[᭒᭑21B]
᭒᭑
᭕
ᬳᬶ᭟ᬬᬾᬦᬶᬂᬲᬹᬃᬬ᭄ᬬᬘᬦ᭄ᬤ᭄ᬭᬦᬾᬫᬓᬢᬧᬓᬦ᭄᭞ᬮᬶᬦ᭄ᬢᬂᬢᬺᬗ᭄ᬖᬡᬦᬾᬘᬳᬶ᭞ᬫᬓᬢ᭄ᬥᬸᬂᬳᬢ᭄ᬫ᭞ᬦ᭄ᬢᭀᬬᬤᬶᬢᬸᬲᬸᬩ᭞ᬳᬶᬗᭂᬢᬂᬧᬶᬲᬦ᭄ᬧᬂᬧᬱ᭄ᬝᬶ᭞
ᬚᬦᬶᬓᭂᬦᭂᬳᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬳᬶᬭᬶᬂ᭟ᬓᬾᬢᭀᬘᬳᬶᬳᬶᬤᭂᬧᬂᬧᬫᬸᬜᬶᬦ᭄ᬩᬧ᭞ᬓᬾᬃᬢ᭄ᬢᬶᬬᬂᬳᬸᬮᬶᬚᬦᬶ᭞ᬲᬶᬂᬜᬩᬶᬮᬶᬄᬲᬶᬤ᭄ᬥ᭞ᬳ᭄ᬧᬂᬯᬳ᭄ᬬ
ᬤ᭄ᬬᬢ᭄ᬫᬶᬓᬵ᭞ᬲᬶᬤ᭄ᬥᬓᬢ᭄ᬧᬸᬓ᭄ᬩᬜ᭄ᬘᬳᬶ᭞ᬬᬦ᭄ᬦᬾᬦᬾᬯᬳ᭄ᬬ᭞ᬮᬓ᭄ᬱᬡᬦᬾᬧᬂᬧᬲ᭄ᬢᬶ᭟ᬦᬾᬤ᭄ᬬᬢ᭄ᬫᬶᬓᬚᬧᬫᬦ᭄ᬢ᭄ᬭᬮᬯᬦ᭄ᬥ᭄ᬬᬦ᭞ᬫᬓᬤᬶᬦ᭄ᬜᬲ
ᬫᬤᬶ᭞ᬓ᭄ᬦᭂᬳᬾᬦᬶᬃᬫ᭄ᬫᬮ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬗᬺᬤ᭄ᬥᬦ᭞ᬫᬗᬲ᭄ᬢᬶᬢᬶᬲᬂᬳ᭄ᬬᬂᬯᬶᬥᬶ᭞ᬭᬶᬂᬧᬤ᭄ᬫᬓᭂᬫ᭄ᬩᬃ᭞ᬕ᭄ᬦᬄᬘᬳᬶᬗᬸᬧ᭄ᬢᬶ᭟ᬤᬶᬢᬸᬳᬮᬶᬄᬕ᭄ᬦᬄᬳᬶᬫᬾ᭠
[᭒᭒22A]
ᬫᬾᬳᬶᬩᬧ᭞ᬧ᭄ᬭᬢᬶᬱ᭄ᬝᬳᬧᬂᬧᬲ᭄ᬢᬶ᭞ᬋᬕᭂᬧ᭄ᬋᬤ᭄ᬥᬡᬬᬂ᭞ᬬᬦᬾᬦᬾᬧᬘᬂᬲᬸᬫ᭄ᬩᬄ᭞ᬮ᭄ᬯᬶᬭᬶᬂᬗᬹᬤ᭄ᬥᬓᬵᬜ᭄ᬚᬮᬶ᭞ᬢ᭄ᬯᬄᬳᭂᬦ᭄ᬢᭀᬯᬶᬤ᭞ᬬᬦ᭄ᬢ᭄ᬯᬄᬘ᭠
ᬳᬶᬳᬸᬦᬶᬂ᭟ᬳᬧᬂᬳ᭄ᬤᬩᬜᬫᬜᭀᬦ᭄ᬢᭀᬮ᭄ᬫᬜᬸᬫ᭄ᬩᬄ᭞ᬢ᭄ᬯᬭᬓᬭ᭄ᬯᬦ᭄ᬦᬾᬳᬾᬱ᭄ᬝ᭞ᬓᬾᬯᬮᬫᬜᬸᬫ᭄ᬩᬄ᭞ᬬᬾᬦ᭄ᬳᬧᬦᬾᬓᬲᬸᬫ᭄ᬩᬄ᭞ᬚᬤ᭄ᬫᬧᬲᬸᬓᭀ
ᬚᬭᬶᬗᬵᬚᬶ᭞ᬢᭀᬂᬦᬯᬂᬳᬯᬓ᭄᭞ᬲᬗ᭄ᬓᬦ᭄ᬲᬗ᭄ᬓᬵᬦᬸᬫᬤᬶ᭟ᬲ᭠ᬢᬶᬦ᭄ᬤᬓᬾᬲᬢᬢᬗ᭄ᬕᬯᬾᬓᬲᬲᬃ᭞ᬳᬸᬭᬶᬧᬾᬫᬗᬦ᭄ᬢᬶᬳᬦ᭄ᬢᬶ᭞ᬲᬗ᭄ᬓᬦ᭄᭠
ᬬᬕᬯᬾᬦᬂ᭞ᬦᬾᬢᬫᬫᬦᬶᬧ᭄ᬯᬦ᭄᭞ᬳᬧᬂᬳ᭄ᬤᬩᬸᬓᬚᬦᬶ᭞ᬮᬶᬯᬢ᭄ᬦᬭᬓ᭞ᬳᬾᬱ᭄ᬝᬶᬬᬂᬳᬸᬮᬶᬚᬦᬶ᭟ᬦᬦ᭄ᬗᬶᬂᬳ᭄ᬤᬘᬳᬶᬫᬗᭂᬗ᭄ᬲᬧᬂᬰᬵᬲ᭄ᬢ᭄ᬭ᭞ᬫᬓ
Kaca:Bali-lontar-madia-palud-gaguritan-gusti-wayan-350ppi.pdf/22
Kaca puniki sampun kauji-wacén
