦ᭄ᬤᬵᬲᬂᬓᬣᭀᬂ᭞ᬧᬘᬂᬋᬓᬾᬜᭂᬫ᭄ᬩᬃᬢᬫ᭄ᬬᬸ᭞ᬧᬦᬸᬗ᭄ᬓᬦᬾᬩᬗᭂᬢ᭄ᬧᬶᬲᬦ᭄᭞ᬳᬸᬮᬶᬂᬗᬸᬦᬶ᭞ᬫᬓᭂᬲ᭄ᬬᬩ᭄ᬲᬵᬫ᭄ᬧᬸᬦ᭄ᬧᬶᬂᬢᬶᬕᬵ᭟ᬦᬯᬂᬢᬺᬗ᭄ᬕᬡᬗᬦ᭄ᬤᬶᬓᬵ᭞ᬫᬤᬾᬢᬭᭀᬓ᭄ᬫᬵᬫᬶᬚᬶᬮ᭄᭞ᬳᬢᬸᬭᬂᬫ᭄ᬩᭀᬓ᭄ᬚᬫᬫᬶᬦ᭄ᬤᬄ᭞ᬳᭂᬫ᭄ᬩᭀ᭠
ᬓ᭄ᬓᬢ᭄ᬓᬬᬦ᭄ᬩᬳᬸ᭞ᬓᬾᬢᭀᬚᬳᬤᬶᬳᬢᬸᬭᬂ᭞ᬢᭀᬂᬫᬮᬸᬤᬶᬄ᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬓᬚᬩᬵ᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬩᬜ᭄ᬘᬶᬗᬄ᭞ᬧᬯᭀᬗᬦᬾᬲᬫᬶᬫᬶᬳᬶᬤ᭄᭞ᬭᬳᬤᬾᬦ᭄ᬫᬋᬓ᭄ᬲᬂᬓᬣᭀᬂ᭞ᬲᬂᬦᬵᬣᬗᬦ᭄ᬤᬶᬓᬵᬳᬤᬸᬄ᭞ᬫᬵᬲ᭄ᬤᬾᬯᬦᬾᬳᬶ
