[᭕᭑ 51B]
᭕᭑
ᬫ᭄ᬫᬢᬢᬶᬢ᭄᭞ᬫᬮᬶᬕᭂᬤ᭄ᬤᬶᬳᬫ᭄ᬩᬭ᭞ᬲᬸᬩᬫᬓ᭄ᬚᬂᬢᬶᬗ᭄ᬕᬃ᭞ᬮ᭄ᬯᬶᬃᬢᬸᬓ᭄ᬢᬸᬓ᭄ᬕᬸᬦᬸᬂᬓᬳᬓ᭄ᬱᬶ᭞ᬩᬵᬦ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬩᬸᬓᬧᬲᬶᬄᬗᬶᬮᬩᬶᬦ᭄᭟ᬤᬶᬳᬫ᭄ᬩᬭᬗᭂᬮᭀᬄᬫᬶᬚᬶᬮ᭄ᬲᬓᬶᬂᬓᬹᬝᬵ᭞ᬲᬸᬫᬶᬗ᭄ᬓᬶ
ᬦ᭄ᬫᬗ᭄ᬮᬶᬫ᭄ᬩᬳᬶᬦ᭄᭞ᬧᬥᬫᬦᬸᬳᬸᬦᬦ᭄᭞ᬧᬚᬮᬦᬾᬢᬦ᭄ᬧ᭄ᬕᬢ᭄᭞ᬲᬸᬓᬸᬦ᭄ᬫᬾᬭᬸᬦᬾᬓᬳᬸᬗ᭄ᬲᬶ᭞ᬫᬮᬸᬦ᭄ᬳᬮᬸᬦᬦ᭄᭞ᬓᬤᬶᬮᬸᬳᬸᬦᬶᬂᬧᬲᬶᬄ᭟ᬤᬳᬢ᭄ᬚᭂᬚᭂᬮ᭄ᬭᬫᬾᬓᬤᬶᬮᬗᬶᬢ᭄ᬭᬩᬄ᭞ᬓᬵᬢᬹᬢ᭄
ᬲᬮ᭄ᬬᬸᬦ᭄ᬜᬲᬫᬶ᭞ᬲᬳᬶᬲᬶᬦᬶᬂᬩ᭄ᬯᬦ᭞ᬢᬗ᭄ᬓᭂᬚᬸᬢ᭄ᬧᬩᬮ᭄ᬲᬢ᭄᭞ᬳᬤᬋᬓᬾᬭᭀᬭᬲ᭄ᬢ᭠ᬮᬶ᭞ᬫ᭄ᬯᬄᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬢ᭄ᬯᬶᬓᬸᬘᭂᬫ᭄ᬧ᭄ᬭᬚᬦᬶ᭟ᬢ᭄ᬓᬾᬦᬶᬂᬲᬧ᭄ᬢᬪ᭄ᬯᬦᬦᬾᬓᬭᬸᬲᬓᬂ᭞ᬳᬦ᭄ᬢᬸᬓ᭄ᬳ᭄ᬬᬂᬲᬸᬭ
ᬧᬢᬶ᭞ᬓᬾᬢᭀᬧᬶᬗᬡ᭄ᬥᬾᬦ᭄ᬜ᭞ᬭᬭᬶᬲ᭄ᬧᬥᬫᬢᬶᬗ᭄ᬓᬄ᭞ᬤᬩ᭄ᬥᬩ᭄ᬫᬲᭀᬭᭀᬄᬲᭀᬭᭀᬄᬢ᭄ᬯᬶ᭞ᬩ᭄ᬓᭂᬮ᭄ᬩᭂᬓᭂᬮᬦ᭄᭞ᬢᬦ᭄ᬧ᭄ᬕᬢ᭄ᬩᬸᬓᬧᬲᬶᬄ᭟ᬲᬶᬂᬓᬢ᭄ᬧᬓ᭄ᬩᬸᬓᬤᬤᬶᬧᬮᬶᬫᬸᬭ᭠
[᭕᭒ 52A]
᭕᭒
ᬦ᭄᭞ᬩᬵᬦ᭄ᬚᬭᬦ᭄ᬕᬚᬄᬧᬥᬢᬶ᭞ᬢᬸᬓᬤ᭄ᬧᬥᬳᬲᬄ᭞ᬕᬸᬦᬸᬂᬳᬮᬲᬾᬧᬥ᭞ᬳᬲᬢ᭄ᬓ᭠ᬤᬶᬕᬸᬯᬲᬫᬶ᭞ᬤᬾᬦᬶᬂᬢᬦ᭄ᬧ᭄ᬕᬢ᭄᭞ᬓᬚᭂᬓ᭄ᬚᭂᬓ᭄ᬓᬳᭂᬦ᭄ᬢᬲᬶᬦ᭄᭟ᬢ᭄ᬓᭂᬤ᭄ᬤᬶᬮᬫ᭄ᬩᬸᬂᬫᬳᬵᬫᬾᬭᬸᬦᬾ
ᬓᭀᬘᬧ᭄᭞ᬳᬶᬤᬳ᭄ᬬᬂᬲᬸᬭᬧᬢᬶ᭞ᬕ᭄ᬮᬶᬲ᭄ᬤᬶᬢᬸᬫᬤᬩ᭄ᬥᬩ᭄᭞ᬲᬸᬩᬓᬦ᭄ᬢᭂᬦ᭄ᬓᬯᬲᬂ᭞ᬧᬗ᭄ᬭᬶᬱ᭄ᬝᬦ᭄ᬲᬢ᭄ᬭᬸᬦᬾᬲᬫᬶ᭞ᬫᬦᬸᬳᬸᬢ᭄ᬲᬫ᭄ᬧ᭄ᬬᬦ᭄᭞ᬕᬸᬦᬸᬗᬾᬓᬳᬶᬍᬳᬶᬦ᭄᭟ᬮᬶᬬᬸᬲᭀᬭᭀᬄ
ᬤᬾᬯᬣᬦᬾᬓᬪᬭᬡᬦ᭄᭞ᬭᬭᬸᬤ᭄ᬧᬥᬫᬮᬳᬶᬩ᭄᭞ᬦ᭄ᬢᭀᬧᬥᬫᬧᬧᬲ᭄᭞ᬭᬶᬂᬧᬧᬸᬘᬸᬓ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬶᬲᬦᬶᬂᬓᬚᬭᬄᬫᬮᬶᬄ᭞ᬲᬶᬲᬦ᭄ᬓᬳᬫᬄ᭞ᬲᬶᬲᬦ᭄ᬓᬳᬩᬫᬸᬮᬶᬄ᭟ᬤ
ᬤᬶᬢᭂᬓᬧᬫᬸᬘᬸᬓ᭄ᬜᬦᬾᬳᬶᬓ᭄ᬯᬘ᭞ᬲᬳᬲᬵᬫᬦᬮᬶᬦᬶᬦ᭄᭞ᬢ᭄ᬯᬭᬵᬤᬵᬗᬾᬦ᭄ᬢᭂᬭᬂ᭞ᬲᭀᬭᭀᬄᬮᬓ᭄ᬱᬡᬩᬺᬕᬄ᭞ᬮᬸᬤᬶᬦ᭄ᬧᬥᬵᬫᭀᬕᭀᬮ᭄ᬲᬫᬶ᭞ᬦᬾᬓᬧᬸᬘᬸᬓᬂ᭠
