[᭑᭐ 10 B]
ᬰ᭄ᬫᬶᬦ᭄᭞ᬫᬳᬯᬶᬦᬦ᭄ᬓᬵᬭᬲ᭄᭞ᬦᬾᬍᬫ᭄ᬩᬸᬢ᭄ᬫ᭄ᬯᬄᬢᬦᬄᬕᬭᬸᬂ᭞ᬗ᭄ᬮᬯᬸᬢ᭄ᬫᬲᬸᬲᬸᬧᬦ᭄᭞ᬦᬸᬯᬸᬢ᭄ᬲᬾᬮ᭄ᬯᬦ᭄ᬧᬲᬶᬲᬶ᭞ᬜ᭄ᬚᬄᬚᬄᬓᬮᬗᭃᬦᬾᬫᭂᬮᬄ᭞ᬳᬧᬦ᭄ᬫᬲᬦ᭄ᬩᬸᬗ᭄ᬳᬦᬾᬳᬭᬹᬫ᭄᭟᭐᭟ᬲᬸᬩ
ᬲᬯᬢ᭄ᬩᭂᬦᭂᬄᬓᬗᬶᬦ᭄ᬗᬮᬶᬯᬢ᭄ᬲᭀᬯᬦ᭄᭞ᬜᬦ᭄ᬤᬶᬂᬳᬮᬲ᭄ᬫ᭄ᬯᬄᬕᬸᬦᬸᬂ᭞ᬫᭂᬕᬢ᭄ᬧᬮᬸᬄᬧᬮᬸᬄ᭞ᬧᬲᬶᬳᬾᬧᬲᬂᬗᭂᬫ᭄ᬧᭂᬢᬶᬦ᭄᭞ᬫᬧᬦᬶᬂᬧᬹᬃᬡ᭄ᬦᬫ᭞ᬓᭂᬩᭂᬓ᭄ᬫᬦᭂᬫᭀᬦᬶᬦ᭄ᬭᬸᬧᬸᬢ᭄᭞ᬜᬭᬦ᭄ᬢᬾᬦ᭄ᬤᬶᬚᬮ
ᬦ᭄᭞ᬯᬵᬲ᭄ᬢ᭄ᬭᬦ᭄ᬤᬦᬾᬍᬘᬶᬕ᭄᭞ᬩᬸᬲᬦ᭄ᬩᬸᬲᬦ᭄ᬫᬘᬶᬂᬘᬶᬗᬦ᭄᭞ᬫᬲᬶᬄᬗ᭄ᬕᬯᬾᬤᭂᬫᭂᬦ᭄ᬫᬢᬸᬦ᭄ᬢᬸᬦ᭄᭟᭐᭟ᬤᬶᬧᬭᬗᬦᬾᬫᬗᬶᬮ᭄ᬕᬶᬮ᭄ᬫᬭᬭ᭄ᬬᬦᬦ᭄᭞ᬧᬦ᭄ᬤᬦ᭄ᬭᬗ᭄ᬓᬦᬾᬗᬸᬗ᭄ᬓᬸᬮ᭄᭞ᬢᬸᬃᬫᬜᬦ᭄ᬤᬶᬂᬧᬭᬸᬂ
᭞ᬫᬕᭀᬳᭀᬓ᭄ᬕᭀᬳᭀᬓᬦ᭄ᬲ᭄ᬭᬶᬧᬶᬢ᭄᭞ᬓᭂᬦᬓᬮᬜ᭄ᬘᬳᬦ᭄᭞ᬩᬳᬦᭀᬫ᭄ᬩᬓᬾᬫᬦᬩᬸᬃ᭞ᬫᬸᬜ᭄ᬘ᭄ᬭᬢ᭄ᬧᬲᬫ᭄ᬩᬸᬭᬢ᭄᭞ᬓᬸᬯᬸᬂᬓᬸᬯᬸᬗᬾᬭᬯᬶᬢ᭄᭞ᬢᬾᬚᬦ᭄ᬜᬦᬾᬫᬢ᭄ᬭᬫᬢ᭄ᬭ᭞ᬗᬩ
[᭑᭑ 11 A]
ᬧ᭄ᬭᬪᬯᬦᬦᬓᬬᬸ᭟᭐᭟ᬳᭂᬦ᭄ᬢᭀᬗᬯᬸᬯᬸᬳᬶᬓᬮᬗᭃᬦᬾᬫᭂᬮᬄ᭞ᬩᬸᬓᬫᬫᬸᬗᬸᬫᬸᬗᬸ᭞ᬲᬂᬫᬓᬭᭀᬦ᭄ᬮᬸᬮᬸᬢ᭄᭞ᬕᬺᬳᬾᬫᬶᬮᬸᬦ᭄ᬤᬸᬮᬸᬭᬶᬦ᭄᭞ᬲᬓᬢᭀᬦᬾᬢᬶᬗ᭄ᬕᬃ᭞ᬫ
ᬲᬾᬮᭀᬓ᭄ᬲᬾᬮᭀᬓᬦ᭄ᬮᬸᬳᬸᬂ᭞ᬫᭂᬕᬢᬶᬦᬭᬸᬗᬦ᭄᭞ᬧᬲᬩᬦ᭄ᬚᬸᬓᬸᬂᬫᬜ᭄ᬘᬶᬂ᭞ᬫᬫ᭄ᬮᬲ᭄ᬦᬸᬯᬸᬢ᭄ᬢᬶᬗ᭄ᬕᬳᬦ᭄᭞ᬳᬧᬦ᭄ᬢᬸᬓᬤ᭄ᬜᬦᬾᬩᬲ᭄ᬮᬶᬬᬸ᭟᭐᭟ᬫᬕᬶᬮᬶᬕᬶᬮ᭄ᬬᬗᬶᬮᬶᬦᬾᬫᬚᬚᬃ᭞ᬚᬚ
ᬭᬦ᭄ᬜᬦᬾᬮᬗᬹ᭞ᬫᬗᬸᬮᬦᬶᬦ᭄ᬓᬳ᭄ᬬᬸᬦ᭄᭞ᬓᬓᬬᭀᬦ᭄ᬓᬬᬸᬦᬾᬭᬯᬶᬢ᭄᭞ᬭᬯ᭠ᬦᬾᬤᬶᬢᬸᬩᭂᬲ᭄ᬮᬶᬬᬸ᭞ᬢᭂᬗᭂᬳᬾᬤᬶᬢᬸᬩᭂᬲ᭄ᬮᬶᬬᬸ᭞ᬮᬶᬬᬸᬦᬦ᭄ᬫᬩᬩᬓ᭄᭞ᬩᬭᬓ᭄ᬫᬧ᭄ᬮᬸᬢ᭄ᬲᭂᬮᬶᬂ᭞ᬲᭂᬍ
ᬫ᭄ᬫᬦᭂᬗᭂᬃᬦᬾᬜ᭄ᬘ᭄ᬫ᭄ᬧᬂ᭞ᬤᬶᬧᬗᬦᬾᬳᭂᬢᬸᬄᬫᬚᭂᬫᬸᬄ᭟᭐᭟ᬧᬤᬓᬾᬗᬮᬢᬓ᭄ᬧᬥᬧᬥᬮᬦ᭄ᬥᬓ᭄᭞ᬳᬸᬬᬄᬜᬦᬾᬫᬗᭂᬢᬸᬄ᭞ᬤᬶᬢᬦᬳᬾᬜᬫ᭄ᬧᬸᬄ᭞ᬢᬫ᭄ᬧᬓ᭄ᬩᬸᬭᭀᬦ᭄ᬩᬸ
Kaca:Bali-lontar-kidung-dampati-lalangon-01-300ppi.pdf/11
Kaca puniki sampun kauji-wacén
