[᭑᭑ 11B]
᭑᭑᭞
ᬪᬸᬝᬦᬾᬫᬲᬸᬓ᭄ᬕᬾᬗ᭄ᬕᬮ᭄᭞ᬫᬭᬭᬓᬂᬲᬃᬯ᭄ᬯᬍᬢᬸᬄ᭞ᬢᬦ᭄ᬯᬗ᭄ᬤᬾᬧᬸᬭᬶᬦᬾᬘᬫᬄ᭟ᬧᬸᬦᬶᬓᬵᬧᬢᬸᬢ᭄ᬬᬢ᭄ᬦᬳᬶᬦ᭄᭞ᬫᬗ᭄ᬤᬾᬦ᭄ᬲᬵᬫ᭄ᬧᬸᬓᭀᬮᬶᬄᬫᭂᬦ᭄ᬢᬲ᭄᭞ᬲ
ᬓᬢᬄᬪᬸᬝᬓᬵᬮᬦᬾ᭞ᬫᬭᬭᬓᬂᬲᬵᬃᬯ᭄ᬯᬘᬫᬄ᭞ᬲᬫᬶᬧᬶᬢᭂᬢ᭄ᬮᬭᬗᬂ᭞ᬲᬓᬢᬄᬤᭀᬤᭀᬬᬦᬶᬧᬸᬦ᭄᭞ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬢᬓᬸᬢ᭄ᬦᬶᬜ᭄ᬘᬧ᭄᭟ᬭᬾᬄᬲᬫᬶ
ᬳᬸᬦᬶᬂᬭᬶᬂᬚᭂᬭᬶᬄ᭞ᬚᬤ᭄ᬫᬬᬤ᭄ᬬᬦ᭄ᬪᬸᬝᬓᬵᬮ᭞ᬓᬤᬶᬢᬶᬫ᭄ᬩᬗᬦ᭄ᬚᬢᬶᬦᬾ᭞ᬚᬤ᭄ᬫᬢᬓᬸᬢ᭄ᬪᬸᬝᬕᬮᬓ᭄᭞ᬬᬦ᭄ᬚᬤ᭄ᬫᬫᬵᬯᬓ᭄ᬕᬮᬂ᭞ᬪᬸᬝᬓᬵᬮᬧᬸᬤᬢᬓᬸ
ᬢ᭄᭞ᬗᬲᬸᬓᬶᬦ᭄ᬫᬫ᭄ᬩᬾᬤᬩᬾᬤ᭟ᬓᬵᬤᬶᬭᬱᬦᬶᬂᬫᭂᬫ᭄ᬤᬶ᭞ᬓᬢᬄᬚᬤ᭄ᬫᬫᬗᬸᬘᬧᬂ᭞ᬗᬶᬂᬢᬦ᭄ᬢᭂᬭᬂᬭᬶᬂᬭᬹᬧᬵᬦᬾ᭞ᬭᬾᬄᬫᬲᬶᬄᬦᭂᬓᭂᬢ᭄ᬭᬶᬂᬫᬦᬄ᭞ᬧᭂᬲᬸᬦᬾᬤ
[12A]
ᬤᬶᬮᬯᬢ᭄᭞ᬮᬯᬢ᭄ᬗᬭᬹᬧᬵᬬᬂᬢᬓᬸᬢ᭄᭞ᬲᬓᬶᬂᬫᬦᬄᬢᬍᬢᭂᬳᬦ᭄᭟ᬫᬗ᭄ᬤᬾᬲᬵᬫ᭄ᬧᬸᬦ᭄ᬧᬮᬂᬧᬮᬶᬂ᭞ᬦᬾᬧᬢᬸᬢ᭄ᬲᬭᬢ᭄ᬧᬶᬦᭂᬳᬂ᭞ᬫᬗ᭄ᬤᬦ᭄ᬮᬶᬯᬂᬢᬢᬫ᭄ᬧᬾᬦ᭄᭞
ᬫᬗᬫ᭄ᬧᬓᬂᬮᬯᬂᬘᬘᬤ᭄᭞ᬲᬓᬶᬢ᭄ᬓᬮᬶᬯᬢ᭄ᬮᬶᬯᬢ᭄᭞ᬗᬫ᭄ᬧᬓᬂᬮᬯᬂᬭᬳᬬᬸ᭞ᬧᬸᬦᬶᬓᬵᬲᬭᬢ᭄ᬧ᭄ᬮᬚᬳᬂ᭟ᬓᬜ᭄ᬘᬶᬗᬾᬢᬢᬲᬂᬭᬶᬳᬶᬦ᭄᭞ᬳᬧᬫᬓᬜ᭄ᬘᬶᬂᬧᭀᬮᭀ
ᬲᬦ᭄᭞ᬳᬧᬫᬮᬶᬜ᭄ᬘᬶᬚᬯᬦᬾ᭞ᬬᬾᬗᬗ᭄ᬕᭀᬓᬸᬜ᭄ᬘᬶᬚᬯ᭞ᬧᬜᭂᬋᬕᬾᬭᬸᬭᬸᬳᬂ᭞ᬫᬗ᭄ᬤᬾᬦ᭄ᬧᬫᬵᬃᬕ᭄ᬕᬶᬦᬾᬮᬦ᭄ᬢᬸᬃ᭞ᬫᬶᬲᬤ᭄ᬬᬫᭂᬲᬸᬫᬸᬮᬶᬳᬂ᭟ᬧᬸᬦᬶᬓᬵᬕᬮᬶᬄ
ᬕᬮᬶᬳᬶᬦ᭄᭞ᬧᬶᬂᬲᬾᬯᬸᬲᬭᬶᬂᬲᬭᬶᬗᬂᬫᬗ᭄ᬤᬦ᭄ᬜᬢᭂᬭᬂᬚᬵᬢᬶᬦᬾ᭞ᬲᬵᬫ᭄ᬧᬸᬦ᭄ᬲᬓᬶᬂᬗᬶᬦᬩᬶᬦᬩ᭄᭞ᬓᬭᬶᬫᬵᬤᬸᬓᬦ᭄ᬘᬫᬄ᭞ᬗᬧᬸᬲ᭄ᬭᬕᬯᬵᬱ᭄ᬝᬦᬶᬧᬸᬦ᭄᭞ᬢᬦ᭄
Kaca:Bali-lontar-hredaya-sastra-300ppi.pdf/12
Kaca puniki sampun kauji-wacén
