[᭓ 3 B]
ᬦᬾᬧᭂᬮᬶᬄ᭞ᬫᬦᬸᬦ᭄ᬤᬸᬦᬶᬦ᭄ᬯᬶᬱ᭄ᬬ᭞ᬢᭂᬦᭂᬳᬾᬫᬲᬥ᭄ᬬᬧᬢᬹᬢ᭄᭞ᬲᬳᬶᬧᬭᬶᬪᬾᬤ᭞ᬓᬭᬡᬭᬢᬶᬢ᭄ᬬᬂᬧᬮᬶᬂ᭞ᬜᬶᬧᬢᬶᬦ᭄ᬦᬾᬩᭂᬦᭂᬄᬲᬮᬄ᭞ᬓᬘᬫ᭄ᬧᬸᬭᬦ᭄ᬩᬳᬦ᭄ᬦᬾᬍᬢᬸᬄ᭟᭐᭟ᬳᬦᬓ᭄ᬚᬦᬶ
ᬭᬶᬭᬶᬄᬗᬯᬶᬲᬢ᭄ᬯ᭞ᬗᬩᬲᭂᬩᭂᬗᬾᬲᬥᬸ᭞ᬳᬦᬹᬢ᭄ᬢᭂᬓᬾᬦ᭄ᬲᭂᬫᬸ᭞ᬗᬫᬦᬶᬲ᭄ᬫᬦᬶᬲᬂᬩᬶᬩᬶᬄ᭞ᬢᬶᬢ᭄ᬬᬂᬩᬓᬮ᭄ᬩᬾᬜ᭄ᬘᬂ᭞ᬧᬗᬬᬂᬓᬦ᭄ᬤᬂᬢᬢᬗ᭄ᬮᬸᬓ᭄᭞ᬕᬸᬲ᭄ᬢᬶᬩᬸᬤ᭄ᬥ᭄ᬬᬗ᭞ᬓᬳᬬᭀᬦᬾᬩᬲᬼᬯᬶᬄ᭞
ᬲᬳᬶᬳᬗ᭄ᬕᭀᬦᬓᬭᬸᬡ᭞ᬲᬗ᭄ᬓᬦ᭄ᬢᬶᬢ᭄ᬬᬂᬢ᭄ᬯᬄᬩᬓᬮᬶᬫ᭄ᬧᬸᬲ᭄᭟᭐᭟ᬦᬄᬲᬸᬩᬕᬸᬲ᭄ᬢᬶᬚᬮᬦ᭄ᬢᬾᬲᬸᬩᬮᬸᬯᬲ᭄᭞ᬲᬪᬬᬦ᭄ᬢᬓᬤᬶᬢᬸ᭞ᬩᬋᬂᬳᬮᬳᬬᬸ᭞ᬍᬯᬶᬳ᭄ᬓᬲᬶᬤ᭄ᬥᬦ᭄ᬫᬫ᭄ᬪᬸᬓ᭄ᬢᬶ᭞ᬓ
ᬮᬩᭂᬦᬾᬫᭂᬮᬄ᭞ᬳᭂᬤᬚᬫᬯᬮᬶᬫᬦ᭄ᬢᬸᬓ᭄᭞ᬲᬓᬶᬢ᭄ᬲᬦ᭄ᬭᬲᬜ᭞ᬢᬶᬢ᭄ᬬᬂᬗᭂᬦᭂᬳᬂᬕᬸᬲ᭄ᬢᬶ᭞ᬓᬾᬦᬾᬤᬤᬶᬳᬦᬓ᭄ᬫᭂᬮᬄ᭞ᬢᭂᬓᭂᬮᬶᬬᬸᬩᬜᬗᬶᬕᬸᬫ᭄᭟᭐᭟ᬳᬶᬬᬬᬸᬤᬤᬶ
[᭔ 4 A]
ᬩᬸᬓᬤᬸᬮᬸᬭᬶᬦᬢᬺᬱ᭄ᬡ᭞ᬧᭂᬕᬢᬧᭂᬕᬢ᭄ᬫᬲᬳᬸᬢ᭄᭞ᬢᬶᬢ᭄ᬬᬂᬗᬸᬤᬲᬦ᭄ᬢᬸᬮ᭄᭞ᬓᬲᭂᬗ᭄ᬕᬸᬄᬢᬓᬸᬢ᭄ᬫᬗᬶᬭᬶᬂ᭞ᬬᬤᬶᬦ᭄ᬚᭂᬮᬾᬫᭂᬮᬳ᭄᭞ᬳᬧᬂᬢᬶᬢ᭄ᬬᬂᬩᬋᬂᬫᬶᬮᬸ᭞ᬳᬶᬩᬕᬸᬲ᭄ᬫᬗᬭᬲ᭄᭞ᬢᬦ᭄ᬲᬄ
ᬫᬦ᭄ᬤᬶᬫᬦ᭄ᬧᬶᬧᬶ᭞ᬫᬗᬸᬲᬸᬤ᭄ᬫᬦ᭄ᬤᭂᬫᬓ᭄ᬮᬶᬫ᭞ᬮᬯᬸᬢᬂᬫᬓᬭᭀᬦᬦ᭄ᬧᭂᬲᬸ᭟᭐᭟ᬫᬫᬸᬭᬂᬫᬸᬭᬂᬫᬚᬮᬦ᭄ᬫᬗᬗᬶᬦᬂᬳᬶᬬᬬᬸᬓᬾᬦᬶᬩᬕᬸᬲ᭄᭞ᬢ᭄ᬯᬭᬳᬦᬓ᭄ᬢᬳᬸ᭞ᬩᬳᬦᬾᬮᬸᬯᬲ᭄ᬫᬜᬶ
ᬮᬶᬩ᭄᭞ᬩᬳᬸᬮᬶᬯᬢ᭄ᬤᬾᬰ᭞ᬳᬶᬬᬬᬸᬗᬭᬤ᭄ᬤᬶᬧᬸᬗ᭄ᬓᬸᬃ᭞ᬗᬺᬭᬾᬗᭀᬫᬚᬮᬦ᭄᭞ᬳᬶᬩᬕᬸᬲ᭄ᬫᬦᭀᬮᬶᬄ᭞ᬫᬗᬸᬤᬕᬸᬲ᭄ᬢᬶᬫᬗᬭᬤ᭄᭞ᬯᭀᬦ᭄ᬤᬾᬓᬫᬲᬲᭂᬤᭂᬂᬢᬸᬬᬸᬄ᭟᭐᭟ᬫᬫᬃᬕ᭄ᬕᬶ
ᬕᬸᬲ᭄ᬢᬶᬩᭂᬘᬶᬓᬦ᭄ᬤᬶᬫᬮ᭄ᬯᬦ᭄᭞ᬢᬶᬢ᭄ᬬᬂᬗᬶᬭᬶᬂᬤᬶᬧᬸᬗ᭄ᬓᬸᬃ᭞ᬳᬧᬂᬓᬦ᭄ᬢᭂᬦ᭄ᬭᬢᬸ᭞ᬩᬜ᭄ᬘᬂᬳᬶᬤᬾᬯᬦᬾᬭᬫ᭄ᬧᬶᬂ᭞ᬍᬫᬸᬄᬫᬳᬸᬮ᭄ᬯᬦ᭄᭞ᬬᬦ᭄ᬢᬶᬢ᭄ᬬᬂᬫᬚᬮᬦ᭄ᬫᬮᬸ᭞ᬦᬸᬮᬶᬄᬩᬸᬲᬦ᭄ᬩᬸᬲᬦ᭄᭞ᬩᬋᬂᬦᭀᬢ᭄ᬢᬶᬢ᭄ᬬᬂᬕᬸᬲ᭄ᬢᬶ᭞
Kaca:Bali-lontar-kidung-dampati-lalangon-01-300ppi.pdf/4
Kaca puniki sampun kauji-wacén
