[᭑᭔ 14B]
᭑᭔
ᬗᬦᬶᬭᬳᬗᬶᬭᬶᬂ᭞ᬫᬫ᭄ᬩᬸᬭᬾᬳᬗᬯᬂᬳᬯᬂ᭞ᬗ᭄ᬮᬶᬦ᭄ᬢᬂᬚᬸᬭᬂᬳᬮᬲ᭄ᬕᬸᬦᬸᬂ᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬭᬶᬂᬕᬾᬭᬾᬂᬲᬶᬭ᭞ᬭᬤᬾᬦ᭄ᬤᬾᬯᬶ᭞ᬗᬸᬗ᭄ᬓᬸᬮ᭄ᬭᬶᬂᬫᬗ᭄ᬕᬸᬂᬦᬵᬕᬭ᭟ᬲᬶᬬᭀᬲ᭄ᬧᬫᬸᬢᭂᬭᬦᬶᬂᬭᬵᬢ᭄᭞ᬳᬶᬭᬶᬓᬵᬭᬶᬂᬢᬫᬦ᭄ᬧ᭄ᬭᬧ᭄ᬢᬶ᭞ᬤᬤ᭄ᬬᬵᬕᬮᬂᬧᬭᬫᬗ᭄ᬓ᭄ᬬ᭞
ᬲᬹᬃᬬ᭄ᬬᬫᬶᬚᬶᬮᬯᬦ᭄ᬳᬕᬸᬂ᭞ᬢᬦ᭄ᬓᭀᬘᬧᭂᬦᬶᬓᬂᬦᬵᬕ᭞ᬭᬤᬾᬦ᭄ᬤᬾᬯᬶ᭞ᬫᬮᬶᬗ᭄ᬕᬶᬄᬭᬶᬂᬢ᭄ᬧᬶᬦ᭄ᬧᬜ᭄ᬘᭀᬭᬦ᭄᭟ᬮᬦ᭄ᬧ᭠ᬯᭀᬗᬦᬶᬭᬲᬫ᭄ᬬᬦ᭄᭞ᬦᬾᬗᬶᬭᬶᬂᬳᬶᬤᬢ᭄ᬯᬦ᭄ᬤᬾᬯᬶ᭞ᬫᬚᬚᬃᬓᬤᬶᬭᬶᬂᬓᬸᬦ᭞ᬫᬦᭂᬕᬓ᭄ᬲᬫᬶᬫᬢᬶᬫ᭄ᬧᬸᬄ᭞ᬓᬾᬦ᭄ᬩᬬᬦ᭄ᬲ᭠
ᬗ᭄ᬕᬶᬢ᭄ᬓᬾᬫ᭄ᬗᬦ᭄᭞ᬗᬶᬂᬤᬶᬬᬢᬶ᭞ᬢᬦ᭄ᬯ᭄ᬭᬸᬄᬧᬥᬲ᭄ᬮᬾᬂᬢᬓᬾᬦᬂ᭟ᬤᬤ᭄ᬬᬜᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭞ᬧᬓ᭄ᬫᬶᬢᬾᬭᬶᬂᬢᬫᬦ᭄ᬲᬭᬷ᭞ᬗᬯᬢᬸᬓ᭄ᬓᭂᬤ᭄ᬲ᭄ᬭᬬᬂᬲ᭄ᬭᭀᬬᭀᬂ᭞ᬓᬧᬜ᭄ᬘᭀᬭᬦ᭄ᬦᬤ᭄ᬢᬤ᭄ᬩ᭄ᬭᬸᬓ᭄᭞ᬯᬸᬲ᭄ᬧ᭄ᬭᬧ᭄ᬢᬲᭀᬭᬶᬂᬳᬗ᭄ᬰᬡᬵ᭞ᬓᬢᭀᬦ᭄ᬫᬗ᭄ᬓᬶᬦ᭄
᭞ᬯᭀᬗᬶᬲ᭄ᬢ᭄ᬭᬶᬮᬶᬗ᭄ᬕᬶᬳᬚᬚᬃ᭟ᬫᬕᬾᬕᬲ᭄ᬳ᭄ᬬᬫᬢᬶᬦ᭄ᬤᬓᬦ᭄᭞ᬫᬜᭀᬗ᭄ᬓᭀᬓ᭄ᬭᬭᬶᬲ᭄ᬜᬧᬢᬶᬦ᭄᭞ᬧ᭄ᬭᬡᬫ᭄ᬬᬫᬵᬢᬸᬃᬧᬢᬓᭀᬦ᭄᭞ᬅᬄᬲᬓᬶᬗᭂᬦ᭄ᬤᬶᬚ᭄ᬭᭀᬭᬯᬸᬄ᭞ᬢᬦ᭄ᬯᬾᬦ᭄ᬢᭂᬦ᭄ᬓᭀᬢᬶᬢ᭄ᬬᬂᬦᬯᬂ᭞ᬬᬾᬦ᭄ᬧ᭄ᬭᬩᬵᬮᬶ᭞ᬧᬸᬢ᭄ᬭᬦ᭄ᬭᬢᬸᬫᬳᬸ
[᭑᭕ 15A]
᭑᭕
ᬢᬫᬵ᭟ᬬᬦ᭄ᬳᭂᬚᬶᬫ᭄ᬢᬶᬢ᭄ᬬᬂᬢᬦ᭄ᬦᬯᬂ᭞ᬬᬾᬦ᭄ᬧᬸᬢ᭄ᬭᬦ᭄ᬯᬢᭂᬓ᭄ᬤᬾᬯᬢ᭄ᬣᬶ᭞ᬳᬶᬲ᭄ᬢ᭄ᬭᬶᬳᬬᬸᬦᬾᬤᬸᬳᬸᬭᬦ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬓᬦ᭄ᬚᬸᬚᬸᬢ᭄᭞ᬤᬾᬦᬶᬂᬢ᭄ᬯᬢ᭄ᬯᬭᬦᬯᬂ᭞ᬧᬗ᭄ᬤᬧᭂᬮᬶᬄ᭞ᬬᬾᬦ᭄ᬲᬸᬤ᭄ᬭᬓᬮᬯᬵᬦ᭄ᬫᬾᬦᬓ᭄᭟ᬳᬶᬩᬬᬦ᭄ᬗᭂᬫ᭄ᬩᭂᬂᬬᬾᬄᬢᬶᬗᬮ᭄᭞ᬫᬗ
ᬩᬶᬦ᭄ᬭᬳᬤᬾᬦ᭄ᬤᬾᬯᬶ᭞ᬫᬗᬸᬲᬧᬸᬲᬧ᭄ᬬᬾᬄᬧᬦᭀᬦ᭄᭞ᬳᬮᭀᬦ᭄ᬧᬲᬳᬸᬭᬾᬳᬮᬸᬲ᭄᭞ᬳᬶᬗ᭄ᬕᬶᬄᬳᬶᬧᬦ᭄ᬓᬫᬦᬸ᭠ᬲᬦ᭄᭞ᬩᭀᬦ᭄ᬢᭂᬦ᭄ᬳᭂᬚᬶᬫ᭄᭞ᬧᬗᭂᬫ᭄ᬩᬦ᭄ᬲᬶᬭᬭᬳᬤ᭄ᬬᬦ᭄᭟ᬦᬶᬓᬶᬲᬦᬾᬳᬩᬶᬦ᭄ᬢᬶᬢ᭄ᬬᬂ᭞ᬓᬮᬶᬦ᭄ᬢᬂᬳᬶᬤᬓᬲ᭄ᬬᬰᬶᬄ᭞ᬧᬸᬢ᭄ᬭᬦ᭄ᬳᬶ
ᬤᬭᬶᬂᬲᬂᬓᬢᭀᬂ᭞ᬳᬮᬶᬢ᭄ᬦᬶᬗ᭄ᬕᬮ᭄ᬦᬵᬕᬭᬳᬕᬸᬂ᭞ᬢᬶᬢ᭄ᬬᬂᬫᬗᭂᬫ᭄ᬩᬦ᭄ᬤᬶᬢᬫᬦ᭄᭞ᬓᬾᬦ᭄ᬢᭀᬓᬓᬶ᭞ᬢᬶᬢ᭄ᬬᬂᬫᬗᬮᬧᬂᬲ᭄ᬓᬃ᭟ᬲᬯᬃᬡ᭄ᬦᬯᬃᬡ᭄ᬦᬦᬶᬂᬲ᭄ᬓᬃ᭞ᬲᬫ᭄ᬧᬸᬦ᭄ᬯᬸᬲ᭄ᬫᬳᬗ᭄ᬕᬶᬢ᭄ᬲᬫᬶ᭞ᬭᬳᬤ᭄ᬬᬦ᭄ᬫᬜᬸᬮᬸᬄᬋᬓᭀ᭞ᬲᬕᬾᬢ᭄ᬤᬤ᭄ᬬᬦᬕᬵᬳᬕᬸᬂ᭞ᬧ᭄ᬢᭂᬂᬤᭂ
ᬤᭂᬢ᭄ᬧᬭᬫᬗ᭄ᬓ᭄ᬬ᭞ᬓᬾᬢᭀᬓᬓᬶ᭞ᬕᬮᬂᬲᬕᬾᬢ᭄ᬤᬶᬦᬶᬧ᭄ᬭᬧ᭄ᬢᬵ᭟ᬲᬧᬸᬦᬶᬓᬵᬓᬯ᭄ᬬᬓ᭄ᬢ᭄ᬬᬵᬜ᭞ᬧᭀᬮᬳᬾᬭ᭠ᬳᬤᬾᬦ᭄ᬤᬾᬯᬶ᭞ᬫᬢᬶᬮᬃᬭᬶᬂᬢᬫᬦ᭄ᬋᬓᭀ᭞ᬤᬾᬦᬶᬂᬓᬘᬢ᭄ᬭᬶᬳ᭄ᬬᬂᬢᬸᬤᬸᬄ᭞ᬳᬧᬂᬳᬤᬫᬦᬶᬧ᭄ᬯᬦ᭄᭞ᬳ᭄ᬬᬧᬺᬩᬸᬢᬶᬦ᭄᭞
