[ 4B]
ᬮᬯᭀᬮᬸᬗᬶᬯᬸᬭᬶᬂᬲᬧᬲᬂ᭞ᬳᬶᬗᬸᬫᬦᬸᬫᬦ᭄ᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬤᬾᬦᬶᬂᬭᬵᬫᬭᬾᬡᬓᬮᬶᬄ᭞ᬮᬄᬓᬓᬶᬮᬶᬲᬸᬦ᭄ᬳᬦᬸᬗ᭄ᬕᬸᬳᬓᬮᬶᬄᬮᬫᬸᬦ᭄ᬲᬶᬭᬳᬚᬮᬸᬗ᭄ᬕ᭞ᬳᬶᬲᬸᬦ᭄ᬳᬸᬕᬳᬦᬸᬗ᭄ᬕᭀᬦᬦᬭᬶᬂᬲᬶᬭᬫᬡ᭄ᬥᬮᬭᬶᬂ
ᬗ᭄ᬤᬩᬓ᭄᭟ᬯᭂᬓᬲᬦ᭄ᬮᬸᬗ᭄ᬳᬵᬲᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬓᬭᬶᬲᬶᬭᬭᬵᬫᬦᬶᬭᬓᬮᬶᬄᬭᬶᬂᬘᬫ᭄ᬧᬭ᭞ᬢᬸᬫᬸᬮᬶᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬳᬗᬸᬗ᭄ᬰᬶᬭᬶᬂᬓᬧᬸᬡ᭄ᬥᬸᬗᬦ᭄᭟ᬢᬦ᭄ᬧᬯᬶᬮᬲᬓᬂᬳᬶᬗᬸᬗ᭄ᬰᬶᬧᬺᬦᬄᬳᬶᬗᬗᬾᬃᬗᬾᬃ᭞
ᬯᭀᬦ᭄ᬢᭂᬦ᭄ᬢᬩᬩᭀᬳᬾᬄᬲᬚᬶᬲᬓᬶᬂᬓᬭᬸᬫᬦ᭄᭞ᬳᬭᬦ᭄ᬲᬶᬭᬗᬗᭀᬲᬫ᭄ᬧᬭᬦ᭄᭞ᬳᬮᬳᬢᭀᬳᬦ᭄ᬤᬾᬦᬶᬭᬫᬮᬦ᭄ᬤᬶᬗᬶᬂᬓᬭᬸᬫᬦ᭄᭞ᬢᬶᬦᬕᬶᬄᬢᬦ᭄ᬧᬗᭂᬫᬲᬶ᭞ᬲᬄᬲᬶᬭᬩᬗᭀᬲᬫ᭄ᬧᬭᬦ᭄ᬲ
ᬳᬶᬂᬓᬭᬸᬫᬦ᭄᭞ᬳᬦᬦᬓ᭄ᬢᬶᬭᬶᬂᬭᬦᬩᬸᬢ᭄ᬘᬮᬸ᭞ᬳᬗᬺᬗᭃᬳᬸᬚᬃᬲᬓᬶᬂᬅᬓᬰ᭞ᬓᬶᬦᭀᬦ᭄ᬫᬮᬶᬳᬫᬭᬶᬂᬓᬭᬸᬫᬦ᭄ᬫᬦᬶᬄ᭞ᬳᬦᬳᬦᬓ᭄ᬫᬫᬶᬳᬗᬸᬯᬸᬲᬓᭂᬦᬳᬸᬢᬂᬢ᭞ᬳᬭᬦ᭄ᬲᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬲᬄᬲᬶ
[᭕ 5A]
ᬭᬩᬗᭀᬲᬫ᭄ᬧᬭᬦ᭄ᬲᬓᬶᬂᬭᬩᬸᬢ᭄ᬢᬮᬸ᭞ᬮᬸᬫᬫ᭄ᬧᬄᬲᬭᬢ᭄ᬭᬶᬤᬤᬶᬳᬫᬗ᭄ᬕᬶᬄᬭᬭᬾ᭞ᬓᬳᬶᬢᬂᬯᬶᬥᬶᬦᬶᬂᬳ᭄ᬬᬂᬤᬾᬦᬶᬭᬩᬗᭀᬲᬫ᭄ᬧᬭᬦ᭄ᬲᬶᬗ᭄ᬕᬶᬄᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬩᬦᬓ᭄ᬢᬫᬦ᭄ᬢᬸᬓ᭄ᬫᬭᬶᬂᬓᬭᬸᬫᬦ᭄᭞ᬳᬶᬗᬓᬸᬯᭂ
ᬓᬤᬾᬦᬶᬭᬩᬗᭀᬲᬫ᭄ᬧᬭᬦ᭄᭞ᬳᬦᬸᬮᬶᬫᬭᬶᬂᬓᬩᭀᬢᭀᬢᬦ᭄᭟ᬓᬧᬗ᭄ᬕᬶᬄᬲᬶᬭᬫᬮᬦ᭄ᬤᬂᬤᬾᬦᬶᬭᬩᬗᭀᬲᬫ᭄ᬧᬭᬦ᭄ᬮᬶᬦᬯᬦᬢᭀᬢᭀᬕᬦ᭄ᬳᬮᬄᬲᬶᬭᬫᬮᬦ᭄ᬤᬂ᭞ᬧᬸᬮᬶᬄᬓᬮᬄᬲᬶᬭᬩᬗᭀ
ᬲᬫ᭄ᬧᬭᬦ᭄᭞ᬢᬸᬳᬸᬬᬦ᭄ᬯᬶᬥᬶᬦᬶᬂᬳ᭄ᬬᬂ᭞ᬫᬦ᭄ᬢᬸᬓ᭄ᬲᬶᬭᬩᬗᭀᬲᬫ᭄ᬧᬭᬦ᭄᭞ᬩᬶᬦᬓ᭄ᬢᬫᬦ᭄ᬢᬸᬓ᭄ᬲᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬤᬾᬲᬶᬭᬩᬗᭀᬲᬫ᭄ᬧᬭᬦ᭄᭞ᬲᬶᬭᬩᬗᭀᬲᬫ᭄ᬧᬭᬦ᭄ᬲᬶᬭᬯᬬᬸᬳᬗᬮᬧ᭄ᬥᭀ᭞
ᬲᬶᬭᬕᭂᬦᬸᬓ᭄ᬭᬩᬶᬢᬸᬳ᭞ᬲᬶᬭᬢᬶᬃᬱᬚᬵᬭᬩᬶᬳᬦᭀᬫ᭄᭞ᬳᬦᬳᬦᬓᬶᬭᬧᬜ᭄ᬘᬶᬩᬯᬸᬢ᭄᭞ᬧᬗ᭄ᬕᬸᬮᬸᬲᬶᬭᬧᬜ᭄ᬘᬶᬓᬸᬜ᭄ᬘ᭞ᬳᬭᬶᬦᬶᬭᬧᬜ᭄ᬘᬶᬓᬸᬩᬮ᭄᭟ᬲᬶᬭᬧᬜ᭄ᬘᬶᬓᭂᬦᬾᬗ᭄ᬓᬸᬂ᭞ᬯᬸᬭᬸᬚᬸᬯᬤᭀᬦ᭄ᬳᬭᬦ᭄ᬲᬶ
