[᭓᭑ 31B]
᭓᭑
ᬭᬶ᭞ᬩᬕᬸᬲ᭄ᬦᬾᬳᬤᬶᬳᬶᬳᬮᬵ᭟ᬤᬾᬩᭂᬓᬸᬂᬫᬵᬢᬹᬃᬳᬜᬸᬫ᭄ᬩᬄ᭞ᬯ᭄ᬬᬓ᭄ᬢᬶᬧᬶᬲᬦ᭄ᬰ᭄ᬭᬶᬩᬸᬧᬢᬶ᭞ᬳᬗᬶᬂᬳᬦᬓ᭄ᬲᬓᬶᬂᬳᬤᭀᬄ᭞ᬤ᭄ᬯᬦᬶᬂᬢᬶᬢ᭄ᬬᬂᬜᭂᬲᭂᬤ᭄ᬤᬸᬫᬸᬦ᭄᭞ᬤᬾᬰᬦᬾᬢᬦ᭄ᬯᬾᬦ᭄ᬢᭂᬦ᭄ᬓᬭ᭄ᬯᬦ᭄᭞ᬳᬸᬮᬶᬗᬮᬶᬢ᭄᭞ᬤᬦᬾᬋᬓᬾᬫᬗᬸᬫ᭄ᬩ
ᬭᬵ᭟ᬓ᭄ᬫᬵᬫᬸᬮᬶᬄᬳᬗ᭄ᬕᬮᬾᬗ᭄ᬕᬮ᭄᭞ᬫᬓᬤᬤ᭄ᬯᬳᬚᬓ᭄ᬫᬳᬶ᭞ᬤᬾᬩ᭄ᬓᬸᬂᬫᬳᬢᬸᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬭᬢᬸ᭞ᬢᬶᬢ᭄ᬬᬂᬧᬫᬶᬢ᭄ᬢᬹᬃᬫᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬚᬸᬫᬄᬦ᭄ᬬᬕᬕ᭄ᬮᬶᬲᬦ᭄᭟ᬩᬕᬸᬲᬸᬫ᭄ᬩᬭᬵᬓᭀᬘᬧ
᭞ᬧᬶᬦᬄᬤᬦᬾᬳᬢᬶᬳᬢᬶ᭞ᬗᬸᬤᬓᬶᬓᬓᬶᬫᬓ᭄ᬮᭀ᭞ᬫᬾᬦ᭄ᬩᭂᬓᬸᬂᬫᬲᬳᬸᬃᬳᬮᬸᬲ᭄᭞ᬫᬦᬳᬂᬢᬶᬢ᭄ᬬᬂᬳᬶᬤᬾᬯ᭄ᬯᬵ᭞ᬭᬸᬧᬕᬜ᭄ᬚᬶᬄ᭞ᬳᬶᬤᬾᬯ᭄ᬯᬫᬗ᭄ᬓᬶᬦ᭄ᬭᬶᬂᬢᬶᬢ᭄ᬬᬂ᭟ᬲᬕᬾᬢ᭄ᬦᬾᬦᬾᬫ᭄ᬯᬦᬶᬢ᭄ᬓᬵ᭞ᬦᬾᬳ᭄ᬮᬸᬄᬕᬸᬧᬸᬄᬜᬕ᭄ᬚᬕᬶᬦ᭄᭞ᬓᬾᬦ᭄ᬓᬾᬦ᭄ᬘ᭠
ᬳᬶᬳ᭄ᬬᬸᬦ᭄ᬲᬂᬓᬢᭀᬂ᭞ᬧᬲᭂᬤᭂᬕ᭄ᬲᭂᬤᭂᬕ᭄ᬦᬾᬓᬓᬸᬂ᭞ᬳᬶᬭᬵᬚᬦᬶᬜᬳᬶᬢᬸᬗᬧ᭄᭞ᬲᬗᬧᭂᬓᬶᬓ᭄᭞ᬓᬳᬫ᭄ᬩᬶᬮ᭄ᬳᬦ᭄ᬢᬸᬓ᭄ᬲᬂᬦᬵᬣ᭟ᬲᬫᬶᬫᬗᭂᬫ᭄ᬩᭂᬂᬬᬾᬄᬫᬢᬵ᭞ᬤᬾᬩ᭄ᬓᬸᬂᬦ᭄ᬬᬮᬸᬄᬫ᭄ᬯᬦᬶ᭞ᬲᬂᬩᬕᬸᬲ᭄ᬗᬦ᭄ᬤᬶᬓᬳᬮᭀᬦ᭄᭞ᬲᬤ᭄ᬬᬦᬶᬭᬳᬸᬮᬶᬂᬫᬮᬸ᭞
[᭓᭒ 32A]
᭓᭒
ᬫᬫᬋᬓ᭄ᬳᬶᬤᬲᬂᬦᬵᬣ᭞ᬦᬾᬦᬾᬚᬦᬶ᭞ᬳᭂᬦ᭄ᬢᭀᬢᬾᬲᬤ᭄ᬬᬬᬂᬳᬶᬭᬵ᭟ᬳᭂᬦᬾᬄᬓᬓᬶᬫᬡᬶᬓ᭄ᬤᬤ᭄ᬯ᭞ᬧᬗᬸᬦ᭄ᬤᬗᬦ᭄ᬳᬸᬮᬫ᭄ᬧᬲᬶᬄ᭞ᬬᬾᬦ᭄ᬲᬶᬳᬩᬦ᭄ᬓᬓᬶᬳᭂᬦ᭄ᬢᭀ᭞ᬓᬓᬶᬫᭂᬜ᭄ᬘᬃᬧᭀᬮᬶᬄᬮᬶᬬᬸ᭞ᬳᬶᬗ᭄ᬕᬶᬄᬦᬸᬦᬲ᭄ᬢᬶᬢ᭄ᬬᬂᬤᬾᬯ᭄ᬯ᭞ᬕᬸᬲ᭄ᬢᬶ᭠
ᬫᬗ᭄ᬓᬶᬦ᭄᭞ᬤᬸᬫᬤᬓ᭄ᬢᬶᬢ᭄ᬬᬂᬫᬗᭂᬮᬄ᭟ᬢᬸᬫᬸᬮᬶᬄᬭᬭᬶᬲ᭄ᬫᬫᬵᬃᬕ᭄ᬕ᭞ᬤᬾᬩ᭄ᬓᬸᬂᬲᬋᬂᬳᬗᬶᬭᬶᬂ᭞ᬦᬾᬦᬾᬮᬸᬄᬤᬶᬚᬸᬫᬄᬩ᭄ᬗᭀᬂ᭞ᬫᬫᬗᭂᬦᬂᬲᬗᬩᬕᬸᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧᭂᬦ᭄᭞ᬦᬫ᭄ᬧᭂᬓ᭄ᬫᬗ᭄ᬓᬶᬦ᭄᭞ᬩᬜ᭄ᬘᬶᬗᬳᬾᬲᬵᬫ᭄ᬧᬸᬦ᭄ᬗᭂᬦᬄ᭟ᬩ᭄ᬦᭂᬄ
ᬓᬾᬳᭀᬃᬢ᭄ᬣᬦᬾᬮᬸᬫ᭄ᬩ᭄ᬭᬄ᭞ᬤᬶᬚᬯᬵᬫᬶᬯᬄᬤᬶᬧᬸᬭᬶ᭞ᬳᬓᬾᬄᬳᬦᬓ᭄ᬧᭂᬲᬸᬦᬶᬜ᭄ᬚᭀ᭞ᬤᬶᬫᬵᬃᬕ᭄ᬕᬦᬾᬫᬩᬶᬬᬬᬸ᭞ᬤᭂᬳᬵᬤᭂᬳᬦᬾᬫᬓᭂᬲ᭄ᬬᬃ᭞ᬫᬗᬶᬯᬲᬶᬦ᭄᭞ᬳᬤᬬᬲᬮᬶᬂᬧᬮᬶᬯᬢ᭄᭟ᬳᬶᬩᬕᬸᬲ᭄ᬧ᭄ᬭᬧ᭄ᬢᬾᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬓ᭠
ᬧᭂᬦ᭄ᬤᬓ᭄ᬮᬶᬭᬶᬂ᭞ᬤᬾᬩ᭄ᬓᬸᬂᬫᬳᬢᬹᬃᬳᬮᭀᬦ᭄᭞ᬧᬸᬦᬶᬓᬶᬤᬦᬾᬲᬂᬩᬕᬸᬲ᭄᭞ᬤᬸᬄᬫᬳᬶᬘᬳᬶᬫ᭄ᬦᬾᬓᬦ᭄᭞ᬓᬮᬶᬄᬤᬶᬦᬶ᭞ᬘ᭠ᬳᬶᬩᬋᬂᬢ᭄ᬓᬾᬦ᭄ᬩᬧᬵ᭟ᬩᬕᬸᬲᬸᬫ᭄ᬩᬭᬫᬫᬶᬦ᭄ᬤᬄ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬶᬭᬶᬓᬶ᭞ᬫᬮᬶᬗ᭄ᬕᬶᬄᬭᬢᬸᬲᬂᬓᬣᭀᬂ᭞ᬲᬂᬧ᭄ᬭᬪᬸᬕᬶᬧᬶᬄ
