[᭕᭐ 50B]
᭕᭐
ᬢᬦ᭄ᬧᬜ᭄ᬚᬓᬾᬫᬮᬶᬄ᭞ᬧᬥᬧᭂᬲᬸᬢᬾᬚ᭞ᬢᬝᬶᬢ᭄ᬜᬦᬾᬗᬸᬮᬧᬶᬦ᭄᭟ᬲᬢᬸᬲ᭄ᬳᬓᬸᬢᬸ᭠ᬲ᭄ᬮ᭄ᬯᬶᬃᬦ᭄ᬬᬮᬫᬤ᭄ᬮᬫᬤ᭄᭞ᬤᬶᬳᬫ᭄ᬩᬭᬗ᭄ᬕᬮᬗᬶᬦ᭄᭞ᬢᬸᬗ᭄ᬕᬸᬮ᭄ᬜᬦᬾᬧᬥ᭞ᬜᭂᬍᬕ᭄ᬫᬓᬡ᭄ᬥᬓᬡ᭄ᬥ᭞
ᬦᬾᬚᬦᬶᬳᬸᬘᬧᬂᬫᬮᬶᬄ᭞ᬲᬂᬚᬬᬡ᭄ᬝᬓ᭞ᬧᬸᬢ᭄ᬭᬦ᭄ᬳ᭄ᬬᬂᬲᬸᬭᬧᬢᬶ᭟ᬫᬗ᭄ᬮᬶᬗ᭄ᬕᬶᬳᬶᬦᬭᬣᬫᬡᬶᬓ᭄ᬫᬕᬕᬡ᭄ᬥᬦ᭄᭞ᬫᬦ᭄ᬢ᭄ᬭᬓ᭄ᬭᬗ᭄ᬲᬸᬓᬂᬲᬫᬶ᭞ᬢ᭄ᬯᬶᬢ᭄ᬯᬭᬵᬧᬥᬵ᭞ᬢᬢᬲ᭄ᬳᬶᬤᬓᬦ᭄ᬢᭀᬲᬂ᭞ᬢ᭄ᬓᬾᬦᬶᬂᬯᭂ
ᬱᬶᬯᬭᬡᬶ᭞ᬢᬸᬗ᭄ᬕᬸᬮᬾᬮ᭄ᬯᬂ᭞ᬫᬢ᭄ᬭᬯᬂᬩᬦ᭄ᬫᬵᬲ᭄ᬳᬥᬶ᭟ᬲᬫ᭄ᬩᭂᬄᬩᭀᬦ᭄ᬦᬾᬩᬦ᭄ᬫᬶᬳᬶᬓᬾᬫᬮᬶᬫ᭄ᬧᬸᬕᬦ᭄᭞ᬤᬾᬤᬾᬲ᭄ᬩᬸᬭᭀᬦ᭄ᬓᬱ᭄ᬝᬸᬭᬶ᭞ᬢᭀᬳᬗ᭄ᬕᬾᬦ᭄ᬫᬗ᭄ᬮᬾᬧ᭞ᬳᬧ᭄ᬱᬭᬖᬡᬤᬤ᭄ᬯ᭞
ᬦ᭄ᬢᭀᬧᬥᬵᬫᬲᬶᬲᬶᬫ᭄ᬧᬶᬂ᭞ᬗᬩᬢᭀᬫᬭ᭞ᬢᬸᬯᬶᬫᬗᬩᬶᬄᬤᬶᬫᬵᬃᬕ᭄ᬕᬶ᭟ᬮᬾᬦ᭄ᬫᬗᬩᬲᬶᬓᭂᬧ᭄ᬧᬦᬄᬫᬫᭂᬦ᭄ᬢᬗᬂ᭞ᬢᬸᬢᬸᬧ᭄ᬕᭂᬮᬸᬗᬾᬗᭂᬡ᭄ᬥᬶᬄ᭞ᬓᬸᬮᬫ᭄ᬩᬶᬤᬸᬫᬶᬮᬄ᭞ᬫᬲᬫ᭄ᬧᭂ᭠
[᭕᭑ 51A]
᭕᭑
ᬢ᭄ᬧᬧᬢᬸᬳᬦ᭄᭞ᬫᬩᭀᬭᬾᬄᬫᬵᬲ᭄ᬳᬚᬸᬃᬫᬶᬳᬶᬓ᭄᭞ᬳᬯᭀᬃᬕᬕᬡ᭄ᬥᬦ᭄᭞ᬭᬫᬾᬫᬲᬸᬭᬓ᭄ᬳᬰ᭄ᬭᬷ᭟ᬲᬂᬨᬮ᭄ᬕᬸᬡᬢᬸᬯᬶᬫᬫᬸᬦ᭄ᬢᬢ᭄ᬫᬚᬮᬦ᭄᭞ᬭᬣᬫᬡᬶᬓ᭄ᬓᬮᬶᬗ᭄ᬕᬶᬳᬶᬦ᭄᭞ᬲᬭᬣᬶᬯᬶᬰᬾᬱ
᭞ᬫᬹᬮᬲ᭄ᬭᬶᬂᬫᬜ᭄ᬚᬬ᭞ᬫᬧᬲᬾᬗᬦ᭄ᬲᬂᬫᬣᬮᬶ᭞ᬤᬳᬢ᭄ᬯᬶᬤᬕ᭄ᬥ᭞ᬧᬚᬮᬦ᭄ᬭᬣᬕ᭄ᬮᬶᬲ᭄᭟ᬢᬸᬗ᭄ᬕᬸᬮᬾᬢᬦ᭄ᬳᭂᬮᬾᬦ᭄ᬓᬫ᭄ᬧᬶᬤ᭄ᬯᬶᬮ᭄ᬫᬡ᭞ᬓᬤᬶᬫᬾᬖᬵᬦᬫ᭄ᬧᭂᬓᬶᬦ᭄᭞ᬳᬶᬤᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬧᬚ
ᬮᬦᬾᬫᬓᬡ᭄ᬥ᭞ᬓᬤᬶᬮᬬᬄᬫᬺᬢ᭄ᬬᬸᬓᬵᬓ᭄ᬱᬶ᭞ᬫᬗᬮᬤ᭄ᬳᬮᬤ᭄᭞ᬫᬗ᭄ᬭᬓ᭄ᬦᬕᬶᬄ᭠ᬗᬸᬮᬸᬄᬕᬸᬫᬶ᭟ᬘᬶᬢ᭄ᬭᬵᬭᬣᬳᭂᬦ᭄ᬢᭀᬧᬘᬂᬓᬸᬫᬡ᭄ᬥᭂᬮᬂ᭞ᬢ᭄ᬯᬶᬓᬵᬗᬶᬸᬗ᭄ᬕᭀᬦ᭄ᬧᬧᬢᬶᬄ᭞ᬳᬦ᭄ᬢᬸᬓ᭄ᬲ
ᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬫ᭄ᬯᬄᬤᬾᬯᬣᬫᬓ᭄ᬚᬂ᭞ᬲᬦᬾᬤᬶᬓᬾᬦ᭄ᬤ᭄ᬭᬦ᭄ᬜᬋᬗᬶᬦ᭄᭞ᬢᭀᬤᬶᬧᬸᬗ᭄ᬓᬸᬭᬦ᭄᭞ᬭᬶᬂᬤᬦᬾᬲᬂᬓᬶᬭᬶᬝᬶ᭟ᬓᬪᬶᬦᬯᬵᬳᭂᬦ᭄ᬢᭀᬲᬜ᭄ᬚᬢᬵᬗ᭄ᬕᭀᬦ᭄ᬕᭂᬮᬃ᭞ᬓᬤᬶᬕᬸᬍ᭠
