[ᬍ᭐ 20 B]
ᬳ᭄ᬬᬂᬗᬦᬾᬢᬶᬗ᭄ᬕᬃ᭞ᬫᬳᬸᬓᬸᬤᬦ᭄ᬢᭂᬕᭂᬄᬫᬫ᭄ᬩᬸᬓᬸᬃ᭟᭐᭟ᬲᬗ᭄ᬓᬦᬶᬂᬫᬯᬸᬯᬸᬄᬯᬸᬯᬸᬄᬓᬍᬗᭃᬗᬦ᭄᭞ᬧᬸᬘᬓ᭄ᬕᬸᬦᬸᬗᬾᬲᬭᬸ᭞ᬦ᭄ᬤᭂᬍᬲ᭄ᬧᭂᬲᬸᬳᬦ᭄ᬤᬸᬲ᭄᭞ᬫᬳᬾᬓᬫᬳᬶᬭᬶᬩ᭄ᬢᬸᬮᬶᬲ᭄᭞ᬫᬳᬸᬍ
ᬗᬦ᭄ᬫᭂᬮᬄ᭞ᬲᬶᬬᬸᬗᬾᬤᬶᬢᬸᬫᬗᬸᬮᬸᬦ᭄᭞ᬩᬸᬓᬫᬗᬾᬗ᭄ᬕᬮᬂ᭞ᬢᬮᬸᬓ᭄ᬢᬓᬾᬫᬕᭂᬦ᭄ᬤᬶᬂ᭞ᬫᬳᬶᬭᬶᬩ᭄ᬗᬢᬕ᭄ᬧᬜ᭄ᬘᭀᬭᬦ᭄᭞ᬫᬫ᭄ᬩᬬᬂᬢᬶᬃᬣᬓᬓᬸᬮᬸᬄ᭟᭐᭟ᬢᭂᬓᭂᬤ᭄ᬤᬶᬲᬸᬓᬸᬗᬸᬦᬸᬗᬾ
ᬗᬫᬸᬗ᭄ᬕᬳᬂ᭞ᬩᬸᬮᬶᬳᬦ᭄ᬜᬦᬾᬗ᭄ᬮᬚᬸᬃ᭞ᬳᬤᬧᬗ᭄ᬓᬸᬂᬘᭂᬧᬸᬂ᭞ᬤᬶᬩᬜ᭄ᬘᬂᬕᬸᬦᬸᬗᬾᬦᬩᬶᬂ᭞ᬮᬳᬢ᭄ᬧᬗᬤ᭄ᬬᬦ᭄᭞ᬩᭂᬢ᭄ᬲᬸᬩᬢᬸᬫ᭄ᬩᬸᬳᬶᬦ᭄ᬧᬓᬸ᭞ᬬᬫᬜᬮᭀᬗ᭄ᬜᭀᬗᬦ᭄᭞ᬳᬫ᭄ᬩᬄᬘᬾᬮᬾᬗᬾ
ᬗᬮᬸᬫ᭄ᬩᬶᬄ᭞ᬍᬧᬸᬕ᭄ᬮᬳᬤᬶᬩᬶᬲᬜ᭄ᬚ᭞ᬳᬧᬦ᭄ᬢᬦᬄᬜᬦᬾᬦᬸᬓᭂᬩᬸᬦ᭄᭟᭐᭟ᬩᬳᬦᬮᬲᬾᬯᬬᬄᬩᬲ᭄ᬓᬮᬯᬲᬦ᭄᭞ᬉᬦ᭄ᬢᬲᬦ᭄ᬜᬦᬾᬲᬭᬸ᭞ᬮᬶᬲᬶᬓᬾᬗ᭄ᬕᬮᬶᬦ᭄ᬢᬸᬂ᭞ᬫᬃᬕᬦᬾ
[᭒᭑ 21 A]
ᬲᬤᬲᬭᬶᬧᬶᬢ᭄᭞ᬩᭂᬮᬶᬕ᭄ᬧᭂᬘᬓᬸᬚᬦ᭄᭞ᬦᬾᬫᭂᬫ᭄ᬩᬄᬗᬫ᭄ᬩᬳᬶᬦ᭄ᬤᬶᬢᬸ᭞ᬫᬕᭀᬳᭀᬓ᭄ᬓᬓᬢᭂᬗᬄ᭞ᬦᬸᬗ᭄ᬓᭂᬤ᭄ᬫᬜᬦ᭄ᬤᬶᬂᬳᬶᬤᬶᬂ᭞ᬳᬤᬢᭀᬩᬢᬸᬜᬍᬓᬓ᭄᭞ᬫᬦᬗ᭄ᬕᭂᬦᬶᬦᬓᬳᬾᬫᬳᬸᬓ᭄᭟
᭐᭟ᬳᬧᬦ᭄ᬢᬸᬯᭂᬤᬾᬕᬶᬲᬶᬦ᭄ᬤᬦᬾᬫᭂᬦᭂᬓᬦ᭄᭞ᬩᬢᬸᬢᭂᬓᭂᬤ᭄ᬤᬶᬤᬸᬳᬸᬃ᭞ᬫᬗ᭄ᬮᬯᬸᬢ᭄ᬓᬢᬸᬓ᭄ᬢᬸᬓ᭄᭞ᬕᬸᬦᬸᬂᬓᬳ᭄ᬬᬗᬦᬾᬍᬯᬶᬄ᭞ᬭᬭᬶᬫᬗᭂᬦ᭄ᬤᬶᬓ᭞ᬤᬦᬾᬗᭂᬲᬾᬗᬶᬦ᭄ᬤᬾᬫᬗ᭄ᬓᬸ᭞ᬩᬋᬂᬳᬚᬓ᭄ᬧ᭄ᬬ
ᬦᬓ᭄᭞ᬦᬫ᭄ᬧᬳᬲᭂᬧᬦᬾᬫ᭄ᬯᬦᬶ᭞ᬦᬾᬮᬸᬄᬫᬦᬫ᭄ᬧᬘᬦᬂ᭞ᬗ᭄ᬮᬯᬸᬢ᭄ᬫᬗᬸᬗ᭄ᬕᬳᬂᬓᬫᬾᬭᬸ᭟᭐᭟ᬢᬦ᭄ᬲᬄᬫᬪᬓ᭄ᬢᬶᬤᬦᬾᬗᬘᭂᬧ᭄ᬪᬝᬭ᭞ᬦᬸᬦᬲ᭄ᬲᬶᬤ᭄ᬤᬭᬳᬬᬸ᭞ᬗᬲ᭄ᬢᬶᬢᬶᬭᬶᬂᬓᬳ᭄ᬬᬸᬦ᭄᭞ᬳ
ᬧᬂᬓᬤᬸᬮᬸᬭᬦ᭄ᬯᬶᬥᬶ᭞ᬤᬾᬫᬗ᭄ᬓᬸᬜᬓ᭄ᬱ᭄ᬬᬂ᭞ᬭᬭᬶᬲ᭄ᬗᬢᬸᬭᬂᬓᬸᬓᬸᬮᬸᬄ᭞ᬫᬯᬥᬄᬲᬗ᭄ᬓᬸᬫᬵᬲ᭄᭞ᬫᬢᬶᬃᬣᬤᬦᬾᬓᬮᬶᬄ᭞ᬫᬪᬓ᭄ᬢᬶᬫᬮᬶᬄᬳᬧᬶᬲᬦ᭄᭞ᬗᬦ᭄ᬢ᭄ᬬᬂᬩᬸᬤᬮ᭄ᬫᬓᬭᭀᬦ᭄ᬫᬦ᭄ᬢᬸᬓ᭄᭟
Kaca:Bali-lontar-kidung-dampati-lalangon-01-300ppi.pdf/21
Kaca puniki sampun kauji-wacén
