[᭓᭒ 32B]
᭓᭒
ᬢᬸᬫᬸᬭᬸᬦ᭄᭞ᬲᬋᬂᬳᬮᬸᬗ᭄ᬕᬸᬄᬭᬶᬂᬦᬢᬃ᭞ᬧᬭᬵᬫᬦ᭄ᬢ᭄ᬭᬶ᭞ᬩᬸᬩᬃᬢᬸᬫᬸᬭᬸᬦ᭄ᬢᬮᬲᬦ᭄᭟ᬳᬢᭂᬧᬮᬸᬗ᭄ᬕᬸᬄᬭᬶᬂᬦᬢᬃ᭞᭠ᬩᭂᬗᭀᬂᬧ᭄ᬭᬫᬦ᭄ᬢ᭄ᬭᬶᬦᬶᬗᬮᬶᬦ᭄᭞ᬯᬃᬡ᭄ᬦᬦᬾᬩᬕᬸᬲᬸᬫ᭄ᬩᬭᬵ᭞ᬍᬯᬶᬄᬢᬳᬶᬤᬲᬂᬧ᭄ᬭᬪᬸ᭞ᬳᬕ᭄ᬮᬶᬲ᭄ᬮᬸᬫ᭄ᬭᬄᬫᬭᬶᬂᬧᬹᬭᬵ
᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭟ᬳᬶᬦᬯᬂᬢᬭᭀᬓᭀᬘᬧᭂᬦ᭄᭞ᬳᬗ᭄ᬭᬸᬗᬹᬳᬶᬤᬵᬭᬶᬂᬧᬸᬭᬶ᭞᭠ᬫᬶᬚᬶᬮ᭄ᬲᬵᬫ᭄ᬧᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬲᭂᬓ᭄ᬲᭂᬓ᭄ᬯᭀᬂᬚᭂᬭᭀᬲᬸᬧ᭄ᬦᬸᬄ᭞ᬳᬤᬵᬦᬶᬜ᭄ᬚᭀᬭᬶᬂᬘᬭᬂᬘᬂ᭞ᬲᬮᬾᬂᬚᭂᬧᬶᬢ᭄᭞ᬢ᭄ᬯᬭ
ᬬᬗ᭄ᬮᬶᬗᬸᬕᬸᬲ᭄ᬢᬶᬜ᭟ᬳᬤᬦᭂᬗᭀᬓ᭄ᬫᬭᬶᬂᬲᭀᬫ᭄ᬩᬄ᭞ᬳᬤᬭᬶᬂᬲ᭄ᬮᬕᬦ᭄ᬓᬶᬓᬶᬢ᭄᭞ᬳᬤᬭᬶᬂᬢᬾᬫ᭄ᬩᭀᬓ᭄ᬳᬢᬶᬜ᭄ᬚᭀ᭞ᬤᭂᬗᬓ᭄ᬤᭂᬗᭀᬓ᭄ᬢᬦ᭄ᬓᬤᬸᬮᬸ᭞ᬳᬤᬫ᭄ᬦᬾᬓᬶᬦ᭄ᬮᬮᬾᬬᬦ᭄᭞ᬕ᭄ᬮᬦ᭄ᬢᬶᬂᬕ᭄ᬮᬦ᭄ᬢᬶᬂ᭞ᬢᬧᬶᬄᬜᬦᬾᬲᬶᬗ᭄ᬲᬮ᭄ᬲᬶᬂᬲᬮ᭄᭟ᬲᬂᬧ᭄ᬭᬪᬸ
ᬭᬭᬶᬲ᭄ᬗᬦ᭄ᬤᬶᬓᬵ᭞ᬩᬕᬸᬲ᭄ᬩ᭄ᬬᬵᬦᬵᬩᬧᬳᬸᬦᬶᬂ᭞ᬩᬧᬵᬢ᭄ᬯᬄᬚᬦᬶᬫᬢᬓᭀᬦ᭄᭞ᬲᬵᬫ᭄ᬧᬸᬦ᭄ᬩᬕᬸᬲ᭄ᬯᬮᬂᬓᬬᬸᬦ᭄᭞ᬘᬳᬶᬢᬾᬳᬸᬮᬶᬤᬶᬚᬳᬵ᭞ᬕᬸᬭᬸᬦ᭄ᬘᬳᬶ᭞ᬲᬶᬜᬳ᭄ᬦᬸᬯᬃᬕ᭄ᬕᬶᬦ᭄ᬩᬧᬵ᭟ᬩᬕᬸᬲᬸᬫ᭄ᬩᬭᬫᬵᬢᬸᬭᬵ᭞ᬢᬶᬢ᭄ᬬᬂᬩ᭄ᬬᬦᬵᬳᬦ᭠
[᭓᭓ 33A]
᭓᭓
ᬳᬦᬓ᭄ᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬓᬲᬲᬃᬗᬸᬫ᭄ᬩᬭᬵ᭞ᬳᬸᬮᬶᬂᬳᬮᬶᬢ᭄ᬢᬶᬢ᭄ᬬᬂᬭᬢᬸ᭞ᬩ᭄ᬬᬦᬵᬦᬯᬂᬫᬾᬫᬾᬩᬧ᭞ᬓ᭄ᬭᬫᬧᬓ᭄ᬱᬶ᭞ᬲᬶᬂᬚᬮᬦ᭄ᬢᬶᬢ᭄ᬬᬂᬯᭂᬗ᭄ᬬᬦ᭄᭟ᬲᬂᬧ᭄ᬭᬪᬸᬓᬗᭂᬦ᭄ᬭᬶᬂᬫᬦᬄ᭞ᬫᬶᬋᬗᬂᬳᬸᬚᬭᬾᬫᬗ᭄ᬓᬶᬦ᭄᭞ᬯᬗ᭄ᬤᬾᬬᬂᬩᬕᬸᬲ᭄ᬫᬗ᭄ᬭ
ᬯᭀᬲ᭄᭞ᬓᬗᭂᬦ᭄ᬲᬦ᭄ᬩᬧᬳᬗ᭄ᬭᬸᬗᬹ᭞ᬩᬮᬶᬓ᭄ᬮᬫᬸᬦ᭄ᬘᬳᬶᬲᬸᬓᬵ᭞ᬩᬋᬂᬤᬶᬦᬶ᭞ᬘᬳᬶᬳᬗ᭄ᬕᭀᬦ᭄ᬩᬧᬧ᭄ᬬᬦᬓ᭄᭟ᬫᬶᬦᬓᬵᬲ᭄ᬓᬃᬦᬵᬕᬭ᭞ᬳᬧᬂᬘᬳᬶᬜᬓᬺᬯᬺᬢ᭄ᬢᬶ᭞ᬳᬧᬚᬓᬬᬸᬦᬂᬋᬓᭀ᭞ᬤᬺᬯᬾᬦ᭄ᬩᬧᬵᬲᬸᬩᬮ᭄ᬬᬸ᭞ᬢ᭄ᬯᬭᬘᬳᬶᬧ᭠
ᬘᬂᬓᬸᬭᬂ᭞ᬦᬤ᭄ᬬᬦ᭄ᬧᬸᬢ᭄ᬭᬶ᭞ᬳᭀᬓᬦ᭄ᬭᬢᬸᬦᬾᬳᬸᬢᬫᬵ᭟ᬬᬾᬦ᭄ᬘᬳᬶᬲᬸᬓᬵᬓᬾᬦ᭄ᬩᬧᬵ᭞ᬩᬧᬵᬮᬫᬭᬗᬵᬘᬳᬶ᭞ᬧᬸᬦᬶᬓᬵᬧᬸᬢ᭄ᬭᬶᬦᬾᬓᬯᭀᬢ᭄᭞ᬫᬮᬄᬫᭂᬮᬳᬾᬲᬵᬫ᭄ᬧᬸᬦ᭄ᬫᬫᬸᬧᬸᬢ᭄᭞ᬳᬓᬾᬄᬫᬦ᭄ᬢ᭄ᬭᬶᬫᬗᬋᬧᬂ᭞ᬢᬸᬃᬫᬫ
ᬡ᭄ᬤᬶᬓ᭄᭞ᬩ᭄ᬭᬳ᭄ᬫᬵᬡᬫ᭄ᬯᬂᬧᬭᬵᬤᬾᬯ᭄ᬯ᭟ᬭᬸᬧᬯᬾᬦ᭄ᬢᭂᬦ᭄ᬓᬭᭀᬩ᭄ᬮᬄ᭞ᬦᬾᬫᬫᬤᬶᬓ᭄ᬢ᭄ᬯᬭᬓᬢᬫ᭄ᬧᬶ᭞ᬫᬫᬸᬧᬸᬢ᭄ᬧᬾᬲ᭄ᬢᬤᬾᬋᬓᭀ᭞ᬭᬤᬾᬦ᭄ᬕᬮᬸᬄᬭᬶᬂᬚᭀᬂᬩᬶᬭᬸ᭞ᬤᬶᬚᬯ᭄ᬯᬢ᭄ᬯᬭᬵᬦᬓ᭄ᬧᬥ᭞ᬦᬶᬓᬵᬫᬗ᭄ᬓᬶᬦ᭄᭞ᬕᬸᬭᬸᬦᬾᬤ
