[᭒ 2 B]
ᬦᬭᬳᬬᬸ᭟᭐᭟ᬫᬸᬂᬧᬸᬂᬰᬰᬶᬳᬦᬾᬩᭂᬘᬶᬓ᭄ᬫᬲᬦ᭄ᬩᬸᬗ᭄ᬳ᭞ᬧᬹᬃᬡ᭄ᬦᬫᬦᬶᬂᬓᬘᬢᬸᬃ᭞ᬫᬗ᭄ᬮᬂᬮᬂᬓᬸᬮᬗᬸᬦ᭄᭞ᬢᬦ᭄ᬮ᭄ᬬᬦ᭄ᬢᬄᬦᬾᬳᬸᬗ᭄ᬲᬶ᭞ᬓᬕᬸᬦᬸᬂᬓᬳ᭄ᬬᬂᬗᬦ᭄᭞ᬯᬾᬦ᭄ᬢᭂᬦ᭄ᬢᬫᬦᬼᬯᬶᬄᬮᬗᬹ᭞ᬫᬜ
ᬦ᭄ᬤᬶᬂᬲᬕᬭ᭞ᬧᬗᭀᬜᬗᬦ᭄ᬓᬭᬲ᭄ᬫᬶᬦ᭄᭞ᬬᬦ᭄ᬕᬸᬲ᭄ᬢᬶᬭᬯᬸᬄᬳᬶᬭᬶᬓ᭞ᬧᬶᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬓᬳ᭄ᬬᬦ᭄ᬫᬦ᭄ᬢᬸᬓ᭄᭟᭐᭟ᬳᬧᬦ᭄ᬓᬮᬗᭂᬦᬾᬫᬍᬯᬶᬍᬯᬶᬳᬦ᭄᭞ᬧᬗ᭄ᬮᬮᬶᬧᬸᬭᬦ᭄ᬲᬸᬗ᭄ᬲᬸᬢ᭄᭞ᬤᬤᬶᬜᬭᬸᬜ
ᬭᬸ᭞ᬳᬶᬬᬬᬸᬫᬧᬶᬢᬦ᭄ᬲᬾᬭᬶᬂ᭞ᬋᬗᬹᬫᬫᬾᬦ᭄ᬢᭀᬲᬂ᭞ᬫᬸᬜᬶᬦᬾᬫᬲᬯᬂᬗᬫ᭄ᬩᬸᬮ᭄᭞ᬗᬚᬓ᭄ᬮᬸᬯᬲ᭄ᬦ᭄ᬤ᭄ᬤᬤᬕᬂ᭞ᬗᬸᬤᬲᬶᬕᬸᬲ᭄ᬢᬶᬳᬶᬭᬶᬂ᭞ᬩᬸᬓᬫᬫᭂᬕᬢᬶᬦ᭄ᬢᬺᬱ᭄ᬡ᭞ᬢᬓᬸᬢ᭄ᬮᬸᬯᬲ᭄ᬩᬋᬂᬓᬕᬸᬦᬸᬂ᭟᭐᭟ᬓᬸ
ᬫᬸᬕᬸᬢᬦ᭄ᬤᭂᬫᭂᬦ᭄ᬳᬢᬶᬦᬾᬦᬸᬚᬸᬫᬄ᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬳᬢᬸᬃᬭᬶᬂᬳᬶᬕᬸᬲ᭄ᬢᬶᬭᬢᬸ᭞ᬩᬳᬦ᭄ᬩᬸᬓᬓᬮᬶᬚᬦᬶ᭞ᬩ᭄ᬬᬦᬢᬸᬢ᭄ᬬᬂᬩᬶᬲ᭞ᬤᬶᬦᬵᬕᬭᬲᬳᬶᬳᬶᬩᬸᬓ᭄᭞ᬲᬓᬶᬢ᭄ᬫᬓᭂᬦᭂᬳᬦ᭄᭞ᬯᬦ᭄ᬢᬄᬓᭀ
[᭓ 3A]
ᬢᬶᬢ᭄ᬬᬂᬕᬸᬲ᭄ᬢᬶ᭞ᬫᬚᭂᬦᭂᬂᬇᬦ᭄ᬤᬇᬦ᭄ᬤᬦ᭄ᬬ᭞ᬤᬤᬶᬲᬗ᭄ᬕᬄᬗ᭄ᬳᬶᬂᬤᬶᬢᬢᬭᬸᬩ᭄᭟᭐᭟ᬳᬧᬦ᭄ᬧᭂᬤᬲ᭄ᬩᬳᬦ᭄ᬢᬶᬢ᭄ᬬᬂᬚᬦᬶᬦᬃᬓ᭄ᬓ᭞ᬤᬬᬦ᭄ᬩᬩᭀᬢᭀᬄᬮᬶᬬᬸ᭞ᬩ᭄ᬬᬦᬩᬓᬢ᭄ᬕᬸᬕᬸ᭞ᬦᬾᬧᭀᬮᭀᬲ᭄ᬢᭂᬓᬾ᭠
ᬦ᭄ᬦᬾᬍᬗᬶᬢ᭄᭞ᬫᬳᬶᬭᬶᬩ᭄ᬧᬲᬚ᭞ᬲᬶᬂᬢᭂᬓᬧᬥᬫᬜᬸᬂᬳᬶᬸᬲᬸᬂ᭞ᬲᬧᬸᬦᬶᬓᬤᬾᬯ᭞ᬳᬧᬦ᭄ᬢᬶᬢ᭄ᬬᬂᬩᬲ᭄ᬫᬶᬮᬶᬄ᭞ᬫᬦᭂᬗᭂᬃᬪᬬᬦᬾᬘᭀᬭᬄ᭞ᬯᬦ᭄ᬢᬄᬲᬫᬶᬫᬩᬸᬤ᭄ᬥᬶᬗᬸᬓᬸᬧ᭄᭟᭐᭟ᬤᬾᬦᬶᬂᬫ
ᬗ᭄ᬓᬶᬗᬸᬲ᭄ᬢᬶᬕᬸᬫᬶᬲᬵᬫ᭄ᬧᬸᬦ᭄ᬯᬬᬄ᭞ᬧᬫ᭄ᬩᬶᬲᬾᬓᬦᬾᬮᬶᬬᬸ᭞ᬳᬦ᭄ᬤᬾᬢᬶᬢ᭄ᬬᬂᬦᬸᬯᬸᬢ᭄᭞ᬫᬃᬕ᭄ᬕᬦᬾᬫᬜᭂᬩᬶᬢ᭄ᬜᭂᬩᬶᬢ᭄᭞ᬮᬶᬘᬶᬓᬶᬧᬸᬦ᭄ᬓᬢᬄ᭞ᬬᬦ᭄ᬳᭂᬗ᭄ᬓᬾᬦ᭄ᬦᬾᬜᬦ᭄ᬤᬂᬢᬸᬯᬸᬢ᭄᭞ᬏᬫᭂᬂᬢᬶᬢ᭄ᬬᬂᬤᬾᬯ᭞ᬢᬦᬸᬭᬸᬂᬩᬓ
ᬮ᭄ᬧᬮᬶᬂ᭞ᬬᬦ᭄ᬧᭂᬮᬶᬄᬩᬳᬦ᭄ᬫᬢᬶᬦ᭄ᬤᬓᬦ᭄᭞ᬩᬸᬓᬫᭂᬦ᭄ᬢᬲ᭄ᬤᬶᬤ᭄ᬯᬶᬦᬾᬮᬶᬬᬸ᭟᭐᭟ᬢᬦᬸᬭᬸᬂᬢᬶᬢ᭄ᬬᬂᬗᭂᬫᬲᬶᬦ᭄ᬓᬲᬸᬗ᭄ᬕᬢᬦ᭄᭞ᬕᬕᭀᬕᬦᬾᬩᬲ᭄ᬮᬶᬬᬸ᭞ᬩ᭄ᬬᬦᬢᬶᬢ᭄ᬬᬂᬫᬫ᭄ᬧᬸᬄ᭞ᬫᬦ᭄ᬤᬶᬗᭂᬄᬫᬸᬜᬶ
Kaca:Bali-lontar-kidung-dampati-lalangon-01-300ppi.pdf/3
Kaca puniki sampun kauji-wacén
