[᭑᭙ 19 B]
ᬓᬂ᭞ᬢᬶᬢ᭄ᬬᬂᬕᬸᬲ᭄ᬢᬶᬢᭂᬓᭂᬤ᭄ᬤᬶᬢᬸ᭞ᬮᬫᬸᬦ᭄ᬢ᭄ᬯᬄᬫᬫᬸᬮ᭞ᬚᬯᬫᬧᬸᬓᬾᬚᬮᬶ᭞ᬮᬫᬸᬦ᭄ᬢ᭄ᬯᬄᬦᬸᬦᭂᬗ᭄ᬕᬮ᭞ᬦ᭄ᬤᬸᬕᬫᬜᬶᬬᬾᬦ᭄ᬢ᭄ᬯᬭᬦᬦ᭄ᬤᬸᬃ᭟᭐᭟ᬫᬉᬘᬧᬦ᭄ᬢᬶᬢ᭄ᬬᬂᬧᬮᬶᬂᬧᬢᬶᬲᬫ᭄ᬩᬢ᭄᭞ᬢ᭄ᬯᬭᬓᭀᬲᭂᬤᭂᬂᬧᬸᬧᬸ᭞
ᬚᬵᬢᬶᬳᬶᬭᬶᬳᬢᬶᬧᭂᬗ᭄ᬓᬸᬂ᭞ᬓᬤᬸᬓ᭄ᬤᭂᬫᭂᬦ᭄ᬩᬾᬦ᭄ᬫᬮᬮᬶ᭞ᬫᬧᭂᬢᭂᬂᬧᭂᬢᭂᬗᬦ᭄᭞ᬲᬶᬗᬯᬾᬲᬓᬭᬶᬂᬩᬸᬲᬸᬄ᭞ᬓᬧᭀᬢ᭄ᬯᬄᬳᬶᬫᬶᬭᬄ᭞ᬦᬾᬳᬶᬭᬶᬂᬢᬶᬢ᭄ᬬᬂᬫ᭄ᬭᬶᬓᬶ᭞ᬲᬫᬦ᭄ᬬᬢᬫ᭄ᬩᬸᬮᬶᬮᬶᬗᬦ᭄᭞ᬗᬭᬲ᭄ᬲᬭᬷᬤᬶᬕᬸ
ᬦᬸᬂᬯᬶᬪᬸᬄ᭟᭐᭟ᬳᬧᬦ᭄ᬕᬸᬲ᭄ᬢᬶᬩᬸᬗ᭄ᬳᬫᬶᬬᬶᬓ᭄ᬳᬧᬧ᭄ᬬᬢ᭄᭞ᬢᭀᬂᬤᬤᬶᬢᭀᬂᬉᬮᬗᬸᬦ᭄᭞ᬳᬶᬩ᭄ᬭᬵᬳ᭄ᬫᬭᬗᬶᬦ᭄ᬢᬸ᭞ᬫᬸᬮᬤᭂᬫᭂᬦ᭄ᬢᭂᬓᬾᬦ᭄ᬲᬭᬷ᭞ᬧᬶᬤᬦ᭄ᬳᭂᬫᭂᬤ᭄ᬗᬭᬲ᭄᭞ᬩᬸᬗ᭄ᬳᬦᬾᬫᬦᭂᬤᭂᬂᬳᬭᬹᬫ᭄᭞ᬓᬤᬶ
ᬳᬶᬘᬢᬓ᭞ᬢᬶᬩᬾᬦᬸᬚᬦ᭄ᬭᬶᬭᬶᬲ᭄᭞ᬢᬥᬳᬲᬶᬄᬳᬗ᭄ᬕᬕᬡ᭞ᬓᬮᬩᬸᬳᬦ᭄ᬩᬮᬦᬸᬮᬗᬸᬦ᭄᭟᭐᭟ᬲᬧᬸᬦᬶᬓᬕᬸᬲ᭄ᬢᬶᬦᬸᬦᬲ᭄ᬓᬾᬫᬫᬃᬕ᭄ᬕ᭞ᬢᬶᬢ᭄ᬬᬂᬦᬸᬦ᭄ᬢᬸᬦᬶᬭᬢᬸ᭞ᬳᬧᬂᬤᬓᬢᬜ᭄ᬚᬸᬂ᭞ᬮᬶᬲᬶ
[᭒᭐ 20 A]
ᬓᬾᬤᬾᬯᬫᬃᬕ᭄ᬕᬶᬦᬶᬦ᭄᭞ᬩᬢᬸᬦᬾᬩᬲ᭄ᬭᬗᬧ᭄᭞ᬦ᭄ᬤᬾᬦ᭄ᬜᭂᬦ᭄ᬓᬦᬶᬦ᭄ᬕᬸᬲ᭄ᬢᬶᬭᬸᬦ᭄ᬢᬸᬄ᭞ᬢᬸᬫᬸᬮᬶᬫᬚᬮᬦ᭄᭞ᬗᭂᬓᭂᬓ᭄ᬗ᭄ᬕᬶᬲᬶᬓᬓᬶᬜ᭄ᬘᬶᬂ᭞ᬳᬶᬬᬬᬸᬗᬦ᭄ᬢᭂᬕ᭄ᬜᭀᬕᭀᬓᬂ᭞ᬫᬜ᭄ᬚᭂᬮᬧᬂᬤᬦᬾᬜ᭄ᬚᬳᬸᬦᬸᬓ᭄
᭟᭐᭟ᬧᬦ᭄ᬢᭂᬲ᭄ᬲᬶᬩᬶᬓᬲᬂᬢ᭄ᬯᬄᬓᬫᬸᬮᬦ᭄ᬫᭂᬮᬄ᭞ᬲᬧᬭᬶᬧᭀᬮᬳ᭄ᬩᬕᬸᬲ᭄᭞ᬗᬸᬯᬸᬳᬶᬦ᭄ᬓᬳ᭄ᬬᬸᬦ᭄ᬓᬳ᭄ᬬᬸᬦ᭄᭞ᬧᬫᬸᬮᬸᬦᬾᬍᬫ᭄ᬧᬸᬂᬕᬥᬶᬂ᭞ᬜᬮᬂᬓᬲᬸᬦ᭄ᬤᬭᬦ᭄᭞ᬩᬳᬦ᭄ᬲᬹᬃᬬ᭄ᬬᬦᬾᬲᬾᬂ
ᬓᬯᬸᬄ᭞ᬭᬲᬜᬧ᭄ᬭᬮᬶᬦ᭞ᬓᬳ᭄ᬬᬸᬦ᭄ᬤᬦᬾᬦᬾᬗᬓ᭄ᬱᬶ᭞ᬳᬶᬬᬬᬸᬓᬧᬤᬧ᭞ᬮᬬᬸᬲᬗ᭄ᬓᬦ᭄ᬫᬦ᭄ᬤᬸᬤᬸᬢ᭄ᬓᬳ᭄ᬬᬸᬦ᭄᭟᭐᭟ᬮᬶᬯᬢ᭄ᬫᬃᬕ᭄ᬕᬦᬾᬲᭂᬗ᭄ᬓᬦᬸᬦᬸᬯᬸᬢ᭄ᬧᬭᬗᬦ᭄᭞ᬫᬚᬮᬦ᭄ᬮᬮᬶ
ᬮᬦ᭄ᬤᬸᬄ᭞ᬤᬶᬩᬶᬬᬲᬾᬳᬮᬸᬲ᭄᭞ᬦᬾᬧᭂᬘᬓ᭄ᬮᬜ᭄ᬘᬄᬬᬾᬄᬧᬲᬶᬄ᭞ᬧᬓᬜᬶᬢ᭄ᬜᬶᬢ᭄ᬗᭂᬦᬄ᭞ᬦᬫᬸᬦᬫᬸᬦᬾᬢᭀᬤᬶᬢᬸ᭞ᬭᬲᬜᬫᬢᬸᬭᬦ᭄᭞ᬧᬲᬶᬳᬾᬯᬶᬦ᭄ᬢᭂᬦᬼᬯᬶᬄ᭞ᬕᬸᬦᬸᬂᬓ
Kaca:Bali-lontar-kidung-dampati-lalangon-01-300ppi.pdf/20
Kaca puniki sampun kauji-wacén
