[ᬍ 2B]
ᬪᬯᬾᬓᬶᬮᬓ᭄ᬱᬡᬦᬶᬓᬵᬓ᭄ᬯᬾᬄᬚᬮ᭄ᬯᬦᬓ᭄ᬦ᭄ᬬᬦ᭄ᬢᭂᬫᬸᬦ᭄᭛ᬬᬦ᭄ᬲ᭄ᬢ᭄ᬭᬶᬚ᭄ᬭᭀᬦᬶᬓᬲᬸᬲ᭄ᬓᬲᬗ᭄ᬓᬝᬵᬧᬦᬹᬢ᭄ᬦᬶᬂᬭᭀᬫᬯᬺᬤ᭄ᬥ᭄ᬬᬵᬦᬸᬓᭂᬭ᭄᭞ᬧ᭄ᬭᬧ᭄ᬢᬾᬧ᭄ᬯᬮ᭄ᬧ᭄ᬯᬮᬦᬵᬮ᭄ᬧᬫᬗ᭄ᬲᬫᬓᭂᬋᬤ᭄ᬤᬸᬃᬮ᭄ᬮᬵᬓ᭄ᬱᬡᬚᬃᬦᬶᬓ᭞ᬫ᭄ᬯᬂᬲ᭄ᬢ᭄ᬭᬷᬫᬵᬬᬸᬭᬧᬶᬡ᭄ᬥᬧᬷᬦᬲᬳᬚᬵ
ᬓᬾᬱᬢᬶᬩᬵᬬ᭄ᬯᬵᬦᬧᬸᬢ᭄᭞ᬬᬦ᭄ᬫᬗ᭄ᬓᬵᬚᬭᬶᬓᬵᬫᬶᬦᬶᬲᬫᬲᬫᬵᬗ᭄ᬤᬾᬤᬸᬄᬓᬃᬤᬹᬮ᭄ᬮᬓ᭄ᬱᬡ᭛᭜᭛ᬳᬦᬯᬦᬶᬢᬵᬮ᭄ᬯᬶᬃᬫᬳᬶᬱᬮᬓᬸᬦ᭄ᬬ᭞ᬳᬦᬓᬦᬶᬮᬫ᭄ᬧᬄᬦᬶᬗᬶᬪᬮᬓᬸᬦ᭄ᬬ᭞ᬳᬦᬲᬸᬫᬫᬾᬂᬳᬗ᭄ᬲᬕᬢᬶᬮᬓᬸᬦ᭄ᬬ᭞ᬢᬦ
ᬫᬦᬯᬂᬯᬳᬶᬲᬫᬮᬓᬸᬦ᭄ᬬ᭚ᬳᬦᬫᬗᬶᬭᬶᬩ᭄ᬕᭀᬧᬢᬶᬮᬓᬸᬦᬶᬲ᭄ᬢ᭄ᬭᬶ᭞ᬳᬦᬬᬦᬸᬫᬶᬫ᭄ᬩᬾᬂᬯᬶᬳᬕᬧ᭄ᬭᬲᬤᬶ᭞ᬳᬦᬬᬤᬶᬫᬗ᭄ᬓᭀᬢ᭄ᬢᬫᬲᬳᬦᬦ᭄ᬬ᭞ᬳᬦᬢᬶᬦᭂᬫᬸᬦ᭄ᬮᬵᬓ᭄ᬱᬡᬦᬶᬓᬤᬶᬯ᭄ᬬ᭛ᬫᬸᬯᬳᬦᬢᬂᬲ᭄ᬢ᭄ᬭᬶᬫᬥᭂ᭠
ᬫᬶᬢᬶᬓᬸᬓ᭄ᬱᬶ᭞ᬮᬶᬢᬸᬳᬬᬸᬲᬓ᭄ᬯᬾᬄᬯ᭄ᬓᬦᬶᬓᬵᬃᬚ᭄ᬚ᭞ᬅᬬᬢᬬᬸᬱᬦ᭄ᬬᬵᬚᬭᬓᬯᬶᬲᬸᬤ᭄ᬥᬵ᭞ᬓᬶᬦ᭠ᬳᬦᬦᬶᬂᬪᭀᬕᬮᬦᬲᬸᬓᬦ᭄ᬬ᭛᭜᭛ᬲ᭄ᬢ᭄ᬭᬷᬬᭀᬢ᭄ᬯᬢᬶᬂᬯ᭄ᬢᬗᬶᬓᬵᬓᬺᬧᬤᬵᬦ᭄ᬢᬮᬸᬫ᭄ᬭ᭞ᬦᬶᬃᬢᬸᬱ᭄ᬝᬓᬵ᭠
[᭓ 3A]
ᬚᬭᬦᬶᬓᬵᬳᭀᬧ᭄ᬯᬮᬦᬵᬤᬭᬶᬤ᭄ᬭ᭞ᬮᬾᬦ᭄ᬫᬵᬮᬢᬶᬂᬯ᭄ᬢᬗᬦᬹᬢᬶᬲᬫᬢ᭄ᬭᬫᬾᬢ᭄ᬭᬶ᭞ᬬᬾᬓᬶᬦ᭄ᬳᬚᬃᬦ᭄ᬬᬫᬦᭂᬫᬸᬂᬲᬸᬓᬢᬦ᭄ᬧᬓᬵᬮ᭛ᬫ᭄ᬯᬂᬢᬂᬲ᭄ᬢ᭄ᬭᬷᬕᭃᬂᬲ᭄ᬣᬦᬦᬶᬓᬾᬭᬶᬢ᭄ᬓᭂᬦ᭄ᬬᬫᬵᬩ᭄ᬯᬢ᭄᭞ᬫᬢ᭄ᬭᬮᬶᬢᬶᬂᬲᬮᬬᬧᬸᬗ᭄ᬲᬲᬸᬢᬦ᭄ᬬᬦᬶᬢ᭄ᬬ᭞
ᬬᬦ᭄ᬫᬩ᭄ᬯᬢᬶᬂᬓᬶᬢᬕᭃᬂᬢᬦᬬᬲ᭄ᬢ᭄ᬭ᭄ᬬᬦᬹᬢ᭄ᬓ᭄ᬯᬾᬄ᭞ᬢᬦ᭄ᬲᭀᬃᬲᬫᬢ᭄ᬭᬕᭂᬗᬶᬓᬶᬦ᭄ᬳᬦᬧᬵᬢ᭄ᬬᬓᬵᬚ᭠ᬭ᭄᭛ᬫᬢ᭄ᬭᬶᬢ᭄ᬫᬮᬶᬢ᭄ᬤᬳᬢᬶᬓᬂᬲ᭄ᬣᬦᬓᬵᬚᬭᬦ᭄ᬬ᭞ᬲᬶᬃᬲᬸᬤ᭄ᬥᬵᬮᬓ᭄ᬱᬡᬦᬶᬓᬵᬢᬶᬲᬬᬾᬂᬤᬭᬶᬤ᭄ᬭᬵ᭞ᬮᬹ
ᬤ᭄ᬫᬵᬮᬶᬢᬶᬂᬲ᭄ᬣᬦᬢᬸᬯᬶᬦ᭄ᬲᬮᬬᬵᬧᬤᭀᬳᬦ᭄᭞ᬩ᭄ᬬᬵᬓ᭄ᬢᬾᬓᬶᬦᬵᬰᬯ᭄ᬓᬦᬵᬕᬲ᭄ᬦᭂᬂᬦ᭄ᬬᬰᬶᬖ᭄ᬭ᭛ᬬᬧ᭄ᬯᬵᬦᬸᬭᭀᬚᬲᬤᬫᬡ᭄ᬥᬫᬕᭂᬂᬫᬩᬸᬦ᭄ᬤᭂᬭ᭄᭞ᬫᬳ᭄ᬭᬶᬢ᭄ᬭᬸᬧᬶᬢ᭄ᬦ᭄ᬬᬫᬩᬸᬓᬵᬢ᭄ᬯᬲᬳᭀᬲ᭄ᬫᬦᭀᬚ᭄ᬜ᭞ᬘᬃᬫ᭄ᬫᬵᬓᬶᬮᬵᬫᬺᬥᬸᬧ᭠
ᬓᭀᬫᬮᬫᬵᬦ᭄ᬯᬫᬵᬃᬚ᭄ᬚ᭞ᬤᬃᬧ᭄ᬧᬵᬦᭂᬫᬸᬂᬲᬸᬓᬲᬤᬵᬗ᭄ᬕᭂᬳᬶᬮᬓ᭄ᬱᬡᬦ᭄ᬬ᭛ᬫᬮ᭄ᬯᬵᬫᬶᬥᬮ᭄ᬕᬶᬕᬶᬭᬶᬓᬂᬯᬦᬶᬢᬵᬦᬶᬭᬵᬃᬚ᭄ᬚ᭞ᬮ᭄ᬬᬦ᭄ᬢᬂᬮ᭄ᬩᬓ᭄ᬮ᭄ᬩᬓᬶᬓᬾᬭᬶᬗᬦᬶᬂᬕᬶᬕᬶᬃᬦ᭄ᬬ᭞ᬭᬶᬂᬫᬥ᭄ᬬᬦᬶᬂᬗᬮᬳᬸᬮᬵᬦᬸᬕᭂᬮᬵᬫ᭄ᬦᭂᬂ᭠
Kaca:Bali-lontar-kakawin-smaratantra-300ppi.pdf/3
Kaca puniki sampun kauji-wacén
