[᭑᭕ 15B]
᭑᭕
ᬭᬶᬂᬲᬵᬫ᭄ᬧᬸᬦᬾᬓᬦ᭄ᬢᭂᬦ᭄ᬕᭂᬦᬄ᭟ᬭᬳᬤ᭄ᬬᬦ᭄ᬭᬭᬶᬲ᭄ᬗᬦ᭄ᬤᬶᬓᬵ᭞ᬲᬕᬾᬢᬶᬗ᭄ᬲᬸᬦ᭄ᬤᬶᬦᬶᬧ᭄ᬭᬧ᭄ᬢᬶ᭞ᬤᬶᬚᬦᬾᬳᬤᬦ᭄ᬜᬋᬓᭀ᭞ᬬᬾᬦᬶᬗ᭄ᬲᬸᬦ᭄ᬧᬸᬢ᭄ᬭᬦ᭄ᬲᬂᬧ᭄ᬭᬪᬸ᭞ᬭᬶᬂᬲᬶᬗ᭄ᬳᬵᬲ᭄ᬓᬃᬦᬵᬕᬭ᭞ᬯᬶᬲ᭄ᬬᬧᬢᬶ᭞ᬳᬭᬦᬶᬗ᭄ᬲᬸᬦ᭄ᬭᬢ᭄ᬦᬵᬚ᭄ᬯᬶᬢ᭄ᬣ᭟ᬧᬓ᭄ᬫᬶᬢ᭄ᬢᬫᬦᬾᬜᬸ
ᬫ᭄ᬩᬄ᭞ᬫᬳᬢᬹᬃᬭᬶᬂᬭᬳᬤᬾᬦ᭄ᬤᬾᬯᬶ᭞ᬩᭀᬬᬳᬶᬯᬂᬢᬶᬢ᭄ᬬᬂᬋᬓᭀ᭞ᬫᬫᬵᬃᬡ᭄ᬦᬳᭀᬓᬦ᭄ᬲᬂᬧ᭄ᬭᬪᬹ᭞ᬲᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬮᬲ᭄ᬧᬸᬬᬂᬕᬸᬦᬸᬂᬲ᭄ᬓᬃ᭟ᬢ᭄ᬮᬕᬵᬘᬶᬸᬲᬯᬂᬢᬫᬦ᭄ᬲ᭄ᬓᬃ᭞ᬧᬰᬸᬘ᭄ᬬᬦ᭄ᬰᬸᬘᬶᬳ᭄ᬦᬶᬂ᭞ᬢᬶᬢ᭄ᬬᬂ
ᬯᭀᬂᬧᬥᬸᬓ᭄ᬯᬦᬺᬓᭀ᭞ᬓᬘᬢ᭄ᬭ᭄ᬬᬵᬤᬤ᭄ᬬᬢᬸᬢᬸᬗ᭄ᬕᬸ᭞ᬯ᭄ᬬᬓ᭄ᬢᬶᬜᬲᬶᬬᭀᬲ᭄ᬫᬸᬦ᭄ᬤᭂᬭᬂ᭞ᬳᬮᬲ᭄ᬦᬶᬭᬾᬓᬶ᭞ᬲᬂᬦᬣᬾᬂᬳᬸᬦᬶᬂᬕᬸᬂᬦᬵᬕᬭ᭟ᬲᬂᬦᬵᬣᬾᬂᬓᬧᬶᬬᬩᬶᬦ᭄ᬦᬦ᭄᭞ᬳᬶᬤᬫᬸᬦ᭄ᬤᭂᬭᬂᬳᬮᬲ᭄ᬦᬾᬓᬶ᭞ᬭᬳᬤ᭄ᬬᬦ᭄ᬗᬸᬘᬧ᭄ᬋᬓᭀ᭞ᬳᬶᬩᬬᬦ᭄ᬫᬳ
ᬢᬹᬃᬳᬮᬸᬲ᭄᭞ᬳᬸᬥᬸᬄᬢᬶᬢ᭄ᬬᬂᬫᬗ᭄ᬓᬶᬦ᭄ᬧ᭄ᬚᬄ᭞ᬢᬦ᭄ᬧᬫᬸᬓ᭄ᬢᬶ᭞ᬫᬗᬶᬭᬶᬂᬳᬶᬤᬭᬳᬤ᭄ᬬᬦ᭄᭟ᬫᬗ᭄ᬓᬶᬦ᭄ᬓᬶᬚᬮᬓᬸᬦ᭄ᬢᬶᬢ᭄ᬬᬂ᭞᭠ᬫᬗᬶᬭᬶᬂᬭᬳᬤᬾᬦ᭄ᬤᬾᬯᬶ᭞ᬓᬗᬶᬦ᭄ᬓᬯᬸᬄᬓᬚᬓ᭄ᬮᭀᬤ᭄᭞ᬓᬓᬶᬩ᭄ᬬᬦᬵᬢᬶᬢ᭄ᬬᬂᬯ᭄ᬭᬸᬄ᭞ᬬᬾᬦ᭄ᬓᬓᬶᬢᭂᬭᬸᬲ᭄ᬭᬶᬂᬳᬶᬤᬵ᭞
[᭑᭖ 16A]
᭑᭖
ᬢᬶᬮᬶᬂᬪᬓ᭄ᬢᬶ᭞ᬳᬶᬤᬳᬗ᭄ᬕᬾᬦ᭄ᬓᬓᬶᬤᬾᬯ᭄ᬯ᭟ᬭᬭᬶᬲ᭄ᬩᬸᬤᬮ᭄ᬭᬶᬂᬓᬬᭂᬳᬦ᭄᭞ᬤᬾᬥᬸᬓᬸᬄᬫᬦᬤ᭄ᬢᬤ᭄ᬯᬭᬶᬄ᭞ᬫ᭄ᬯᬤᬄᬩ᭄ᬭᬸᬓ᭄ᬮᬫ᭄ᬧᬄᬦ᭄ᬬᬳᬮᭀᬦ᭄᭞ᬳᬶᬩᬬᬦ᭄ᬜᬗ᭄ᬓᭀᬂᬢ᭄ᬯᬦ᭄ᬕᬮᬸᬄ᭞ᬢᬦ᭄ᬓᭀᬘᬧᬜᬭᬶᬂᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬤᬾᬥᬸᬓᬸᬄᬫᬭᬶᬂ᭠
ᬚᬸᬫᬄᬜ᭟ᬤᬾᬥᬸᬓᬸᬄᬓᬓᬹᬂᬳᬗᬸᬘᬧ᭄᭞ᬳᬸᬚᬭᬾᬓᬾᬦ᭄ᬦᬾᬦᬾᬳᬶᬲ᭄ᬢ᭄ᬭᬶ᭞ᬫᬗᬸᬚᬂᬜᬳᬶᬤᬶᬧᬳᭀᬦ᭄᭞ᬫᬳᬶᬜᬳᬶᬧᭂᬲᬸᬫᬮᬸ᭞ᬤᬶᬲᬶᬓ᭄ᬦᭂᬫᬾᬫᬓᭂᬩᬢ᭄᭞ᬢᬹᬃᬲᬧᬸᬳᬶᬦ᭄᭞ᬢᬶᬓᭂᬄᬓ᭄ᬮᬰᬦᬾᬓ᭄ᬩᬢᬂ᭟ᬲᬵᬫ᭄ᬧᬸᬦ᭄ᬳᬸᬲᬦᬾᬫᬓᭂᬩᬢ᭄᭞ᬳᬶᬭᬶ᭠
ᬓᬵᬲᬫᬶᬫᬮᬶᬗ᭄ᬕᬶᬄ᭞ᬦᬸᬮ᭄ᬬᬲᬫᬶᬫ᭄ᬮᬶᬗ᭄ᬕᬶᬄᬋᬓᭀ᭞ᬤᬸᬓᬸᬳᬶᬲ᭄ᬢ᭄ᬭᬶᬤᬤ᭄ᬬᬚᬸᬚᬸᬢ᭄᭞ᬫᬢᬓᭀᬦ᭄ᬓᬾᬦᬾᬦᬾᬮᬦᬂ᭞ᬓᬾᬦ᭄ᬓᬾᬦ᭄ᬩᭂᬮᬶ᭞ᬤᬾᬦᬶᬂᬦᬶᬭᬢ᭄ᬯᬭᬦᬯᬂ᭟ᬧᬶᬦᬗ᭄ᬓᬜᬤᬦᬾᬧ᭄ᬭᬧ᭄ᬢᬵ᭞ᬳᬶᬲ᭄ᬢ᭄ᬭᬶᬳᬶᬲ᭄ᬢ᭄ᬭᬶᬓᬭᬶᬳᬮᬶᬢ᭄᭞ᬦᬾᬓᬓᬹᬂᬳᬗᬸ᭠
ᬘᬧ᭄ᬳᬮᭀᬦ᭄᭞ᬫᬶᬢᬸᬢᬸᬭᬶᬦ᭄ᬦᬾᬦᬾᬳ᭄ᬮᬸᬄ᭞ᬲᬧ᭄ᬭᬶᬧᭀᬮᬄᬓᬩ᭄ᬬᬓ᭄ᬢᬳᬂ᭞ᬦᬾᬦᬾᬳᬶᬲ᭄ᬢ᭄ᬭᬶ᭞ᬤᬾᬦᬶᬂᬧᭀᬮᬶᬄᬦᬸᬤᬸᬓ᭄ᬧ᭄ᬬᬦᬓ᭄᭟ᬲᬚᬓᬾᬦᬶᬭᬦᬸᬢᬸᬭᬂ᭞ᬦᬾᬳᬮᬶᬢᬦᭀᬓᬦ᭄ᬤ᭄ᬭᬵᬧᬢᬶ᭞ᬦᬾᬤᬸᬳᬸᬭᬦ᭄ᬓᭂᬫ᭄ᬩᬦ᭄ᬋᬓᭀ᭞ᬤᬦᬾᬢ᭄ᬯ
