[᭕᭖ 56 B]
᭕᭖
ᬮᬫ᭄ᬥᬃᬫ᭄ᬫᬬᬰᬮᬦ᭄ᬳᬗ᭄ᬭᬾᬡᬶ᭞ᬢᬦ᭄ᬫᬭᬶᬗ᭄ᬮᬂᬮᬂᬓᬸᬮᬗᬸᬦ᭄᭞ᬤᬶᬢᭀᬗᭀᬲᬾᬳᬦᬾᬫᭂᬮᬄ᭞ᬲᬬᬦ᭄ᬓᬲᬶᬄ᭞ᬧᭂᬃᬕᬳᬸᬮᬦ᭄ᬤᬤᬶᬘᬮᬸᬄ᭞ᬧᬸᬦᬶᬓᬲᬦᬾᬗᬯᬶᬦᬂ᭞ᬥᬃᬫ᭄ᬫᬬᬰᬓᬤᬶᬢᬭᬶᬓ᭄᭟ᬦᬸᬚᬸᬦᭂ᭠
ᬕᬓ᭄ᬗᬮᬶᬗ᭄ᬲᬶᬭᬂ᭞ᬥᬃᬫ᭄ᬫᬬᬰ᭞ᬫᬲᬡ᭄ᬥᬶᬂᬮᬯᬦ᭄ᬳᬗ᭄ᬭᬾᬡᬶ᭞ᬧᭂᬲᬸᬫᬸᬜᬶᬩᬦ᭄ᬩᬦ᭄ᬳᬮᬸᬲ᭄᭞ᬫᬦᬶᬲ᭄ᬓ᭠ᬤᬶᬫᬥᬸᬤ᭄ᬭᬯ᭞ᬳᬬᬸᬳᬗ᭄ᬭᬾᬡᬶ᭞ᬓᬬᬸᬦᬾᬓᬤᬶᬓᬧᬶᬮᬸᬕ᭄᭞ᬳᬜᬸᬕ᭄ᬩᬳᬦ᭄ᬓᬫᬦᬶᬲᬦ᭄᭞ᬕᬬᬓᭀ
ᬣᬦᬾᬫᬦᬭᬶᬓ᭄᭟ᬳᬗ᭄ᬭᬾᬡᬶᬮᬯᬸᬢ᭄ᬓᬳᬚᬓ᭄᭞ᬢᭂᬗᬄᬓᬫᬃᬳᬦ᭄ᬢᬸᬓ᭄ᬳᬶᬤᬬᬸᬭᬹᬓ᭄ᬫᬶ᭞ᬭᬭᬶᬲ᭄ᬓᬳᬫ᭄ᬩᬶᬮᬂᬳᬮ᭄ᬩᬸᬫ᭄᭞ᬧᭂᬦᬸᬄᬫᬶᬲᬶᬕᭂᬕᬫ᭄ᬩᬭᬦ᭄᭞ᬲᬤᬸᬓ᭄ᬭᬶᬳᬶᬦ᭄᭞ᬫᬮᬮᬶᬓᬉᬚᬸᬂᬗᬗ᭄ᬕᬸᬃ᭞ᬧᬶᬗ᭄ᬓᬮᬶᬄᬓᬢᬶᬃ
ᬣᬕᬗ᭄ᬖ᭞ᬫᬮᬶᬄᬓᬧᬲᬶᬲᬶᬜ᭄ᬚᬲᬶ᭟ᬮᬶᬬᬸᬗᭂᬦᬄᬤᬶᬧᭀᬢ᭄ᬭᬾᬢᬦ᭄᭞ᬫᬓᭂᬫ᭄ᬩᬭᬦ᭄ᬤᬬᬸᬭᬹᬓ᭄ᬫᬶᬤᬶᬢᬸᬜᬡ᭄ᬥᬶᬂ᭞ᬩᬵᬦ᭄ᬧᬘᬭᬾᬉᬮᬶᬩᬥᬸᬂ᭞ᬕᬫ᭄ᬩᬭᬾᬩᭂᬘᬶᬓ᭄ᬧᬶᬲᬦ᭄᭞ᬬᬦ᭄ᬢᬸᬯᬄᬤᬤᬶ᭞ᬧᭂᬃᬓᬯᬶᬦ᭠
[᭕᭗ 57 A]
ᬦ᭄ᬳᬧᬂᬧᬢᬸᬄ᭞ᬩᬋᬂᬫᬓᬢᬶᬨᬢ᭄ᬩᬦ᭄ᬢᬮ᭄᭞ᬬᬦ᭄ᬤᬤᬶᬩᬳᬦ᭄ᬗᬯᬾᬦᬶᬦ᭄᭟ᬤᬬᬸᬭᬹᬓ᭄ᬫᬶᬫᬗᬫ᭄ᬩᬶᬮᬂ᭞ᬩᬸᬗ᭄ᬓᬸᬂᬳᭂᬫᬲ᭄ᬫᬲᭀᬘ᭄ᬘᬩᭂᬃᬮ᭄ᬬᬦ᭄ᬗᭂᬦ᭄ᬤᬶᬄ᭞ᬗᬮᬾᬜ᭄ᬘᭀᬓ᭄ᬩᭂᬃᬲᬶᬦᬃᬧᭂᬮᬸᬂ᭞ᬳᬤᬶᬦᬶᬓᬶ᭠
ᬢᬡ᭄ᬥᬫᬢ᭞ᬓᬓᬶᬭᬶᬫᬂ᭞ᬩᬵᬦ᭄ᬧᬘᬭᬾᬲᬓᬶᬂᬩᬥᬸᬂ᭞ᬫᬗ᭄ᬓᬶᬦ᭄ᬢᬶᬢᬶᬢ᭄ᬬᬂᬫᬗᬢᬹᬭᬂ᭞ᬢᬶᬢᬶᬬᬂᬢᭂᬭᬂᬢᭂᬓᬾᬦ᭄ᬳᬤᬶ᭟ᬢᬶᬢᬶᬬᬂᬮᬶᬦ᭄ᬢᬂᬤᭂᬫᭂᬦ᭄ᬧᬶᬲᬦ᭄᭞ᬓᬮᬶᬄᬲᬤ᭄ᬬᬬᬦᬶᬂᬳᬤᬶᬧᭀᬮᬶᬄᬭᬩᬶ᭞
ᬳᭀᬭᬂᬓᬬᬕᬚᬶᬄᬘᬸᬓᬸᬧ᭄᭞ᬧᬢᭂᬄᬲᬓᬤᬶᬢᬶᬢᬶᬬᬂ᭞ᬗᭂᬮᬄᬧᬘᬃ᭞ᬲᬸᬤᬕᬃᬳᬸᬲᬳᬘᬸᬓᬸᬧ᭄᭞ᬘᬶᬦ᭄ᬢᬰᬸᬘᬶᬦᬾᬓᬉᬘᬧ᭄᭞ᬲᬫᬶᬢᭂᬃᬕᬦ᭄ᬢᬸᬂᬩᬵᬦ᭄ᬧᬶᬧᬶᬲ᭄᭟ᬳᬗ᭄ᬭᬾᬡᬶᬳᬮᭀᬦ᭄ᬫᬦᬶᬫ᭄ᬩᬮ᭄᭞
ᬳᬤᭀᬄᬧᬶᬲᬦ᭄ᬓᬬᬸᬦ᭄ᬤᬬᬸᬧᭂᬮᬶᬄᬕᬢᬶ᭞ᬘᬶᬦ᭄ᬢᬲᬦᬾᬰᬸᬘᬶᬦᬸᬮᬸᬲ᭄᭞ᬦᬾᬦ᭄ᬢᭂᬦ᭄ᬢᭂᬃᬕᬦ᭄ᬢᬸᬂᬩᬵᬜ᭄ᬚᬶᬦᬄ᭞ᬓᬮᬾᬤᬗᬦ᭄᭞ᬓᬬᬸᬦᬾᬯᬓ᭄ᬢᬸᬩᭂᬃᬢᭂᬫᬸ᭞ᬓᬢᭂᬦ᭄ᬢ᭄ᬭᬫᬦ᭄ᬭᬸᬫᬄᬢᬗ᭄ᬕ᭞ᬧᬸᬦᬶᬓᬫᬳᬯ
Kaca:Bali-lontar-geguritan-anggreni-300ppi.pdf/57
Kaca puniki sampun kauji-wacén
