[᭑᭑ 11 B]
ᬮᬗᬸᬮᬶᬄ᭞ᬮᬸᬯᬲ᭄ᬫᬓᬓᬭᬂ᭞ᬲᭀᬂᬓᬤᬸᬗᬸᬦᬾᬩᬲ᭄ᬮᬶᬬᬸ᭞ᬫᬓᬢᬶᬩᬸᬩᬸᬗᬦ᭄᭞ᬕᬸᬕᬸ᭠ᬫᬸᬓ᭄ᬜᬦᬾᬫᬸᬦ᭄ᬢᬶᬓ᭄᭞ᬧᬮᬸᬤᬾᬧᬥᬜ᭄ᬚᬸᬗᬗᬄ᭞ᬧᬓᬋᬧ᭄ᬯᬓ᭄ᬫᬫᬸᬜᬶᬫᬸᬯᬸᬕ᭄᭟᭐᭟ᬩᬦᭀ
ᬦᬾᬧᬥᬭᬗ᭄ᬕᬄᬳᬓᬳᬾᬓᬄᬓᬄ᭞ᬩᬮᭀᬮᭀᬢᭂᬦ᭄ᬓᬲᬦ᭄ᬤᬸᬢ᭄᭞ᬤᬶᬧᬲᬶᬳᬾᬩᬩᬸᬓ᭄᭞ᬩᬍᬢᬾᬤᬶᬢᬸᬫᬜᬦ᭄ᬤᬶᬂ᭞ᬗᭂᬦᬄᬫᬘᬭᬗ᭄ᬘᬂ᭞ᬓᬸᬝᬫᭂᬲᬶᬃᬜᬦᬾᬮᬸᬯᬸᬂ᭞ᬫᬶᬭᬶᬩ᭄ᬧᬲᬗ᭄ᬕ᭄ᬭᬳᬦ᭄᭞ᬫᬲᬸ
ᬢᭂᬭᬜ᭄ᬘᬓ᭄ᬲᬚᬶ᭞ᬮᬶᬫᬸᬢᬾᬲᬯᬂᬩᬮᬾᬦ᭄ᬬ᭞ᬤᬤᬶᬭᬳᬩᬺᬋᬩᬾᬗᬺᬫ᭄ᬩᬸᬦ᭄᭟᭐᭟ᬮᬾᬦ᭄ᬳᭂᬦ᭄ᬢᭀᬳᬤᬕᬸᬫᬶᬘᭂᬦᬶᬓ᭄ᬤᬤᬶᬤᬾᬰ᭞ᬧᬳᭂᬓ᭄ᬫᬜᬦ᭄ᬤᬶᬂᬕᬸᬦᬸᬂ᭞ᬳᬗᬶᬦ᭄ᬤᬳᬢ᭄ᬲᬭᬸ᭞ᬫᬢ᭄ᬭᬫᬢ᭄ᬭᬬᬾᬦᬶᬯᬲᬶ
ᬦ᭄᭞ᬢᬸᬯᬶᬗᭂᬦᬄᬳᬶᬮᬂ᭞ᬬᬾᬦ᭄ᬭᬍᬓ᭄ᬢᭂᬓ᭄ᬦᬫᬸᬦᬫᬸ᭞ᬩᬸᬓᬤᬶᬧᬗᬶᬧ᭄ᬬᬦ᭄᭞ᬭᬲᬦ᭄ᬬᬢ᭄ᬯᬭᬤᬶᬦᬶ᭞ᬫᬳᬶᬭᬶᬩ᭄ᬲᬸᬩᬗ᭄ᬕᬕᬡ᭄᭞ᬚᭀᬄᬤᬶᬮᬗᬶᬢᬾᬗᬶᬂᬬᬲᬸᬩᬤᬶᬢᬸ᭟᭐᭟ᬧᬦ᭄ᬢᭂᬲ᭄ᬢᬸᬯᬄᬗᬶᬫ᭄ᬩᬸᬳᬶ
[᭑᭒ 12 A]
ᬫ᭄ᬩᬸᬳᬶᬦᬼᬗᭃᬗᬦ᭄᭞ᬓᬮᬗᭂᬦᬾᬩᬲ᭄ᬮᬶᬬᬸ᭞ᬳᬤᬯᭀᬮᬾᬦ᭄ᬕᬸᬦᬸᬂ᭞ᬜᬦ᭄ᬤᬶᬂᬢᬫᬦ᭄ᬢᬸᬳᬸᬭᬯᬶᬢ᭄᭞ᬫᬳᬶᬲᬶᬢᬮᬕ᭞ᬫᬧᬜ᭄ᬘᭀᬭᬦ᭄ᬦᬵᬕᬫᬗ᭄ᬲᬸᬮ᭄᭞ᬗ᭄ᬕᭂᬮᬄᬧᬓᬸᬦ᭄ᬤᬬᬦ᭄᭞ᬫᬚᬮᬢᬸᬦ᭄ᬤ᭄ᬯᬧᬲ᭄ᬢᬶ᭞ᬳ᭄ᬦᬓ᭠
ᬦᬸᬮᬶᬤᬶᬲ᭄ᬯᬃᬕ᭄ᬕᬦ᭄᭞ᬧᬲᬶᬭᬫᬦ᭄ᬥ᭄ᬥᬥᬭᬷᬦᬸᬭᬸᬦ᭄᭟᭐᭟ᬢᬸᬜ᭄ᬚᬸᬗᬾᬢ᭄ᬯᬭᬦᭂᬮᬕᬶᬦ᭄ᬲᬳᬶᬓᭂᬫ᭄ᬩᬂ᭞ᬦᬾᬩᬭᬓ᭄ᬜᬦ᭄ᬤᬶᬂᬪᬷᬭᬸ᭞ᬢᬸᬯᬶᬢ᭄ᬯᬄᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬦᬾᬧᬸᬢᬶᬄᬫᬲᬲᬷᬓᬸᬦᬷᬂ᭞ᬫᬦᭀᬗᭀ
ᬲ᭄ᬤᬶᬢᭂᬗᬄ᭞ᬢᬮᬕᬦᬾᬳᭂᬫᬦᬶᬂᬪᬷᬭᬸ᭞ᬫᬧᬭᬶᬕᬶᬳᬢᬧ᭄᭞ᬩᬢᬸᬧᬭᬲ᭄ᬫᬧᬶᬦ᭄ᬢ᭞ᬫᬓᬮᬸᬳᬸᬂᬩᬢᬸᬧᬶᬮᬄ᭞ᬳᬧᬦᬸᬭᬸᬲᬦ᭄ᬬᬢᬢᭂᬮᬸ᭟᭐᭟ᬗᭂᬘᭀᬓᬶᬦ᭄ᬩᬸᬗ᭄ᬳᬦᬾᬤᬶᬢᬸᬫᬳᬶᬍ᭠
ᬳᬦ᭄᭞ᬳᭀᬜᬢᭂᬦᬓᬮᬫ᭄ᬧᬸᬄ᭞ᬢᬸᬯᬶᬗᭂᬦᬄᬮᬸᬳᬸᬂ᭞ᬘᬫ᭄ᬧᬓᬦᬾᬗᬮᬶᬓ᭠ᬮᬶᬓ᭄᭞ᬗᭂᬦᬄᬤᬶᬧᬸᬜᬦ᭄ᬬ᭞ᬧᬮᭀᬦ᭄ᬤᭀᬄᬳᬸᬮᬶᬤᬶᬤᬸᬳᬸᬃ᭞ᬇᬭᬶᬩ᭄ᬫᬢᬦ᭄ᬤᬶᬗᬦ᭄᭞ᬦᬾᬧᬸᬢᬶᬄᬩ
Kaca:Bali-lontar-kidung-dampati-lalangon-01-300ppi.pdf/12
Kaca puniki sampun kauji-wacén
