[᭕᭕ 55 B]
᭕᭕
ᬭᬂᬳᬤᬸᬂ᭞ᬳᬓᬾᬄᬲᬦᬾᬓᬭᬶᬓᬶᬭᬂ᭞ᬬᬦᬶᬂᬳᬮᬶᬄ᭞ᬕᬤᬶᬲ᭄ᬓᭀᬣᬚᬫᬦ᭄ᬩᬭᬸ᭞ᬢᬶᬗ᭄ᬓᬄᬮᬓᬸᬘᬸᬓᬸᬧ᭄ᬧᬶᬲᬦ᭄᭞ᬦᬵᬗ᭄ᬳᬶᬂᬦᬕᬶᬄᬮᬶᬬᬸᬕᬢᬶ᭟ᬧᭂᬢᭂᬂᬍᬫᬄᬦᬕᬶᬄᬳᬶᬩᬸᬭᬦ᭄᭞ᬳᬲᬶᬂᬗᭂᬦᬄᬦᬾ
ᬤᭂᬫᭂᬦᬶᬦ᭄ᬢᭀᬢᬕᬶᬄ᭞ᬤᬶᬓᬾᬦ᭄ᬓᬾᬦᬾᬦᬕᬶᬄᬫᬗᬸᬭᬸᬲ᭄᭞ᬓᭂᬦᭂᬄᬩᬗ᭄ᬕᬢᭀᬂᬓᬵᬡ᭄ᬥᬧᬦ᭄᭞ᬬᬦ᭄ᬧᬃᬡ᭄ᬦᬬᬂ᭞ᬕᬤᬶᬲ᭄ᬓᭀᬣᬓᬸᬭᬂᬚᬸᬚᬸᬃ᭞ᬭᬶᬢᬢ᭄ᬓᬵᬮᬫᬢᬸᬦᬗᬦ᭄᭞ᬧᭂᬃᬕᬳᬸᬮᬦ᭄ᬩᬾᬩᬲ᭄ᬕᬢᬶ᭟᭠
ᬳᬶᬤᬩᬕᬸᬲ᭄ᬥᬃᬫᬬᬰ᭞ᬲᭂᬭᬶᬂᬧᬶᬲᬦ᭄ᬫᬚᬜ᭄ᬚᬶᬧᬘᬂᬓᬯᬶᬦ᭄᭞ᬫᬚᬜ᭄ᬚᬶᬫᬢᬶᬮᬦ᭄ᬳᬶᬤᬸᬧ᭄᭞ᬦᬵᬗ᭄ᬳᬶᬂᬪᬹᬓ᭄ᬢᬶᬦᬾᬘᬳ᭄ᬦᬬᬂ᭞ᬢᬶᬗ᭄ᬕᬮ᭄ᬚᬜ᭄ᬚᬶ᭞ᬲᭂᬭᬗᬜ᭄ᬚᬜ᭄ᬚᬶᬦᬾᬧᬮ᭄ᬲᬸ᭞ᬚᬜ᭄ᬚᬶᬲᬤᬸᬓ᭄ᬫᬢᬸᬦᬗᬦ᭄
᭞ᬫᬗᭂᬩᭂᬓᬶᬦ᭄ᬢᬦᬄᬮᬗᬶᬢ᭄᭟ᬳᬶᬤᬸᬧᬾᬲᬓᬤᬶᬯᬬᬂ᭞ᬓᬚᬸᬚᬸᬭᬦ᭄ᬲᬵᬫ᭄ᬧᬸᬦ᭄ᬲᬫᬃᬮᬸᬦ᭄ᬢᬸᬃᬲᬫᬶ᭞ᬫᬸᬤᬫᬸᬤᬶᬳᭂᬜᬓ᭄ᬧᬢᬸᬄ᭞ᬚᬸᬚᬸᬭᬾᬫᬤᬲᬃᬚᬶᬦᬄ᭞ᬧᬮᬶᬂᬫᭂᬮᬄ᭞ᬗᬸᬮᬸᬭᬶᬦ᭄ᬫᬦᬄᬲᬢᬸᬯᬸᬓ᭄᭞ᬲ
[᭕᭖ 56 A]
ᬓᬦ᭄ᬢᬸᬦ᭄ᬤᬾᬯᬾᬓᬾᬢ᭄ᬭᬸᬡ᭞ᬲᬵᬫ᭄ᬧᬸᬦ᭄ᬢᬸᬯᬜᬾᬦ᭄ᬗᬦᭂᬫᬶᬦ᭄᭟ᬦᬵᬗ᭄ᬳᬶᬂᬋᬋᬄᬲᬸᬚᬢᬶᬦ᭄ᬜ᭞ᬓᬸ᭠ᬮᬯᬃᬕ᭄ᬕᬲᬫᬶᬦᬾᬦ᭄ᬢᭂᬦ᭄ᬜᬢᬸᬢᬸᬯᬶᬦ᭄᭞ᬭᬶᬢᬢ᭄ᬓᬵᬮᬳᬶᬤᬫᬦ᭄ᬢᬸᬓ᭄᭞ᬲᬫᬶᬦᬸᬦ᭄ᬤᬾᬦ᭄ᬫᬭᬩ᭄ᬬᬦ᭄᭞ᬥᬃᬫ᭄ᬫᬬ᭠
ᬰ᭞ᬚᬯᬩᬦᬾᬫᬗ᭄ᬓᬶᬦ᭄ᬤᬸᬫᬸᬦ᭄᭞ᬤᬸᬭᬸᬂᬯᬾᬦ᭄ᬢᭂᬦ᭄ᬫᬦᬄᬢᬶᬢᬶᬬᬂ᭞ᬤᬸᬭᬸᬯᬾᬦ᭄ᬢᭂᬦ᭄ᬦᬾᬤᭂᬫᭂᬦᬶᬦ᭄᭟ᬤᬬᬸᬭᬸᬓ᭄ᬫᬶᬫᬗ᭄ᬓᬶᬦ᭄ᬘ᭄ᬭᬶᬢᬬᬂ᭞ᬢᬸᬦᬗᬦᬾᬚᬦ᭄ᬫᬓᬬᬫᬳᬦ᭄ᬕᬚᬶᬄ᭞ᬳᬲᬮ᭄ᬳᬶᬧᬸᬦ᭄ᬲᬓᬶᬂᬩᬡ᭄ᬥᬸᬂ᭞ᬯ
ᬳᬸᬧᬶᬲᬦ᭄ᬫᬦᬭᬶᬫ᭞ᬯᬯᬭᬶᬲᬦ᭄᭞ᬢᭀᬓᭀᬩᭂᬲᬩᬭᬂᬧᭂᬦᬸᬄ᭞ᬓᬭᬶᬗᬦ᭄ᬢᭀᬲ᭄ᬭᬳᬶᬦ᭄ᬳᬶᬤ᭞ᬫᬗ᭄ᬤᬓᬬᬸᬦ᭄ᬗᬫ᭄ᬩᬶᬮ᭄ᬭᬩᬶ᭟ᬳᭂᬦ᭄ᬢᭀᬳᬦᬾᬗᬯᬦᬂ᭞ᬥᬃᬫ᭄ᬫᬬᬰᬲᬳᬶᬲᬳᬶᬓᬍᬫᬸᬳᬶᬦ᭄᭞ᬳᬧᬂᬳᬶᬤ
ᬕᭂᬮᬶᬲ᭄ᬓᬬᬸᬦ᭄᭞ᬳᬗ᭄ᬭᬾᬡᬶᬳᬾᬗ᭄ᬕᬮᬂᬚᬸᬯᬂ᭞ᬩᬶᬮᬶᬄᬕᭂᬮᬶᬲ᭄᭞ᬫᬭᭀᬩᬄᬓᬬᬸᬦᬾᬤᬸᬫᬸᬦ᭄᭞ᬫᬫᭀᬗ᭄ᬕᬦ᭄ᬓᬮᬶᬄᬫᬗ᭄ᬮᭀᬬᬃ᭞ᬲᬲᬵᬫ᭄ᬧᬸᬦᬾᬗᬫ᭄ᬩᬶᬮ᭄ᬳᬗ᭄ᬭᬾᬡᬶ᭟ᬲᬚ᭄ᬭᭀᬦᬶᬂᬓᬭᬫᬬᬦ᭄᭞ᬧᬲᬃᬫ᭠
Kaca:Bali-lontar-geguritan-anggreni-300ppi.pdf/56
Kaca puniki sampun kauji-wacén
