᭕[5b]ᬭᬘᬸᬘᬸᬧᬸᬭᬦ᭄ᬢᬶ᭞ᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬢᬲᬶᬭᬳᬶᬗᬓᬸᬳᬮᬲ᭄ᬤᬾᬦᬶᬭᬕᭂᬦᬸᬓ᭄ᬩᬸᬦ᭄ᬢᬸ᭞ᬳᬮᬯᬲᬶᬭᬳᬦᬾᬂᬓᬭᬸᬫᬦ᭄ᬳᬦ᭄ᬳᬧᬢᬸᬢ᭄ᬲᬶᬭᬓᬮᬯᬦ᭄ᬧᬭᬧᬜ᭄ᬚᬶᬓᬩᬾᬄ᭞ᬤᭀᬦᬶᬭᬓᬾᬦ᭄ᬳᬗ᭄ᬭᭀᬓ᭄ᬲᬄᬲ
ᬓᬾᬂᬓᬭᬸᬫᬦ᭄᭞ᬢᬸᬫᬸᬮᬶᬲᬶᬫᬭᬶᬂᬓᬧᬸᬡ᭄ᬟᬸᬗᬦ᭄᭞ᬳᬫᬗ᭄ᬕᬶᬄᬲᬶᬭᬭᬭᬬ᭄ᬬᬵᬗᭀᬦ᭄᭞ᬳᬦᬓᬶᬭᬢᬸᬳᬦ᭄ᬲᬳᬚ᭞ᬗᬸᬬᬸᬢᬶᬂᬲᬕᭂᬗ᭄ᬕᭂᬂ᭞ᬳᬭᬦ᭄ᬲᬶᬭᬢᬸᬳᬦ᭄ᬢᬶᬢ᭞ᬳᬧᬲᬦᬓᬦ᭄ᬓᬮᬯᬦ᭄ᬲᬶᬭᬓᬾᬦ᭄ᬳᬗ᭄ᬭᭀ
ᬓ᭄᭞ᬳᬢ᭄ᬬᬦ᭄ᬢᬤᬾᬦᬶᬂᬧᬟᬲᬶᬄᬲᬶᬳᬦ᭄ᬲᬶᬭᬢᬸᬳᬦ᭄ᬢᬶᬢ᭞ᬓᬮᬯᬦ᭄ᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬳᬢᭂᬳᭂᬃᬳᬗ᭄ᬳᬾᬃᬲᬶᬭᬭᬶᬂᬲᬶᬭᬢᬸᬳᬦ᭄᭞ᬲᬳᬚ᭞ᬢᬦ᭄ᬳᬦᬯᬶᬳᬢᬦᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬓᬮᬯᬦ᭄ᬲᬶᬭᬢᬸ
ᬳᬦ᭄᭞ᬢᬶᬢ᭞ᬳᬋᬧ᭄ᬢᬲᬶᬭᬯᬶᬓᬦᬭᬶᬂᬭᬹᬧᬦᬶᬂᬅᬓ᭄ᬱᬭ᭞ᬫᬭᬲᬶᬭᬭᬶᬂᬚᬗ᭄ᬕᬓᬶᬂᬲᬕᭂᬗ᭄ᬕᭂᬂ᭞ᬳᬢᬶᬳᬫᬭᬓᬚᬳ᭞ᬳᬫᬮᬓᬸᬯᬶᬦᬭᬳᬦ᭄ᬰᬵᬲ᭄ᬢ᭄ᬭ᭞ᬬᬢᬯᬶᬦᬭᬳᬦ᭄ᬲᬶᬭᬭᬶᬂᬅᬓ᭄ᬱᬭ᭞ᬮᬯᬦ᭄ᬧᬦᬸᬚᬸᬦᬶᬂᬲ᭄ᬯ
᭖[6A] ᬭᬯ᭄ᬬᬜ᭄ᬚᬦᬰᬲ᭄ᬢ᭄ᬭᬰᬲ᭄ᬢ᭄ᬭᬤ᭄ᬟᬶᬦᬶᬂᬅᬓ᭄ᬱᬭ᭞ᬯᬶᬦᬭᬄᬲᬶᬭᬭᬶᬂᬭᬹᬧᬲᬦ᭄ᬤ᭄ᬭ᭟ᬓᬧᭂᬕᬢᬭᬶᬂᬢᬣᬶᬫᬲ᭞ᬮᬯᬦ᭄ᬲᬓᬵᬮᬲᬤ᭄ᬯᬭ᭞ᬳᬱ᭄ᬝᬯᬭ᭞ᬩᬶᬲᬲᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬓᬮᬯᬦ᭄ᬲᬶᬭᬢᬸᬳᬦ᭄ᬢᬶ
ᬢ᭞ᬓᬮᬶᬄᬲᬫᬯᬶᬦᬭᬦ᭄ᬤᬾᬦᬶᬭᬚᬗ᭄ᬕᬦᬶᬂᬰᬲ᭄ᬢ᭄ᬭ᭞ᬳᬦᬢᬢᬢᬦᭂᬫᬦᬶᬭᬚᬗᬦ᭄᭞ᬳᬸᬧᬘᬵᬭᬦᬶᬂᬦᬢᬃ᭞ᬯᬢᬶᬂᬚᬫ᭄ᬩᬸᬳᭀᬮᬶᬄᬦᬶᬭᬳᬦᬦᭂᬫ᭄᭞ᬳᬢᬶᬳᬦ᭄ᬢᬤᬾᬦᬶᬧᬸᬦ᭄ᬳᬯᭀᬄᬢᬸᬳᬸᬦᬶᬂᬳᬢᬸᬩ᭄ᬳᬦ᭄ᬟᭂᬂ
ᬧᬶᬦᬶᬗᬶᬢ᭄᭞ᬢᬦ᭄ᬳᬦᬯᬶᬦᬾᬳᬗᬸᬡ᭄ᬟᬸᬳ᭞ᬦᭀᬭᬳᬤᬣᬦᬶᬳᬫᬾᬢᬯᭀᬳᬶᬂᬚᬫ᭄ᬩᬸᬧᬸᬦᬶᬓ᭞ᬮᬶᬗᬶᬭᬚᬗᬦ᭄᭞ᬮᬫᬸᬦ᭄ᬭᬢᭂᬂᬚᬫ᭄ᬩᬸᬳᬶᬓᬸᬳᬸᬡ᭄ᬟᬸᬳᭂᬦ᭄᭞ᬤᬳᬢ᭄ᬤᬾᬦᬶᬭᬓᬧᬾᬗᬶᬦ᭄ᬲᬶᬭᬓᬾᬦ᭄ᬳᬗ᭄ᬭᭀ
ᬓ᭄ᬢᬸᬫᭀᬦᬶᬂᬯᭀᬳᬶᬂᬚᬫ᭄ᬩᬸᬧᬸᬦᬶᬓ᭞ᬫᬓᬓᬘᬶᬢ᭄ᬢᬯᭀᬳᬶᬂᬚᬫ᭄ᬩᬸᬧᬸᬦᬶᬓ᭞ᬢᭂᬓᬵᬦᬶᬂᬭᬢ᭄ᬭᬶ᭞ᬫᬲᬲᬶᬋᬧᬶᬂᬯ᭄ᬯᭀᬂᬳᬢᬸᬭᬹ᭞ᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬲᬶᬭᬳᬢᬸᬭᬹ᭞ᬫᬗ᭄ᬓᬶᬦ᭄ᬢᬮᬮᬯᬫᭂᬢᬸᬲᬓᬶᬂᬯᬸᬯᬸᬦᬦᬶᬭ
Kaca:Bali-lontar-ken-angrok-300ppi.pdf/6
Kaca punika durung kauji-waca
