[᭑᭗17B]
᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬥᬹᬃᬡ᭄ᬦᬶᬫᬶᬢᬤᬸᬓᬾᬮᬸᬯᬲ᭄ᬬᬳᬸᬘᬧᬂ᭞ᬫᬩᬸᬮᬸᬂᬲᬂᬳ᭄ᬬᬂᬫ᭄ᬬᬢ᭄ᬣᬶ᭞ᬫᬧᬶᬢᬸᬳᬸᬧᬶᬲᬦ᭄᭞ᬓᬧᬶᬢ᭄ᬯᬶᬗᬶᬭᬶ᭠
ᬗᬂ᭞ᬧᬡ᭄ᬥᬶᬢᬩ᭄ᬭᬵᬳ᭄ᬫᬡᬋᬱᬶ᭞ᬩᬸᬮᬦ᭄ᬳᬮᬶᬳᬦ᭄᭞ᬲᬧ᭄ᬢᬧᬗᬶᬱ᭄ᬝᬶᬍᬯᬶᬄ᭟ᬘᬳᬶᬩ᭄ᬮᭀᬕ᭄ᬧ᭄ᬬᬦᬓ᭄ᬩᬧᬳᬧᬂᬢᬗᬃ᭞ᬢᬸᬫ᭄ᬩᬸᬄᬜ᭄ᬚᬤ᭄ᬫᬘᬭᬚᬦᬶ᭞
ᬤᬶᬲᬢ᭄ᬭᬶᬬᬯᬗ᭄ᬰ᭞ᬓᬮᬶᬦ᭄ᬢᬂᬲᭂᬗ᭄ᬓᬵᬧᬶᬲᬦ᭄᭞ᬫᬗᬾᬃᬢ᭄ᬢᬶᬬᬂᬫᬗ᭄ᬤᬾᬦ᭄ᬩ᭄ᬘᬶᬓ᭄᭞ᬳᭂᬦ᭄ᬢᭀᬓ᭄ᬦᭂᬳᬂ᭞ᬧᬶᬦᭂᬄᬤᬶᬳᬢᬶ᭟ᬰᬵᬲ᭄ᬢ᭄ᬭᬦᬾᬳᬗ᭄ᬕᭀᬦ᭄
ᬘᬳᬶᬫᬾᬫᬾᬳᬶᬩᬧ᭞ᬤᬶᬢᬸᬢᬓᭀᬦᬂᬳᬮᬶᬄ᭞ᬮᬓ᭄ᬱᬡᬦᬾᬫ᭄ᬮᬄ᭞ᬲᬸᬩᬳᬤᬫᬓ᭄ᬚᬂ᭞ᬦᬾᬫᬳᬤᬦ᭄ᬩ᭄ᬦᭂᬄᬧ᭄ᬮᬶᬄ᭞ᬤᬶᬢᬸᬢᬢᬲᬂ᭞ᬢᬓᭀ
[᭑᭘18A]
ᬦᬂᬲᬳᬶᬲᬳᬶ᭟ᬬᬾᬦ᭄ᬲᬶᬄᬘᬳᬶᬲᬸᬩᬢᬢᬲ᭄ᬢ᭄ᬓᬾᬦ᭄ᬰᬵᬲ᭄ᬢ᭄ᬭ᭞ᬢᬢ᭄ᬯᬵᬚ᭄ᬜᬦᬦᬾᬕᬸᬮᬶᬓ᭄᭞ᬦ᭄ᬢᭀᬧ᭄ᬤᬲᬂᬧᬶᬲᬦ᭄᭞ᬳᬧᬂᬤᬲᬮᬄᬧᬭ᭞ᬳᬦᬓ᭄ᬮᬶᬬᬸ
ᬲᭂᬗ᭄ᬓᬘᬳᬶ᭞ᬫᬩᬸᬤ᭄ᬥᬶᬦᬯᬂ᭞ᬢᬢᬲᬂᬚ᭄ᬭᭀᬦᬶᬗ᭄ᬳᬢᬶ᭞ᬲᬶᬂᬜᬳᬤᬳᬦᬓ᭄ᬗ᭄ᬥᬾᬓᬶᬦ᭄ᬓᬭᬸᬡ᭞ᬇᬘᬧᬂᬰᬵᬲ᭄ᬢ᭄ᬭᬍᬯᬶᬄ᭞ᬳ᭄ᬤᬦ᭄ᬤᬾᬦ᭄ᬗᭂᬤᬾᬓᬂ᭞ᬧᬶ
ᬦᭂᬳᬂᬧᬢᭂᬮᬦᬦ᭄᭞ᬳ᭄ᬤᬧᬶᬲᬦ᭄ᬫᬦᬶᬤᭀᬗᬶᬦ᭄᭞ᬳᬸᬲᬸᬤ᭄ᬢᬓᭀᬦᬂ᭞ᬳᬸᬘᬧᬂᬳᬧᬂᬧᬲ᭄ᬢᬶ᭟ᬳᬧᬦ᭄ᬮᬶᬬᬸᬳᬦᬓ᭄ᬫᬳᬶᬦ᭄ᬤᭀᬕᭂᬦ᭄ᬤᭀᬕᬦ᭄᭞ᬗᬸᬘᬧᬂ
ᬲᬧ᭄ᬢᬵᬕ᭄ᬦᬶ᭞ᬮᬵᬯᬦ᭄ᬲᬧ᭄ᬢᬢᬶᬃᬢ᭄ᬣ᭞ᬓᬮᬵᬯᬦ᭄ᬲᬧ᭄ᬢᬵᬗ᭄ᬓᬭ᭞ᬲᬧ᭄ᬢᬵ᭠ᬧᬢᬮᬦᬾᬘᬳᬶ᭞ᬲᬧ᭄ᬢᬧᬃᬯ᭄ᬯᬢ᭞ᬲᬧ᭄ᬢᬳᬢ᭄ᬫᬦᬾᬫᬮᬶᬄ᭟ᬬᬤᬶᬦ᭄ᬓ᭄ᬢᭀ
Kaca:Bali-lontar-madia-palud-gaguritan-gusti-wayan-350ppi.pdf/18
Kaca puniki sampun kauji-wacén
