[᭑᭖ 16B]
᭑᭖
ᬦ᭄ᬕᬸᬦᬸᬗᬾ᭞ᬲᬶᬂᬢᬓᬸᬢ᭄ᬳᬸᬚᬦ᭄ᬳᬗᬶᬦᬦ᭄᭞ᬦᬾᬦ᭄ᬢᭂᬦ᭄ᬕᬶᬗ᭄ᬲᬶᬃᬓᬮᬶᬦᬸᬳᬦ᭄᭞ᬢᬸᬃᬢᬸᬫ᭄ᬩᬸᬳᬶᬦ᭄ᬧᬸᬜᬦ᭄ᬓᬬᬸ᭟ᬮ᭄ᬬᬸᬫᭂᬲ᭄ᬯᬂᬬᬾᬄᬳᬦᬓᬦ᭄᭞ᬤᬤᭀᬲ᭄ᬢᭀᬬᬦ᭄ᬢᬸᬓᬤ᭄ᬲᬫᬶ᭞ᬗ᭄ᬭᬭᬶᬲ᭄ᬗᬸᬗ᭄ᬲᬶᬲᬕᬭ᭞ᬳᬫᬸ
ᬧᬸᬢ᭄ᬦ᭄ᬬᬘᬫ᭄ᬧᬸᬄᬦᬸᬗ᭄ᬕᬮ᭄᭞ᬭᬶᬂᬢᭀᬬᬦ᭄ᬲᬕᬭᬳᬶᬓ᭞ᬲᬓᬶᬂᬲᬸᬦᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬯᬾᬧᬲᬶᬄᬫᬗ᭄ᬯᬫ᭄ᬫᬸᬗ᭄ᬕᬄᬢ᭄ᬭᬸᬲ᭄᭞ᬤᬤᬶᬕᬸᬍᬫ᭄ᬫᬲ᭄ᬯᬂᬳᬸᬚᬦ᭄ᬤᬤᬶᬬᬾᬄᬳᬦᬓᬦ᭄ᬫᬮᬶᬄ᭞ᬲᬧᬸᬦᬶᬓᬲᬢ᭄ᬭᬸᬲᬦ᭄ᬬ᭞ᬳᬶ
ᬫ᭄ᬩᬦ᭄ᬲᬂᬳ᭄ᬬᬂᬯᬶᬥᬶᬯᬰ᭞ᬧᬸᬦᬶᬓᬳᬾᬮᬶᬗᬂᬢᬸᬮᬤ᭄᭞ᬧᬢᬸᬢ᭄ᬧᬕᭂᬄᬢ᭄ᬭᬸᬲ᭄ᬫᬰᬾ᭞ᬧᬂᬦ᭄ᬫᬸᬕᭂᬮᬂᬧᬸᬧᬸᬢ᭄ᬳᬬᬸ᭞ᬦᬸᬗ᭄ᬕᬮ᭄ᬭᬶᬂᬳ᭄ᬬᬂᬯᬶᬥᬶᬯᬰ᭟ᬫᬮᬶᬄᬳᬶᬫ᭄ᬩᬂᬭᬶᬂᬓᬓᬯᬶᬦ᭄᭞ᬦᬾᬭᬶᬂᬯᬶᬯᬳᬉᬢ᭄ᬢᬫ᭞ᬲᬂᬳᬃᬚ᭄ᬚᬸᬦᬦᬗᬸᬦ᭄
ᬬᬰ᭞ᬢ᭄ᬯᬶᬭᬶᬂᬕᬸᬦᬸᬂᬳᬦ᭄ᬤ᭄ᬭᬓᬶᬮ᭞ᬧᬘᬂᬗᬭᬳᬬ᭄ᬯᬚᬕᬢ᭄᭞ᬰᬓ᭄ᬢᬶᬮᬶᬗᬶᬂᬳᬫ᭄ᬩᭂᬢ᭄ᬢᭂᬭᬸᬲ᭄᭞ᬗᬦ᭄ᬢᭀᬲ᭄ᬧᭀᬮᬶᬄᬧᬦᬸᬕ᭄ᬭᬳᬦ᭄᭟ᬪᬝᬭᬭᬶᬂᬰ᭄ᬫᬭᬮ᭄ᬯᬶᬄ᭞ᬓᬾᬦᬓ᭄ᬦ᭄ᬜᬶᬗᬓ᭄ᬲᬂᬳᬢᬧ᭞ᬗᬃᬥᬶᬓᬭ
[᭑᭗ 17A]
ᬬᭀᬦ᭄ᬚᬕᬢ᭄᭞ᬧᬸᬦᬶᬓᬦᬾᬲᬤ᭄ᬬᬂᬳᬶᬤ᭞ᬫᬓᬓᬦ᭄ᬢᬶᬦ᭄ᬲ᭄ᬯᬃᬕ᭄ᬕᬮᭀᬓ᭞ᬲᬂᬫ᭄ᬬᬰᬧᬕᭂᬄᬧᬸᬕᬸᬄ᭞ᬧᬘᬂᬗᬶᬘᬾᬦ᭄ᬧᬦᬸᬕ᭄ᬭᬳᬦ᭄᭟ᬦᬗ᭄ᬳᬶᬂᬲᬤᬸᬭᬸᬂᬜ᭄ᬯᬾᬘᬦᬶᬦ᭄᭞ᬭᬶᬂᬲᬂᬧᬕᭂᬄᬩ᭄ᬭᬢᬢᬧ᭞ᬫᬮᬸᬓᬕᭀᬤ
ᬩᬦ᭄ᬳᬶᬤ᭞ᬤᬶᬢᬸᬧᬂᬤᬲᬮᬄᬢ᭄ᬭᬶᬫ᭞ᬫᬜᭂᬗ᭄ᬕᬸᬳᬂᬩᬬᬢ᭄ᬓ᭞ᬫᬃᬡ᭄ᬦᬢᬦ᭄ᬲ᭄ᬯᬾᬘᬳ᭄ᬬᬂᬢᬸᬤᬸᬄ᭞ᬢᭀᬧᬧᬶᬦᭂᬄᬧᬮᬶᬂᬗᬯᬕ᭄᭟ᬧᬢᬸᬢ᭄ᬭᬶᬳᬶᬦ᭄ᬓᬧᬶᬦ᭄ᬢᭀᬦᬶᬦ᭄᭞ᬫᬗ᭄ᬤᬳᬶᬤᬢᬢᬲ᭄ᬯᬶᬓᬦ᭄᭞ᬭᬶᬂᬓᬧᬕᭂᬳᬦ᭄ᬲᬂ
ᬢᬧ᭞ᬮᬦ᭄ᬲᬂᬢᬧᬧᬂᬗ᭄ᬭᬲᬬᬂ᭞ᬳᬫᬸᬦᬧᬶᬧᬕᭂᬄᬦ᭄ᬬ᭞ᬗ᭄ᬬᬲᬶᬦ᭄ᬧᬦᬸᬕ᭄ᬭᬦ᭄ᬳ᭄ᬬᬂᬢᬸᬤᬸᬄ᭞ᬉᬢ᭄ᬢᬫᬗ᭄ᬭᬳᬬ᭄ᬯᬂᬰᬶᬸᬚᬕᬢ᭄᭟ᬬᬦ᭄ᬢᬦ᭄ᬧᬕᭂᬄᬓᬧᬶᬦ᭄ᬢᭀᬦᬶᬦ᭄᭞ᬚᬦ᭄ᬢᭂᬦ᭄ᬳᬶᬤᬢᬦ᭄ᬮᬸᬕ᭄ᬭᬳ᭞ᬭᬾᬄᬧᬦᬸᬕ᭄ᬭᬦ᭄ᬫᬉ
ᬢ᭄ᬢᬫ᭞ᬓᬤᬶᬲᭀᬘᬦ᭄ᬩᬸᬗ᭄ᬓᬸᬂᬳᬶᬓ᭞ᬯᬶᬦ᭄ᬥᬸᬰᬭᬮ᭄ᬯᬶᬄᬧᬶᬲᬦ᭄᭞ᬧᬗᭂᬫ᭄ᬩᬦ᭄ᬬᬧᬢᬸᬢ᭄ᬳᬦᬸᬢ᭄᭞ᬫᬲ᭄ᬢᬸᬮᬾᬦ᭄ᬢᬾᬚᬦᬶᬃᬫ᭄ᬫᬮ᭟ᬯ᭄ᬬᬤᬶᬦ᭄ᬢᬦᭂᬫ᭄ᬭᬶᬳᬦ᭄ᬤᬸᬢ᭄ᬢ᭄ᬯᬶ᭞ᬦᬶᬂᬜᬦᬾᬢᬦ᭄ᬓᬘᬫ᭄ᬧᬸᬭᬦ᭄᭞ᬢᭂᬢᭂᬧ᭄ᬢᬾᬚᬦ᭄ᬜ
Kaca:Bali-lontar-gaguritan-yogga-murtti-300ppi.pdf/17
Kaca puniki sampun kauji-wacén
