[᭒᭐20B]
᭔
ᬫ᭄ᬩᬂᬓᬢᬶᬓ᭄ᬢᬸᬜ᭄ᬚᬸᬗᬾᬗ᭄ᬮᬫᬬᬂ᭞ᬢᭀᬦ᭄ᬤᬾᬦ᭄ᬢᭂᬓᭂᬤ᭄ᬓᬳᬸᬫ᭄ᬩᬶ᭞ᬢᭀ᭠ᬗᬤᬕᬯᬾᬦ᭄ᬜ᭞ᬩᬵᬜ᭄ᬘᬳᬶᬗᬺᬕᭂᬧᬂ᭞ᬫᬗᬸᬧ᭄ᬢᬶᬲᬂᬳ᭄ᬬᬂᬯᬶᬥᬶ᭞ᬲᭀᬓ᭄ᬗ᭠
ᬤᬸᬩᬶᬓᬲ᭄᭞ᬫᬗᬺᬤ᭄ᬥᬦᬫᬸᬱ᭄ᬝᬶ᭟ᬫᬗᬮᬶᬬᭂᬧ᭄ᬫᬗᬸᬦ᭄ᬢᬸᬓ᭄ᬜᬗ᭄ᬓᬵᬳᬗ᭄ᬓᬶᬳᬦ᭄᭞ᬢ᭄ᬯᬭᬓᬭ᭄ᬯᬦ᭄ᬦᬾᬳᬶᬱ᭄ᬝᬶ᭞ᬗᬾᬓᬬᬂᬲᬂᬳ᭄ᬬᬂᬫᬦ᭄ᬢ᭄ᬭ᭞ᬳᭂᬦ᭄ᬢᭀ
ᬘᬳᬶᬢᬢᬲᬂ᭞ᬳᬧᬂᬧ᭄ᬤᬲ᭄ᬳᬧᬂᬧ᭄ᬤᬲ᭄ᬢᬶ᭞ᬳ᭄ᬤᬩᬗᬲᭂᬫ᭄ᬧ᭄ᬬᬃ᭞ᬳᬧᬂᬫᬭᬵᬕᬚᬵᬢᬶ᭟ᬬᬾᬦ᭄ᬓᬲᬶᬤ᭄ᬥᬦ᭄ᬢᬶᬢ᭄ᬬᬂᬮᬶᬦ᭄ᬢᬂᬗᬶᬭᬶᬂᬧᬶᬲᬦ᭄᭞ᬧᬸᬦᬶᬓᬦᬾ
ᬧᬢᬹᬢ᭄ᬲᬫᬶ᭞ᬫᬮᬶᬄᬢᬶᬢ᭄ᬬᬂᬦᬸᬦᬲᬂ᭞ᬦᬾᬫᬯᬱ᭄ᬝᬵᬭᬂᬭᬾᬂᬥᬶᬭᬄ᭞ᬓᬵᬮᬶᬄᬫ᭄ᬧᬸᬪ᭄ᬭᬥᬄᬫᬮᬶᬄ᭞ᬳᭂᬜ᭄ᬘᬾᬦ᭄ᬫᬭᬵᬕ᭞ᬧᬸᬦᬶᬓᬦᬾᬦᬾᬓ
[᭒᭑21A]
ᬓᬵᬮᬶᬄ᭟ᬳᭂᬦ᭄ᬢᭀᬦᬾᬢᬓᭀᬦᬂᬘᬳᬶᬢ᭄ᬓᬾᬦ᭄ᬩᬧ᭞ᬬᬦ᭄ᬦᬾᬫᬗ᭄ᬭᬕᬦᬶᬦ᭄᭞ᬭᬂᬭᬾᬂᬥᬶᬭᬄᬮᬯᬦ᭄᭞ᬳᬶᬤᬳᭂᬫ᭄ᬧᬸᬪ᭄ᬭᬥᬄ᭞ᬪᬝᬵᬭᬮᬯ
ᬦ᭄ᬪᬝᬵᬭᬶ᭞ᬧᬂᬘᬳᬶᬦᬯᬂ᭞ᬦ᭄ᬢᭀᬓ᭄ᬭᬡᬓᬭ᭄ᬯᬰᬵᬓ᭄ᬢᬶ᭟ᬬᬾᬦᬶᬂᬩ᭄ᬦᭂᬄᬩᬳᬜ᭄ᬘᬳᬶᬗᬢᭂᬧᬂ᭞ᬦᬾᬤᬤ᭄ᬯᬳᬧᬗᬵᬦᬸᬗ᭄ᬕᬶᬮ᭄᭞ᬳᬧᬦ᭄ᬲᬶᬂᬚᬳᬤ᭞ᬩ᭄ᬯᬶ
ᬦ᭄ᬩᬳᬦ᭄ᬩᬧ᭞ᬳᬗ᭄ᬕᭀᬦ᭄ᬫᬜᬶᬧ᭄ᬢᬳᬶᬜ᭄ᬘᬳᬶ᭞ᬫᬲᬢᬾᬢ᭄ᬯᬭ᭞ᬳᬤᬤᬶᬳᬶᬥᭂᬧ᭄ᬘᬳᬶ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬮᬶᬦ᭄ᬢᬂᬘᬸᬘᬸᬤ᭄ᬫᬦᬸᬦᬲᬂ᭞ᬫᬗ᭄ᬤᬾᬦ᭄ᬢᬶ᭠
ᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬯ᭄ᬢᬸᬦᬶᬂᬲᬂᬳ᭄ᬬᬂᬘᬦ᭄ᬤ᭄ᬭ᭞ᬫᬶᬯᬄᬮᬶᬦ᭄ᬢᬂᬢᬺᬗ᭄ᬥᬡᬵ᭞ᬧᬸᬦᬶᬓᬢᬶᬢ᭄ᬬᬂᬦ᭄ᬤᬶᬓᬳᬶᬦ᭄᭞ᬦᬄᬧᬤᬶᬗᭂᬳᬂ᭞ᬩᬧᬫᬗᭀᬭᬳᬶᬜ᭄ᬘ
Kaca:Bali-lontar-madia-palud-gaguritan-gusti-wayan-350ppi.pdf/21
Kaca puniki sampun kauji-wacén
