[᭓᭖ 36B]
᭓᭖
ᬩᬧᬵ᭞ᬩᬧᬵᬗ᭄ᬯᬶᬤᬶ᭞ᬳᬧᬂᬜᬳᬶᬚ᭄ᬯᬫᬜᭂᬫ᭄ᬩᬃ᭟ᬩ᭄ᬬᬂᬜᬳᬶᬓᬳᬶᬘᬮᬦ᭄᭞ᬭᬓᬦ᭄ᬜᬳᬶᬢ᭄ᬯᬄᬓᬯᬶᬤ᭄ᬥᬶ᭞ᬫᬗᬸ᭠ᬤ᭄ᬬᬂᬋᬓᬾᬤᬶᬚ᭄ᬭᭀ᭞ᬜᬳᬶᬚᬦᬶᬳᬧᬂᬢᬳᬸ᭞ᬫᬭᬭᬵᬫᬢ᭄ᬓᬾᬦ᭄ᬩᬵᬧ᭞ᬳᬦᬓ᭄ᬜᬳᬶ᭞ᬓᬯᬶᬤ᭄ᬥᬶᬧᬘᬂᬫᬜᭂᬫ᭄ᬩᬃ᭟ᬫ᭠
ᬥᬾᬢᬭᭀᬲᬳᬸᬃᬲᭂᬫ᭄ᬩᬄ᭞ᬬᬾᬦ᭄ᬳᬶᬘᬵᬳᬶᬕᬸᬭᬸᬳᬚᬶ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬬᬦ᭄ᬫᬫᬶᬦ᭄ᬤᬄ᭞ᬫᬜᭂᬫ᭄ᬩᬃᬥᬢᭂᬗᬦ᭄ᬩᬕᬸᬲ᭄᭞ᬤᬾᬦᬶᬂᬢᬶᬢ᭄ᬬᬂᬓᬭᬶᬤᭂᬳᬵ᭞ᬲᬶᬜᬦᬯᬶ᭞ᬫᬗ᭄ᬓᬶᬦ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬮᬄ᭟ᬲᬂᬧ᭄ᬭᬪᬹᬳᬰ᭄ᬫᬸᬤᬸᬓᬵ᭞ᬕᬸᬭᬸᬤᬶᬦᬶᬫᬦᭀ
ᬗᭀᬲᬶᬦ᭄᭞ᬲᬦ᭄ᬤᬶᬓᬦ᭄ᬳᬶᬤᬲᬂᬓᬣᭀᬂ᭞ᬫᬓᬶᬭᬾᬫᬫᬓ᭄ᬧᬓ᭄ᬲᬶᬫ᭄ᬩᬸᬄ᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬳᬗᬶᬂᬕᬶᬕᬶᬲ᭄᭞ᬯᬗ᭄ᬤᬾᬬᬂᬫᬜᭂᬫ᭄ᬩᬃᬢᬶᬢ᭄ᬬᬂ᭟ᬬᬾᬦ᭄ᬭᬯᬸᬄᬭᬓᬦ᭄ᬳᬶᬤᬾᬯ᭄ᬯ᭞ᬢᬶᬢ᭄ᬬᬂᬲᬸᬓᬵᬫᬗᬢᬸᬭᬶᬦ᭄᭞ᬓ᭄ᬫᬵᬳᬶᬩ᭄ᬬᬂᬓᬚ᭄ᬭᭀ᭞ᬳᬶᬦᬯᬂᬢ
ᬭᭀᬫᬳᬢᬹᬃ᭞ᬳᬶᬫ᭄ᬩᭀᬓ᭄ᬤᬦᬾᬓᬢ᭄ᬓᬬᬦ᭄᭞ᬧᬭᬵᬫᬦ᭄ᬢ᭄ᬭᬶ᭞ᬲᬫᬶᬓ᭄ᬜᬸᬂᬫᬫᬶᬋᬗᬂ᭟ᬬᬦ᭄ᬬᬢ᭄ᬯᬶᬩᬸᬓᬄᬓᬾᬦ᭄ᬢᭀ᭞ᬓᬸᬤ᭄ᬬᬂᬩᬧᬦᬸᬦ᭄ᬤᬾᬦ᭄ᬫᬳᬶ᭞ᬩᬮ᭄ᬬᬦᬾᬫᬵᬢᬹᬃᬳᬮᭀᬦ᭄᭞ᬬᬦ᭄ᬳᬦᬓ᭄ᬘᭀᬓᬵᬃᬳᬶᬭᬢᬸ᭞ᬬᬾᬦ᭄ᬤᬶᬧᬸᬭᬶᬫᬓᬓᬾᬦ
[᭓᭗ 37A]
᭓᭗
ᬓ᭄᭞ᬰ᭄ᬭᬷᬪᬹᬧᬢᬶ᭞ᬗᬦ᭄ᬤᬶᬓᬵᬤᬶᬦᬶᬓᬾᬘᬶᬗᬓ᭄᭟ᬳᭂᬗ᭄ᬓᬾᬦ᭄ᬚᬫᬗ᭄ᬓᬶᬦ᭄ᬗᬬᬸᬦᬂ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬜᬦᬾᬤᬶᬦᬶ᭞ᬳᬶᬲ᭄ᬫᬃᬫᬳᬢᬹᬃᬳᬮᭀᬦ᭄᭞ᬫᬓᬵᬤᬶᬦᬾᬤᬸᬫᬸᬦ᭄ᬤᬸᬫᬸᬦ᭄᭞ᬬᬾᬦ᭄ᬲᬶᬧᬸᬢ᭄ᬭᬶᬭᬚᬵᬰ᭄ᬯᬮᬵ᭞ᬦᬶᬓᬵᬲᬶᬤ᭄ᬥᬶ᭞ᬫᬜᭂᬫ᭄ᬩᬃᬤᬦᬾᬕ᭄ᬮᬶ᭠
ᬲ᭄ᬓᬾᬦᬓ᭄᭟ᬩᬬᬦ᭄ᬓᬚ᭄ᬭᭀᬳᬾᬗ᭄ᬕᬮᬂ᭞ᬦᬯᬂᬢᬺᬗ᭄ᬖᬡᬳᬢᬸᬭᬶᬦ᭄᭞ᬓᬾᬦ᭄ᬩᬬᬦ᭄ᬕᭂᬮᬶᬲ᭄ᬓᬚ᭄ᬭᭀ᭞ᬫᬳᬢᬹᬃᬭᬶᬂ᭠ᬭᬤᬾᬦ᭄ᬫᬮᬸᬄ᭞ᬕ᭄ᬮᬶᬲᬂᬤᬾᬯᬓᬚᬩᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬚᬶᬦ᭄ᬤᬾᬯᬗᬦ᭄ᬤᬶᬓᬬᬂ᭟ᬬᬤ᭄ᬬᬵᬲ᭄ᬢᬸᬦ᭄ᬳᬶᬤᬾᬯ᭄ᬯᬫᬗ᭄ᬭᬚᬵ
᭞ᬢᬫ᭄ᬬᬸᬦᬾᬯᬦ᭄ᬢᬄᬦᬫᬺᬤ᭄ᬥᬶ᭞ᬬᬾᬦ᭄ᬲᬂᬧᬸᬢ᭄ᬭᬶᬦᬾᬦᬾᬩᭀᬤᭀ᭞ᬲ᭄ᬭᬶᬂᬦᬤᭀᬲᬂᬦᬾᬤᬸᬫᬸᬦ᭄᭞ᬧᬸᬦᬶᬓᬵᬲᬶᬤ᭄ᬥᬶᬫᬜᭂᬫ᭄ᬩᬃ᭞ᬭᬤᬾᬦ᭄ᬤᬾᬯᬶ᭞ᬕᬸᬫᬸᬬᬸᬮᬯᬦ᭄ᬓᬾᬦ᭄ᬩᬬᬦ᭄᭟ᬳᬚᬶᬦ᭄ᬳᬶᬤᬾᬯ᭄ᬯᬦᬾᬤᬸᬓᬵ᭞ᬲ᭄ᬯᬪᬯᬳᬢᬸᬂᬢᬸᬂ
ᬲ᭄ᬤᬶᬄ᭞ᬭᬤᬾᬦ᭄ᬕᬮᬸᬄᬗᬦ᭄ᬤᬶᬓᬵᬮᭀᬦ᭄᭞ᬳᭂᬦᬄᬚᬦᬶᬓᬳᬶᬧᭂᬲᬸ᭞ᬩᬶᬓᬲ᭄ᬤᬦᬾᬦᬾᬤᬶᬚᬩᬵ᭞ᬫᬗ᭄ᬭᬲᬦᬶᬦ᭄᭞ᬯᬶᬚᬶᬄᬗᬮᬶᬄᬚᬸᬭᬸᬲᭂᬫ᭄ᬩᬃ᭟ᬤᬾᬦᬶᬂᬤᬦᬾᬢᬫ᭄ᬬᬸᬲᬸᬗ᭄ᬓᬦ᭄᭞ᬫᬲᬶᬄᬦᬶᬭᬚ᭄ᬯᬓᬯᬶᬤ᭄ᬥᬶ᭞ᬤᬶᬩᬜ᭄ᬘᬶᬗᬄᬮ᭄ᬬᬸ
