Kaca:Bali-lontar-paparikan-bagus-umbara-01-250ppi.pdf/105

[᭑᭐᭔ 104B]
᭑᭐᭔
ᬲᬫᬶᬫᬜᭀᬗ᭄ᬓᭀᬓ᭄᭞ᬭᬾᬦᬶᬂᬭᬤᬾᬦ᭄ᬕᬮᬸᬄᬓᬢ᭄ᬫᬸ᭞ᬦᬾᬫᬓ᭄ᬢᬫᬫᬲ᭄ᬫᬧ᭄ᬬᬓᬦ᭄᭞ᬲᬫᬶᬜᬫ᭄ᬧᬶᬂ᭞ᬭᬤᬾᬦ᭄ᬚᭀᬂᬪᬶᬭᬸᬳᬗᬸᬘᬧ᭄᭟ᬥᬹᬄᬤᬾᬯᬦ᭄ᬳᭂᬫ᭄ᬩᭀᬓᬾᬫᬶᬭᬄ᭞ᬲᬫ᭄ᬧᬸᬦᬂᬳᬤᬶᬩᬭᬶᬩᬶᬦ᭄᭞ᬫᬭᬶᬓᬶᬲᬋᬂᬭᬶᬂᬳᭂᬫ᭄ᬩᭀᬓ᭄᭞ᬫᬸᬗ᭄ᬕᬄᬭᬶᬂᬚᭂᬫ᭄ᬧ
ᬡᬫᬸᬭᬸᬩ᭄᭞ᬦᬯᬂᬢᬺᬗ᭄ᬥᬡᬫᬵᬢᬸᬭ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬧᬵᬯᬗ᭄ᬤᬾᬧᭂᬚᬄ᭟ᬲᬵᬫ᭄ᬧᬸᬦ᭄ᬳᬤᬶᬫᬫᬜ᭄ᬚᬗᬂ᭞᭠ᬓᬗᭂᬦ᭄ᬧᬶᬲᬦ᭄ᬩᭀᬓ᭄ᬫᬶᬭᬕᬶ᭞ᬫᬃᬕ᭄ᬕᬶᬫᬦ᭄ᬢᬸᬓ᭄ᬲᬋᬂᬳᭂᬫ᭄ᬩᭀᬓ᭄᭞ᬫᬸᬗ᭄ᬕᬄᬭᬶᬂᬚᬫ᭄ᬧᬡᬫᬸᬭᬸᬩ᭄᭞ᬫᬲᬲᭀᬘᬦ᭄ᬯᬶᬡ᭄ᬝᭂᬦ᭄ᬫᬶᬭᬄ᭞ᬭᬤᬾ
ᬦ᭄ᬫᬦ᭄ᬢ᭄ᬭᬶ᭞ᬫᬸᬗ᭄ᬕᬄᬭᬶᬂᬓᬸᬤᬵᬤᬶᬓᬭᬵ᭟ᬢᬦ᭄ᬓᭀᬘᬧᬦᬭᬶᬂᬲᭀᬯᬦ᭄᭞ᬲᬵᬫ᭄ᬧᬸᬦ᭄ᬫᬗ᭄ᬮᬶᬦ᭄ᬢᬂᬓᬓᬶᬲᬶᬓ᭄᭞ᬫᬦ᭄ᬢᬸᬓ᭄ᬲᬕᬺᬳᬦ᭄ᬫᬭᬾᬭᭀᬤ᭄᭞ᬲᬂᬭᬵᬢ᭄ᬦᬲᬫᬶᬫᬧᬶᬓᬸᬮ᭄᭞ᬲᬂᬦᬵᬣᬳᬦᬸᬗ᭄ᬕᬂᬭᬣ᭞ᬫ᭄ᬯᬂᬲᬂᬧ᭄ᬓᬶᬓ᭄᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬭᬶᬂᬦᬵᬕᬭᬵ᭟ᬢᬸᬫᬸᬮᬶᬄᬳᬕ᭄ᬮᬶᬲ᭄ᬫᬫᬵᬃᬕ᭄ᬕᬵ
᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶᬭᬶᬂᬦᬵᬕᬭᬶ᭞ᬳᬓᬾᬄᬳᬦᬓᬾᬧᬤ᭄ᬮᭀᬓ᭄᭞ᬭᬶᬂᬮᬯᬗᬦ᭄ᬳᬶᬧᬸᬦ᭄ᬤᬸᬮᬸ᭞ᬳᬓᬾᬄᬳᬦᬓ᭄ᬫᬗᬯᭀᬓᬂ᭞ᬫᬦᬶᬗᬮᬶᬦ᭄᭞ᬓᬳᬬᭀᬦ᭄ᬲᬂᬧᬸᬢ᭄ᬭᬶᬚᬯᬵ᭟ᬭᬫ᭄ᬬᬧᬥᬯᭀᬂᬜᬭᬶᬢ᭄ᬣ᭞ᬓᬮᬶᬯᬢ᭄ᬲᬸᬓᬵᬢᬦ᭄ᬲᬶᬧᬶ᭞ᬘ᭄ᬭᬶᬓ᭄‌‌ᬓ᭄ᬮᬶᬄᬮᬦᬂᬯᬤᭀᬦ᭄᭞

[᭑᭐᭕ 105A]
᭑᭐᭕
ᬫ᭄ᬯᬄᬢᭀᬂᬯᬦᭂᬄᬲᬫᬶᬦ᭄ᬤᬸᬮᬸ᭞ᬭᬶᬂᬯᬃᬡ᭄ᬦᬦ᭄ᬲᬂᬧᬸᬢ᭄ᬭᬶᬢᬶᬕ᭞ᬮ᭄ᬯᬶᬄᬥᬥᬭᬶ᭞ᬫᭂᬤᬮ᭄ᬭᬶᬂᬢᬾᬚᬦᬶᬂᬯᬸᬮᬦ᭄᭟ᬮᬯᬲ᭄ᬲᬦ᭄᭠ᬳᭂᬫ᭄ᬩᭀᬓ᭄ᬫᬜᬢ᭄ᬫᬵ᭞ᬗᬳᬸᬮᬵᬭᬶᬂᬤᬦᬾᬫᬗ᭄ᬓᬶᬦ᭄᭞ᬫ᭄ᬯᬄᬢᬸᬢᬸᬭᬦ᭄ᬯᭀᬗᬾᬳᬤᭀᬄ᭞ᬢ᭄ᬓᬾᬦ᭄‌‌ᬦᬾᬦᬾᬤᬸᬫᬸᬦ᭄ᬤᬸᬫᬸᬦ᭄
᭞ᬧ᭄ᬭᬧᬸᬢ᭄ᬭᬦ᭄ᬭᬢᬸᬳᬸᬢ᭄ᬢᬫ᭞ᬦᬢᬃᬩᬮᬶ᭞ᬚᬦᬶᬫ᭄ᬩᭀᬓ᭄‌‌ᬗ᭄ᬭᬲᬵᬓᬯᭀᬢᬦ᭄᭟ᬲᬸᬫᬗ᭄ᬓᬶᬦ᭄ᬓᬤᬶᬯᬶᬯᬜ᭞ᬫᬲᬯᬸᬃ᭠ᬦᬾᬧᬸᬢᬶᬄᬮᬗ᭄ᬲᬶᬂ᭞ᬩᬬᬫᬵᬢᬶᬢᬶᬢ᭄ᬬᬂᬳᭂᬫ᭄ᬩᭀᬓ᭄᭞ᬓᭂᬲ᭄ᬬᬃᬓᭂᬲ᭄ᬬᬸᬃᬩᬸᬓᬤᬸᬦ᭄ᬤᬸᬦ᭄᭞ᬳᬢ᭄ᬫᬦ᭄ᬢᬶᬢ᭄ᬬᬗᬾᬗᬸᬫ᭄ᬩᬭᬵ᭞ᬳᬥᬹᬄ
ᬜᬳᬶ᭞ᬲᬫᬵᬳᬜᬸᬤ᭄ᬢᬦ᭄ᬧᬢᭀᬬ᭟ᬧᬶᬓ᭄ᬦᭂᬄᬳᭂᬫ᭄ᬩᭀᬓᬾᬲᬸᬲ᭄ᬬᬄ᭞ᬫᬗᭂᬢᭀᬦ᭄ᬓᭂᬜᬸᬗᬾᬫᬦᬶᬲ᭄᭞ᬭᬲᬬᬂᬲᬸᬩᬵᬤᬶᬚ᭄ᬭᭀ᭞ᬜᬸᬓ᭄ᬱ᭄ᬫᬦᬶᬂᬫᬦᬄᬳᬸᬮᬗᬸᬦ᭄᭞ᬢ᭄ᬯᬶᬳ᭄ᬬᬂᬲ᭄ᬫᬭᬜᬓᬮᬵ᭞ᬢᬦ᭄ᬓᬯᬺᬢ᭄ᬣᬶ᭞ᬧᭀᬮᬳᬶᬂᬯᭀᬂᬗᬫ᭄ᬩᬢᬫ᭄ᬩ
ᬢ᭄᭟ᬰ᭄ᬭᬷᬦᬭᬾᬦ᭄ᬤ᭄ᬭᬵᬓᬯᬸᬯᬸᬲᬦ᭄᭞ᬲᬵᬫ᭄ᬧᬸᬦ᭄ᬲᬶᬭᬲᬫᬵᬮᬶᬗ᭄ᬕᬶᬄ᭞ᬭᬶᬂᬲᭀᬭᬶᬂᬧᬯᬵᬦᬓᬢᭀᬦ᭄᭞ᬫᬶᬯᬄᬲᬶᬭᬲᬗᬩᬕᬸᬲ᭄᭞ᬫ᭄ᬯᬂᬩᬸᬚᬗ᭄ᬕᬮᬯᬵᬦ᭄‌‌ᬓ᭄ᬱᬢ᭄ᬭ᭄ᬬᬵ᭞ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬓᬸᬦᬸᬭ᭄ᬯᬦ᭄‌‌ᬤ᭄ᬫᬸᬂᬤ᭄ᬫᬂ᭟ᬧᬸᬗ᭄ᬕᬯᬮᬾᬦ᭄ᬧᬭᬵ