[1B]
᭑᭞
᭚᭜᭚ᬒᬁᬲᬗ᭄ᬳ᭄ᬬᬂ᭟ᬅᬯᬶᬖ᭄ᬦᬫᬲ᭄ᬢᬸᬦᬵᬫᬲᬶᬤ᭄ᬥᬀ᭛᭜᭛ᬲᬂᬲᬵᬫ᭄ᬧᬸᬦ᭄ᬓᬺᬢᬢᬢ᭄ᬯᬦᬶᬂᬯᬶᬱᬬᬲᬸᬤ᭄ᬥᬢᬸᬫᭂᬫᬸᬢᭂᬫᬸᬲᬦ᭄ᬤᬶᬦᬶᬂᬲ᭄ᬫᬭ᭞ᬗ᭄ᬓᬵᬦᬾᬫᬥ᭄ᬬᬦᬶᬓᬂᬢᬶᬮᬫ᭄ᬭᬶᬳᬸᬯᬸᬲᬶᬗ᭄ᬳᬸᬮᬳᬓ᭄ᬦᭂᬭᬶᬲᬧ᭄ᬭᬬᭀᬚᬦ᭞ᬚ᭄ᬜᬵᬡᬵᬦᬸᬲ᭄ᬫᬺᬢᬶᬓᬵ
ᬫᬤᬾᬳᬲᬶᬦᬫᬵᬥᬶᬲᬓᬮᬲᬳᬬᭀᬕᬥᬵᬭᬓ᭞ᬲᬶᬤ᭄ᬤᬵᬫᬗ᭄ᬕᬸᬳᬓᭂᬦ᭄ᬭᬲᬵᬫᬺᬢᬰᬾᬱᬧᬗᬶᬮᬗᬯᬶᬓᬮ᭄ᬬᬓᬵᬭᬡ᭛ᬤᭀᬦ᭄ᬓ᭄ᬯᬵᬗᬲ᭄ᬢᬯᬓᬶᬃᬢ᭄ᬣᬶᬲᬂᬢᬸᬫᭂᬫᬸᬫᬹᬃᬢ᭄ᬢᬶᬦᬶᬗᬢᬦᬸᬲᬶᬦᬸᬓ᭄ᬱ᭄ᬫᬭᬶᬂᬚᬶᬦᭂᬫ᭄᭞ᬢᬦ᭄ᬲ
ᬗ᭄ᬓᬾᬂᬯ᭄ᬭᬸᬳᬦᬸᬓ᭄ᬱ᭄ᬫᬦᬶᬂᬲᬶᬭᬗᬦᬗ᭄ᬕᬲᬢᬢᬓᬳᬦᬦ᭄ᬭᬭᬲ᭄ᬳᬢᬶ᭞ᬅᬗ᭄ᬳᬶᬂᬮᭀᬢ᭄ᬧᬶᬦᬓᬵᬰ᭄ᬭᬬᬾᬂᬳᬺᬤᬬᬢᬦ᭄ᬩ᭄ᬲᬸᬭᬦᬗᬮᬗᭃᬦᬸᬫᬲ᭄ᬣᬦᬵ᭞ᬬᭀᬕ᭄ᬬᬦ᭄ᬫᬗ᭄ᬕᬮᬦᬶᬂᬗ᭄ᬳᬸᬮᬸᬦ᭄ᬫᬶᬓᭂᬢᬮᬓ᭄ᬱᬡᬳᬮᬳᬬᬸᬦᬶᬂᬯᬭᬗ᭄ᬕ᭠
ᬡ᭛ᬭᬶᬂᬯ᭄ᬯᬂᬬᬦ᭄ᬧᬶᬦᬓᭀᬢ᭄ᬢᬫᬾᬂᬓᬸᬮᬯᬶᬤᬕ᭄ᬥᬲᬢᬢᬯᬕᭂᬤᬶᬂᬲ᭄ᬫᬭᬵᬕᬫ᭞ᬬᬧ᭄ᬯᬦ᭄ᬢᬾᬓᬶᬫᬮᬧ᭄ᬯᬥᬹᬚᬦᬲᬫᬲ᭄ᬢᬕᬢᬶᬦᬶᬓᬧᬭᬶᬓ᭄ᬱᬯᬲ᭄ᬯᬲᭂᬦ᭄᭞ᬲᭀᬮᬄᬲᬾᬗᭂᬳᬶᬓᬵᬬ᭄ᬯᬢᬾᬦᬶᬫᬦᬶᬫᬦ᭄ᬳᬮ᭠
[2A]
᭒᭞
ᬳᬬᬸᬦᬶᬗᬸᬮᬄᬦ᭄ᬬᬢᬶᬗ᭄ᬳᬮᬶ᭞ᬬᬦ᭄ᬤᬹᬃᬕ᭄ᬕᬷᬮᬲᬸᬰᬶᬮᬮᬓ᭄ᬱᬡᬦᬶᬓᬾᬗᭂᬢᬓᭂᬦᬶᬓᬫᬯᬾᬄᬓᬲᬲ᭄ᬯᬢᬦ᭄᭞᭛᭜᭛ᬬᬦ᭄ᬭᬶᬂᬲ᭄ᬢ᭄ᬭᬷᬲᬢᬢᬵᬧ᭄ᬯᬘᬜ᭄ᬘᬮᬢᬶᬓᬂᬰ᭄ᬭᭀᬡᬷᬦ᭄ᬬᬦᬶᬢ᭄ᬬᬾᬓᬶᬳᭂᬦ᭄᭞ᬗ᭄ᬓᬵᬦᬾᬗᬶᬗ᭄ᬕᬶᬮᬶᬕᬸᬳ᭄ᬬᬤᬾᬳᬓᬸ
ᬫᭂᬢᭂᬃᬓᬧ᭄ᬯᬵᬦᬸᬮᬸᬬ᭄ᬓᬫ᭄ᬧᬶᬢᬵ᭞ᬫ᭄ᬯᬂᬬᬦ᭄ᬯᬺᬢ᭄ᬣᬶᬦᬶᬓᬵᬗᬮᬶᬦ᭄ᬢᬗᬦᬸᬢᬸᬕ᭄ᬦᬵᬪᬷᬧ᭄ᬭᬫᬓᬾᬗᬦᬦ᭄᭞ᬬᬦ᭄ᬫᬗ᭄ᬓᬵᬂᬲ᭄ᬢ᭄ᬭ᭄ᬬᬕᬸᬪᬵᬫ᭄ᬯᬮᬓ᭄ᬱᬡᬦᬶᬓᬶᬦ᭄ᬤᬹᬃᬰᬷᬮᬓᬭ᭄ᬯᬦ᭄ᬢᭂᬫᬸᬦ᭄᭛ᬬᬦ᭄ᬰ᭄ᬭᭀᬡᬶᬧ᭄ᬯᬫᬳᬵᬯᬶᬯᬺᬤ᭄ᬥᬶᬫᬦᬸᬮᬸᬲ᭄ᬲ᭄ᬣᬶᬭᬵ
ᬧᬕᭂᬄᬰᭀᬪᬶᬢ᭞ᬤᬺᬯ᭄ᬬᬵᬦ᭄ᬬᬵᬃᬚ᭄ᬚᬫᬕᭃᬂᬰ᭄ᬭᭀᬡᬶᬦ᭄ᬬᬫᬵᬮ᭄ᬯᬵᬭᬢ᭞ᬦᬶᬢ᭄ᬬᬓᬵᬮᬲᬸᬓᬵᬲ᭄ᬯᬓᬃᬬ᭄ᬬᬮᬸᬬᬤᬶᬦ᭄ᬦᬪᬶᬩᬦᬦ᭄ᬬᬵᬤᬍᬫ᭄᭞ᬬᬧ᭄ᬯᬵᬦᬵᬪᬶᬦᬶᬗᬗ᭄ᬕᬡᬵᬦᭂᬓᬭᬶᬧᬤ᭄ᬫᬯᬃᬡ᭄ᬦᬵᬤᬶᬯ᭄ᬬᬦᬸᬮᬸᬲ᭄᭞ᬗ᭄ᬓᬵᬦᬦᬶᬂᬯᬶ᭠
Kaca:Bali-lontar-kakawin-smaratantra-300ppi.pdf/2
Kaca puniki sampun kauji-wacén
