[᭓3B]
ᬭᬸᬗᬂᬩ᭄ᬮᬶᬧ᭄ᬚᬄ᭞ᬲᬂᬧ᭄ᬭᬪᬸᬗᬸᬢᬸᬲ᭄ᬩ᭄ᬮᬶ᭞ᬫᬗ᭄ᬓᬶᬦ᭄ᬮ᭄ᬯᬲ᭄ᬓᬩ᭄ᬮᬂᬫ᭄ᬩᬗᬦ᭄᭞ᬢ᭄ᬯᬄᬩ᭄ᬮᬶᬓᬳᬮ᭄ᬬᬂᬳᬗ᭄ᬓᬸᬄ᭞ᬦ᭄ᬩᭂᬮᬶᬤᭀᬱ᭞ᬲᬸᬓᬳᬤᬶ᭞ᬩ᭄ᬓᭂᬮᬶ
ᬦ᭄ᬲᬶᬄᬩ᭄ᬮᬶᬲ᭄ᬧᬄ᭟ᬫᬓᬫᭀᬦ᭄ᬫᭀᬦ᭄ᬩ᭄ᬮᬶᬧ᭄ᬚᬄ᭞ᬫᬓᬘᬶᬭᬶᬦ᭄ᬳᬤᬶᬓᬵᬲᬶᬄ᭞ᬮᬯᬦ᭄ᬮᬸᬗ᭄ᬲᬸᬭᬦᬶᬂᬤᭀᬢ᭄᭞ᬫᬓᬭᬸᬭᬸᬩᬦ᭄ᬧᬸᬦᬶᬓᬸ᭞ᬚᬮᬦᬾ
ᬫᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬩ᭄ᬯᬶᬦ᭄ᬳᬧᬮᬶᬄ᭞ᬩ᭄ᬮᬶᬦᬸᬢᬸᬕᬂᬧᬶᬢᬺᬱ᭄ᬡᬵ᭞ᬲᬸᬓᬳ᭄ᬤᬶᬚᬦᬶᬗᬶᬦᬂ᭞ᬩ᭄ᬮᬶᬫᬦᬸᬦᬲ᭄ᬫᬧᬫᬶᬢ᭄᭞ᬫᬦᬯᬶᬩ᭄ᬮᬶᬧᭀᬗᭀᬃ᭞ᬦᬾᬳᬶᬲ᭄ᬢ᭄ᬭᬶ᭠
ᬦᬗᬶᬲ᭄ᬫᬗ᭄ᬮᬸᬢ᭄᭞ᬕᬕᬺᬢᭂᬦᬦ᭄ᬭᬭᬶᬲ᭄ᬜᬓᬃ᭞ᬢᬸᬳᬸᬩ᭄ᬮᬶ᭞ᬚᬦᬶᬯᬦᭂᬄᬢ᭄ᬓᬾᬦ᭄ᬢᬶᬢ᭄ᬬᬂ᭟ᬫᬸᬜᬶᬦ᭄ᬩᭂᬮᬶᬢ᭄ᬓᬾᬦ᭄ᬢᬶᬢ᭄ᬬᬂ᭞ᬤᬶᬧᬢᬸᬭᭀᬦ᭄ᬗᭀᬜᬂᬓᬲᬶᬄ᭞ᬤᬤᬶ
[᭔4A]
ᬬᬫᬧ᭄ᬯᬭᬮᬶᬜᭀᬓ᭄᭞ᬗᬸᬤᬩ᭄ᬮᬶᬚᬦᬶᬗᬧᬸᬲ᭄᭞ᬬᬦ᭄ᬢ᭄ᬯᬄᬩ᭄ᬮᬶᬢᬸᬳᬸᬢᬺᬱ᭄ᬡᬵ᭞ᬩᬋᬂᬫᬢᬶ᭞ᬫᬗᬸᬗ᭄ᬲᬶᬭᬶᬂᬰ᭄ᬯᬃᬕ᭄ᬕᬪ᭄ᬯᬦᬵ᭟ᬮᬫᬸᬦ᭄ᬩᭂᬮᬶᬤᬸᬭᬸᬲ᭄
ᬮ᭄ᬯᬲ᭄᭞ᬢᬶᬢ᭄ᬬᬂᬩᬋᬂᬗᬶᬭᬶᬂᬩ᭄ᬮᬶ᭞ᬬᬤ᭄ᬬᬦ᭄ᬲᬳᬮᬦᬾᬋᬓᭀ᭞ᬬᬤ᭄ᬬᬦ᭄ᬫᬦᬸᬗ᭄ᬓᬧᭂᬭᬳᬸ᭞ᬬᬤᬶᬦ᭄ᬢᬶᬩᬵᬫᬭᬶᬂᬓᬯᬄ᭞ᬲᬋᬂᬩ᭄ᬮᬶ᭞ᬧᬓᬮᬶᬳᬦ᭄
ᬢ᭄ᬓᬾᬦ᭄ᬢᬶᬢᬂ᭟ᬲᬸᬓᬩ᭄ᬮᬶᬢ᭄ᬓᬾᬦ᭄ᬢᬶᬢ᭄ᬬᬂ᭞ᬤᭀᬂᬩ᭄ᬓᭂᬮᬶᬦ᭄ᬢᬶᬢ᭄ᬬᬂᬓ᭄ᬭᬶᬲ᭄᭞ᬓᬮᬶᬮᬶᬭᬦᬾᬫᬮᭀᬮᭀ᭞ᬦᬾᬲᬸᬂᬓ᭄ᬮᬶᬢ᭄ᬩᭂᬮᬶᬦᬾᬤᬸᬫᬸᬦ᭄᭞ᬤᬸᬓᬾᬓ᭄ᬧᬗ᭄ᬕᬶᬄ
ᬭᬶᬂᬢᬶᬢ᭄ᬬᬂ᭞ᬦᬶᬓᬫᬗ᭄ᬓᬶᬦ᭄᭞ᬧᬢᭂᬫ᭄ᬯᬂᬢ᭄ᬓᬾᬦ᭄ᬢᬶᬢ᭄ᬬᬂ᭟ᬢᭀᬦ᭄ᬤᬾᬦ᭄ᬢᬸᬢᬸᬕ᭄ᬫᬓᬭᬸᬡ᭞ᬢ᭄ᬓᬧᬋᬓᬦ᭄ᬫᬗᬮᬶᬄ᭞ᬳᬶᬕᬸᬲ᭄ᬢᬶᬫᬗ᭄ᬤᬓᬚ᭄ᬭᭀ᭞ᬧᬗᬦ᭄ᬤᬶᬓ
Kaca:Bali-lontar-madia-palud-gaguritan-gusti-wayan-350ppi.pdf/4
Kaca puniki sampun kauji-wacén
