[᭑᭐ 10B]
ᬫᬳ᭄ᬬᬸᬦ᭄ᬲᬂᬫᬤᬺᬯ᭄ᬬ᭞ᬓᬗᭂᬦᬾᬭᬶᬂᬩᬭᬂᬩ᭄ᬘᬶᬓ᭄᭞ᬩᬭᬂᬓᬲᬃᬢᬦ᭄ᬓᬮᬶᬗᬸᬬᬦᬶᬦ᭄ᬢᭂᬮᬲ᭄᭟ ᭜ ᭟ᬲ᭄ᬫᬭᬦ᭄ᬤᬦᬢᭂᬫ᭄ᬩᬂᬚᬯᬶ᭞ᬳᬗ᭄ᬕᬾᬦ᭄ᬫᬢᬶᬫ᭄ᬩᬮᬂᬓᬡ᭄ᬟ᭞ᬧᬓᬾᬮᬶᬂ
ᬧᬶᬗᭂᬢ᭄ᬫᬦᬳᬾ᭞ᬲᬭᬹᬧᬵᬦᬶᬂᬳᬮᬳᬮ᭞ᬦᬾᬫᬗ᭄ᬤᬾᬦ᭄ᬓᬘᬘᬤᬦ᭄᭞ᬭᬶᬂᬧᬗᬶᬧᬾᬦ᭄ᬭᬶᬂᬫᬳᬸᬗᬸ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬗᬫᬦᬳᬂ᭟ᬭᬾᬄᬲᬫᬶᬤᬤᭀᬲ᭄ᬯᬶ
ᬯᬶᬦᬶᬄ᭞ᬩᬭᬓ᭄ᬧᬸᬢᬶᬄᬩᬶᬭᬸᬲᬫᬃ᭞ᬭᬶᬂᬓᬵᬤᬸᬂᬭᬓᭂᬣᭂᬦ᭄ᬢᬶᬓᬾ᭞ᬳᬮᬤᬾᬧᭀᬮᬶᬄᬫᬳᬦᬄ᭞ᬮᬗ᭄ᬓᬸᬂᬳᬾᬯᭂᬄᬫᬤᭂᬫᬂ᭞ᬓ᭄ᬭᬡᬭᬶᬂᬘ᭄ᬦᬶᬓᬾᬳᬩᬸᬢ᭄᭞ᬫ
ᬗ᭄ᬤᬾᬲᬵᬫ᭄ᬧᬸᬦ᭄ᬲᬬᬦ᭄ᬳᬾᬧᬓ᭄᭟ᬭᬶᬂᬲᬸᬓᬢᬾᬲᬵᬫ᭄ᬧᬸᬦ᭄ᬮᬮᬶ᭞ᬢᬶᬗ᭄ᬓᬳᬾᬫᬢᬢᬶᬫ᭄ᬩᬗᬦ᭄᭞ᬧᬓᬶᬭᬶᬕ᭄ᬓ᭄ᬫᬫᬳᬶᬦᬾ᭞ᬤᬶᬦᬶᬓ᭄ᬡᬸᬲ᭄ᬤᬶᬢᬸᬧᬦᬲ᭄᭞
[᭑᭑ 11A]
ᬤᬵᬢᬶᬦᬶᬂᬰᬩ᭄ᬤᬳᬮ᭞ᬳᬸᬧᬫᬶᬳᬶᬱᬸᬫᬍᬘᬸᬢ᭄᭞ᬳᬲᬶᬂᬓ᭄ᬦᬶᬦᬦ᭄ᬤᬂᬮᬭ᭟ᬧᬜᬫ᭄ᬧᬭᬾᬫᬗ᭄ᬤᬾᬦ᭄ᬩᭂᬘᬶᬓ᭄᭞ᬲᬵᬫ᭄ᬧᬸᬦ᭄ᬜᬫ᭄ᬧᬭᬂᬧᬸᬭᬶᬱ᭄ᬬ᭞ᬮᬶᬯᬢ᭄ᬦᬶᬱ᭄ᬝᬢ
ᬦ᭄ᬧᬕᬯᬾ᭞ᬫᬵᬤᬦ᭄ᬜᬫ᭄ᬧᬭᬂᬧᬸᬭᬶᬱ᭄ᬬ᭞ᬦᬾᬘ᭄ᬧᭂᬢ᭄ᬫᬦᭀᬫ᭄ᬮᭀᬲᬂ᭞ᬫᬸᬜᬶᬘᬭᬸᬘᬸᬄᬧᬶᬧᬶᬲᬸᬄ᭞ᬲᬮ᭄ᬯᬶᬭᬶᬂᬓᬕᬶᬮᬕᬶᬮ᭟ᬬᬤᬶᬦ᭄ᬧ᭄ᬤᬶᬄᬬᬤᬶᬦ᭄ᬩ᭄ᬭᬗ᭄ᬢᬶ᭞ᬧᬧᭂ
ᬲᭀᬦᬾᬫᬗ᭄ᬤᬾᬦ᭄ᬤᬩ᭄ᬤᬩ᭄᭞ᬢᬦ᭄ᬗᬗ᭄ᬕᭀᬗᬸᬮᬄᬧᭂᬲᬸᬦᬾ᭞ᬫᬲᬶᬄᬓᬤᬶᬦᬶᬦ᭄ᬢᬢᬶᬫ᭄ᬩᬂ᭞ᬯᬶᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬢᭂᬭᬂ᭞ᬲᬶᬲᬶᬧ᭄ᬚᬤ᭄ᬫᬧᬢᬸᬢ᭄ᬧᬶᬲᬸᬄ᭞ᬲᬲᬮᬳᬾ
ᬥᬡ᭄ᬟᬮᬶᬬᬦ᭄᭟ᬧᬶᬧᬶᬲᬸᬄᬫᬶᬯᬄᬜᭂᬜᭂᬗᬶᬢ᭄᭞ᬧᬸᬦᬶᬓᬮᬯᬂᬪᬸᬪᬸᬝᬦ᭄᭞ᬦ᭄ᬧ᭄ᬭᬾᬬᬵᬗ᭄ᬭᬸᬲᬓ᭄ᬫᬦᬳᬾ᭞ᬬᬾᬦ᭄ᬧᬸᬦᬶᬓᬵᬧᭀᬮᬶᬄᬫᬵᬫ᭄ᬧᬓ᭄᭞
Kaca:Bali-lontar-hredaya-sastra-300ppi.pdf/11
Kaca puniki sampun kauji-wacén
