[᭔4B]
᭔
ᬦ᭄ᬳᬶᬤᬲᬂᬧ᭄ᬭᬪᬸ᭞ᬢᬸᬫᬸᬮᬶᬭᬭᬶᬲ᭄ᬫᬗᬭᬲ᭄᭞ᬳᬧᬂᬳᬾᬱ᭄ᬝᬶ᭞ᬧᬢ᭄ᬓᬲ᭄ᬩᭂᬮᬶᬦᬾᬫᬶᬭᬄ᭟ᬢᬸᬫᬸᬮᬶᬫᬳᬸᬭᬸᬧ᭄ᬲᭂᬧᬄ᭞ᬮᬯᬦ᭄ᬤᭀᬤᭀᬢ᭄ᬘ᭄ᬧᬸᬓ᭄ᬲᬭᬷ
ᬫᬶᬯᬄᬓᬫ᭄ᬧᬸᬄᬲᬸᬫᬃᬕᬸᬡᬵ᭞ᬢᬧᬶᬄᬯᬶᬚᬶᬮ᭄ᬳᬗ᭄ᬕᭀᬦ᭄ᬲᬩᬸᬓ᭄᭞ᬢᬸᬫᬸᬮᬶᬳᬗᬭᬲ᭄ᬳᬭᬲ᭄᭞ᬤᬾᬯᬕᬸᬲ᭄ᬢᬶ᭞ᬤᬶᬦᬶᬚᬸᬫᬄᬳᬧᬂᬫ᭄ᬮᬄ᭟ᬩᬯᬸᬢᬸᬫᬸᬭᬸ
ᬦ᭄ᬭᬶᬂᬦᬢᬃ᭞ᬦᬾᬓᬓᬸᬂᬫᬦᭀᬮᬶᬄᬦᭀᬮᬶᬄ᭞ᬦᬾᬳᬶᬲ᭄ᬢ᭄ᬭᬶᬫᬦᬦ᭄ᬤᬂᬩ᭄ᬗᭀᬂ᭞ᬩᬸᬓᬢᬦ᭄ᬧᬳᬢ᭄ᬫᬳᬘᬸᬫ᭄᭞ᬬᬦ᭄ᬳᬸᬫ᭄ᬧᬫᬬᬂᬭᬶᬂᬫᬦᬄ᭞ᬓᬤᬶᬧᬓ᭄ᬱᬶ
ᬓᬸᬫᬚᬳᬸᬫ᭄ᬓᬢᬶᬗ᭄ᬕᬮᬦ᭄᭟ᬲᬂᬓᬭᬶᬮᬯᬦ᭄ᬲᬂᬮᬸᬗ᭄ᬳᬵ᭞ᬧᬤᬗᬭᬱᬭᬶᬂᬳᬢᬶ᭞ᬳᬧᬦ᭄ᬧᬦ᭄ᬥᭂᬗᬶᬂᬳᬯᭀᬃ᭞ᬓᬤᬶᬢᬸᬜ᭄ᬚᬸᬂᬢᬦ᭄ᬧᬩᬜᬸ᭞ᬤᬾ
[᭕5A]
ᬦᬶᬂᬫᬗ᭄ᬮᬶᬦ᭄ᬓᬧ᭄ᬕᬢᬦ᭄᭞ᬦᬳᭂᬦ᭄ᬫᬢᬶ᭞ᬮ᭄ᬯᬶᬃᬫᬶᬡᬓᬲᬢᬦ᭄ᬢᭀᬬ᭟ᬮᬸᬫᬓᬸᬚᬦᬶᬫᬗᬾᬭᬦ᭄᭞ᬲᬶᬤᬦ᭄ᬤᬸᭂᬭᬦ᭄ᬦᬶᬮᬧᬓ᭄ᬱᬶ᭞ᬳᬸᬚᬦ᭄ᬭᬚᬤᬺᬱᬸᬫ᭄ᬯᭀᬓ᭄᭞
ᬢᬾᬚᬕᬸᬮᬶᬂᬓᬸᬯᬸᬂᬓᬸᬯᬸᬂ᭞ᬲᬂᬳ᭄ᬬᬂᬲᬹᬃᬬ᭄ᬬᬫᬓᬮᬗᬦ᭄᭞ᬢᬾᬚᬕᬸ᭠ᬮᬶᬂ᭞ᬓᬶᬮᬧ᭄ᬢᬢᬶᬢ᭄ᬫᬲ᭄ᬮᬶᬯᭂᬭᬦ᭄᭟ᬲᬂᬓᬭᬶᬮᬯᬦ᭄ᬲᬂᬮᬸᬗ᭄ᬳᬵ᭞ᬧᬤᬗᬭᬱ᭠
ᬭᬶᬂᬳᬢᬶ᭞ᬳᬧᬦ᭄ᬧᬦ᭄ᬥᭂᬗᬶᬂᬳᬯᭀᬃ᭞ᬓᬤᬶᬕ᭄ᬤᬄᬳᬶᬩᬾᬂᬯᬢᬸ᭞ᬯᬸᬲ᭄ᬮᬶᬯᬢ᭄ᬧᬘᬸᬦᬶᬂᬤᬾᬱᬵ᭞ᬢᬸᬭᬸᬦ᭄ᬓᬗᬶᬦ᭄᭞ᬫᬦᬸᬗ᭄ᬓᬧ᭄ᬳᬮᬲ᭄ᬩ᭄ᬮᬂᬫ᭄ᬩᬗᬦ᭄᭟ᬲᬓ
ᬢᬳᬾᬳᬦᬓ᭄ᬮᬸᬯᬲ᭄᭞ᬲᬫᬶᬧᬤᬲ᭄ᬫᬸᬢᬗᬶᬲ᭄᭞ᬓᬗᭂᬦ᭄ᬭᬶᬂᬳᬶᬕᬸᬲ᭄ᬢᬶᬯᬬᬦ᭄᭞ᬲᬵᬫ᭄ᬧᬸᬦ᭄ᬤᬦᬾᬯ᭄ᬭᬸᬳᬶᬂᬲ᭄ᬫᬸ᭞ᬲᬢ᭄ᬓᬦᬾᬫᬭᬶᬂᬳᬮᬲ᭄᭞ᬯᬾᬦ᭄ᬢᭂᬦ᭄ᬚᬢᬶ᭞
Kaca:Bali-lontar-madia-palud-gaguritan-gusti-wayan-350ppi.pdf/5
Kaca puniki sampun kauji-wacén
