[᭑᭐᭕ 105B]
᭑᭐᭕
ᬫᬦ᭄ᬢ᭄ᬭ᭄ᬬᬵ᭞ᬲᬶᬭᬵᬳᬃᬬ᭄ᬬᬮᬦ᭄ᬫᬗᬸᬭᬶ᭞ᬧᭂᬧᭂᬓ᭄ᬧᬸᬦᬂᬫᬦ᭄ᬢ᭄ᬭᬶᬓᬯᭀᬢ᭄᭞ᬲᬚᬸᬭᬸᬲᬓᬦ᭄ᬤᬦᬶᬧᬸᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬵᬢᬸᬮ᭄ᬬᬵᬗᬸᬘᬧ᭄᭞ᬰᬩ᭄ᬤᬵᬫᬦᬶᬲ᭄᭞ᬓᭂᬢᬦ᭄ᬤ᭄ᬭᬸᬳᬦ᭄ᬩᬧᬤᬾᬯ᭄ᬯ᭟ᬭᬢᬸᬳᭂᬗ᭄ᬓᬾᬦ᭄ᬫᬦ᭄ᬤᬸᬯᬾᬬᬂ᭞ᬧᬸᬢ᭄ᬭᬦᬾᬧᬸᬢ᭄ᬭᬶᬦᬾᬦᬶᬓᬶ᭞ᬲᬗ᭄ᬓ
ᬦ᭄ᬯᬃᬡ᭄ᬦᬦ᭄ᬤᬦᬾᬓᬯᭀᬢ᭄᭞ᬧᬫᬸᬢᬸᬲᬶᬂᬯᬃᬡ᭄ᬦᬳᬬᬸ᭞ᬧᭂᬧᭂᬓ᭄ᬭᬶᬂᬢᬢ᭄ᬯᬦᬶᬂᬩ᭄ᬭᬢ᭄ᬣᬵ᭞ᬭᬢᬸᬍᬯᬶᬄ᭞ᬯ᭄ᬦᬂᬬᬦ᭄ᬚᬮᬦ᭄ᬜ᭄ᬚᬸᬯᬶ᭠ᬢ᭄ᬣ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬵᬢᬹᬃᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬰ᭄ᬭᬷᬪᬸᬧᬢᬶ᭞ᬢᬸᬳᬸᬧᬸᬢ᭄ᬭᬦ᭄ᬭᬢᬸᬓᬯᭀᬢ᭄᭞ᬯᬶᬤᬕ᭄ᬥᬳᬦ᭄ᬭᬸᬲᬦ᭄ᬤᬸᬮᬸ᭞᭠
ᬭᬚᬵᬧᬸᬢ᭄ᬭᬶᬚᬫ᭄ᬩᬶᬦ᭄ᬢᭀᬭᬵ᭞ᬓᬂᬓᬧᬹᬚᬶ᭞ᬳᬦᬵᬫᬦᬯᬂᬢᬺᬗ᭄ᬖᬡᬵ᭟ᬳᬗᬶᬂᬫᬱᬢᬳᬸᬭᬸᬗ᭞ᬳᬦᬤ᭄ᬬᬬᬸᬤ᭄ᬥᬤᬶᬚᬯᬶ᭞ᬤᬾᬦᬶᬂᬯᬸᬲ᭄ᬓᬮᬫᬃᬋᬓᭀ᭞ᬤᬾᬦᬶᬭᬲᬶᬭᬲᬂᬧ᭄ᬭᬪᬹ᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬯᬶᬡ᭄ᬥᬸᬢᬶᬗ᭄ᬳᬮ᭄᭞ᬦᭂᬗᬓ᭄ᬦᭂ᭞ᬓᬭᬶᬳᬦᬥᬄᬓᬢᬥᬄ
᭟ᬯᬲ᭄ᬢ᭄ᬭᬲᬫᬶᬤᬶᬦᬤᬭᬦ᭄᭞ᬫᬶᬯᬄᬲᬶᬭᬧᬢᬶᬄᬫᬦ᭄ᬢ᭄ᬭᬶ᭞ᬫᬓᬵᬤᬶᬲᬶᬭᬲᬂᬓᬣᭀᬂ᭞ᬲᬵᬫ᭄ᬧᬸᬦ᭄ᬲᬶᬭᬯᬸᬲᬜᭂᬓᬸᬮ᭄᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬤᬯᬸᬄᬲᬧ᭄ᬢᬵ᭞ᬢᬦ᭄ᬓᬯᬃᬡ᭄ᬦᬶ᭞ᬯᬸᬯᬸᬲᭂᬦ᭄ᬦᬯᬂᬢᬺᬗ᭄ᬖᬡᬵ᭟ᬫᬮᬶᬗ᭄ᬕᬶᬄᬤᬶᬩᬮᬾᬳ᭄ᬫᬲ᭄᭞ᬲᬤ᭄ᬥᬳᬲ᭄ᬫᬸ
[᭑᭐᭖ 106A]
᭑᭐᭖
ᬲ᭄ᬫᬸᬢᬗᬶᬲ᭄᭞ᬳᬾᬮᬶᬂᬭᬶᬂᬳᬶᬦᬯᬂᬢᬭᭀ᭞ᬭᬤᬾᬦ᭄ᬚᭀᬂᬪᬶᬭᬸᬳᬫᬸᬯᬸᬲ᭄᭞ᬳᬸᬚᬭᬾᬮ᭄ᬯᬶᬃᬫᬥᬸᬤ᭄ᬭᬯᬵ᭞ᬳᬥᬹᬄᬳᬤᬶ᭞ᬲᬵᬫ᭄ᬧᬸᬦ᭄ᬓᬤᬤᬯᬦ᭄ᬮᬭᬵ᭟ᬳᬾᬮᬶᬗᬂᬭᬕᬦᬾᬫᬶᬭᬄ᭞ᬳᬧᬦ᭄ᬧᬓᬵᬃᬫ᭄ᬫᬦᬶᬂᬯᬶᬥᬶ᭞ᬚᬦᬶᬳᬤᬶᬦ᭄ᬫᬶᬭᬄᬫ᭄ᬩᭀᬓ᭄
᭞ᬢᬦ᭄ᬫᬯᬢ᭄ᬫᬢ᭄ᬭᬓᬢ᭄ᬧᬸᬓ᭄᭞ᬤᬯᭂᬕ᭄ᬳᭂᬫ᭄ᬩᭀᬓᬾᬤᬶᬚᬯᬵ᭞ᬳᬮᬶᬢ᭄ᬲ᭄ᬤᬶᬄ᭞ᬳᬶᬕᬸᬭᬸᬤᬤᬶᬭᬓ᭄ᬱᬲᬵ᭟ᬧᬜ᭄ᬚᬓ᭄ᬳᭂᬫ᭄ᬩᭀᬓ᭄ᬲᬵᬫ᭄ᬧᬸᬦ᭄ᬢ᭄ᬮᬲ᭄᭞ᬓᬢᬥᬄᬳᬦ᭄ᬢᬸᬓ᭄ᬦᬺᬧᬢᬶ᭞ᬢᬦᬵᬦᬓᬭᬶᬧᬸᬦᬂᬯᭀᬂ᭞ᬤᬾᬰᬲ᭄ᬧᬶᬲᬫᬶᬲᬸᬳᬸᬂ᭞ᬦᬵᬕᬭ
ᬦᬾᬤᬦᬾᬲᬮ᭄ᬲᬮ᭄᭞ᬗᬶᬂᬦᬾᬗᬹᬦᬶ᭞ᬳᭂᬫ᭄ᬩᭀᬓ᭄ᬳᬸᬕᬶᬓᬭᬶᬮᬭᬵ᭟ᬓᬤᬶᬫ᭄ᬩᭀᬓ᭄ᬤᬶᬢ᭄ᬗᬄᬲ᭄ᬕᬭᬵ᭞ᬫᬢᬶᬢᬶᬭᬫ᭄ᬩᬸᬢ᭄ᬳᬓᬢᬶᬄ᭞ᬤᬾᬦᬶᬂᬲ᭄ᬮᬢ᭄ᬧᬰᬶᬄᬳ᭄ᬚᭀᬄ᭞ᬧᬢᬶᬦᬾᬫᬓᬶᬭᬾᬭᬯᬸᬄ᭞ᬤᬾᬦᬶᬂᬤᬾᬭᬾᬂᬧᬕᬦ᭄ᬢᭀᬲᬦ᭄᭞ᬫ᭄ᬩᭀᬓ᭄ᬗ᭄ᬫᬲᬶᬦ᭄
ᬤᬤ᭄ᬬᬜᬓ᭄ᬳᬶᬩ᭄ᬮᬶᬢ᭄ᬓᬵ᭟ᬲᬫᬗ᭄ᬓᬦᬵᬳᬸᬚᬃᬦᬶᬗ᭄ᬯᬂ᭞ᬲᬸᬫᬯᬸᬃᬤᬾᬯᬶᬢᬺᬗ᭄ᬖᬡᬶ᭞ᬮᬄᬢᬚᬶᬯᬦ᭄ᬢᬶᬢ᭄ᬬᬂᬳᭂᬫ᭄ᬩᭀᬓ᭄᭞ᬩᬬᬕᬦ᭄ᬢᭀᬲ᭄ᬢ᭄ᬯᬄᬜᬢᬸᬳᬸ᭞ᬢᬸᬯᬶᬧᬸᬢ᭄ᬭᬫᬳᬸᬢ᭄ᬢᬫᬵ᭞ᬳᬬᬸᬍᬯᬶᬄ᭞ᬳᬦ᭄ᬤ᭄ᬭᬸᬲ᭄ᬢᭂᬓᬦᬶᬂᬲ᭄ᬯᬲᬶᬓ᭄ᬱᬵ᭟ᬢᬸᬳᬸᬯᬕ᭄ᬫᬶᬯ᭄ᬭᬸᬄᬭᬶᬂᬫ
