Kaca puniki sampun kauji-wacén
[᭑᭘18B]
᭒
ᬦᬾᬫᬳᬤᬦ᭄ᬲᬧ᭄ᬢᬲᬵᬕᬭ᭞ᬩᬧᬫᬗᭀᬭᬳᬶᬜ᭄ᬘᬳᬶ᭞ᬳᭂᬦ᭄ᬢᭀᬬᬢᬸᬗ᭄ᬕᬮᬂ᭞ᬧᬫᬸᬧᬸᬢ᭄ᬜᬦᬾᬧᬶᬲᬦ᭄᭞ᬰᬭᬫᬳᬭᬦ᭄ᬜᬘᬳᬶ᭞ᬦ᭄ᬢᭀ
ᬫᬗᬤᬓᬂ᭞ᬲᬧ᭄ᬢᭀᬗ᭄ᬓᬭᬦᬾᬲᬫᬶ᭟ᬤᬤᬶᬧᬜ᭄ᬘᬵᬓ᭄ᬱᬭᬮᬵ᭠ᬯᬦ᭄ᬧᬜ᭄ᬘᬩ᭄ᬭᬳ᭄ᬫ᭞ᬢ᭄ᬭ᭄ᬬᬓ᭄ᬱᬭᬦᬾᬘᬳᬶ᭞ᬫᬶᬯᬄᬭ᭄ᬯᬪᬶᬦᬾᬤ᭞ᬫᬮᬶᬄ
ᬦᬾᬏᬓᬵᬓ᭄ᬱᬭ᭞ᬬᬤ᭄ᬬᬧᬶᬦ᭄ᬤᬾᬯᬦᬾᬍᬯᬶᬄ᭞ᬓᬮᬵᬯᬦ᭄ᬓᬵᬮ᭞ᬫᬶᬯᬄᬮᬾᬬᬓᬾᬰᬓ᭄ᬢᬶ᭟ᬬᬤᬶᬦ᭄ᬲᬓᬶᬢ᭄ᬬᬤᬶᬲᭂᬕᭂᬃᬦ᭄ᬢᭀᬗᬤᬓᬂ᭞᭠
ᬳᬾᬦ᭄ᬢᭀᬢᬢᬲᬂᬘᬳᬶ᭞ᬕᬢᬶᬬᬂᬓᭂᬦᭂᬳᬂᬩᭂᬲᬶᬓ᭄ᬩᭂᬲᬶᬓ᭄ᬳᬧᬂᬧ᭄ᬤ᭠ᬲ᭄᭞ᬲᬶᬂᬜᬳᬤᬳᬶᬘ᭄ᬮᬦ᭄ᬯᬶᬥᬶ᭞ᬘᬳᬶᬜᬫ᭄ᬩᬾᬕ᭞ᬤᭀᬗᬤᬲᬶᬤᬩᬵ
[᭑᭙19A]
ᬜ᭄ᬘᬳᬶ᭟ᬬᬤᬶᬜ᭄ᬘᬳᬶᬫᬦᬸᬦᬲᬂᬧ᭄ᬢᭂᬂᬍᬫᬄ᭞ᬭᬶᬂᬳᬶᬤᬳᬦᬓᬾᬉᬦᬶᬂ᭞ᬓᬾᬄᬳᬶᬓᬩᬾᬬᬦ᭄᭞ᬫᬾᬄᬳᬗ᭄ᬕᬮᬦ᭄ᬢᬧᬓᬵ᭞ᬩᬸᬦ᭄ᬩᬸᬦᬦ᭄ᬘᬳᬶ
ᬲᬓᬶᬢ᭄᭞ᬦᬗ᭄ᬳᬶᬂᬢᭀᬤᭀᬂᬬ᭞ᬧᬳᬶᬘ᭄ᬮᬦ᭄ᬳᬶᬤᬭᬶᬂᬘᬳᬶ᭟ᬳᬦᬓ᭄ᬮᬶᬬᬸᬱᬥᬵᬗᬸᬘᬧᬂᬉᬢ᭄ᬢᬫ᭞ᬫᬓ᭄ᬚᬂᬲᬮᬶᬂᬮᬶᬫ᭄ᬧᬤᬶᬦ᭄᭞ᬳᬤᬗᬸᬘᬧᬂᬰᬵ
ᬲ᭄ᬢ᭄ᬭ᭞ᬧᬥᬓ᭄ᬮᬶᬦ᭄ᬢᬂᬲᬹᬓ᭄ᬱ᭄ᬫ᭞ᬧ᭄ᬭᬕᬦ᭄ᬓᭀᬘᬧ᭄ᬮᬶᬗᬶᬗᬚᬶ᭞ᬓᬾᬢᭀᬤᬤᭀᬦ᭄ᬜ᭞ᬩᬧᬗᭀᬭᬳᬶᬜ᭄ᬘᬳᬶ᭟ᬫᬵᬥ᭄ᬬᬧᬮᬸᬤ᭄ᬫᬢᬹᬃᬪᬓ᭄ᬢᬶᬲᬳᬵᬲᭂᬫ᭄ᬩᬄ
ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬬᬦ᭄ᬩᬶᬮᬶᬄᬓᬲᬶᬤᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬺᬕᭂᬧᬂ᭞ᬰᬭᬫᬳᬭᬦᬾᬳᬸᬕᬶ᭞ᬭᬶᬂᬦᬪᬲ᭄ᬢᬮ᭞ᬗᬢᭂᬧᬂᬕᬸᬫᬶᬮᬦ᭄ᬮᬗᬶᬢ᭄᭟
