Kaca:Bali-lontar-gaguritan-yogga-murtti-300ppi.pdf/18

Saking Wikisource
Kaca puniki sampun kauji-wacén

[᭑᭗ 17B]
᭑᭗
ᬦᬾᬫᬸᬜ᭄ᬘᬢ᭄᭞ᬓᬤᬶᬳᬶᬤᬲᬂᬳᬃᬚ᭄ᬚᬸᬦ᭞ᬤᬤᬭᬶᬧᬶᬢᬸᬫᬗᭀᬤ᭞ᬲᬫᬳᬬᬸᬗᭂᬢᬸᬲ᭄ᬓᬬᬸᬦ᭄᭞ᬧᬫ᭄ᬓᬲ᭄ᬤᬤᬭᬶᬲᬸᬧ᭄ᬭᬩ᭟ᬫ᭄ᬦᬳᬶᬓᬶᬂᬓᬾᬦ᭄ᬤ᭄ᬭᬦ᭄ᬮᬶᬦ᭄ᬯᬶᬄ᭞ᬓᬶᬭᬶᬂᬳᬦ᭄ᬢᬸᬓ᭄ᬦᬶᬮᭀᬢᬫ᭞ᬮᬾᬦ᭄ᬲᬓᬜ᭄ᬘᬦ᭄ᬚᭂ
ᬕᬾᬕ᭄ᬲᬫ᭄ᬬᬦ᭄᭞ᬮᬶᬦ᭄ᬢᬂᬗᬯᬾᬓᬲ᭄ᬫᬭᬦ᭄᭞ᬮᬓ᭄ᬱᬡᬮ᭄ᬯᬶᬃᬮᬶᬦᬸᬄᬜᬚᬳᬂ᭞ᬫᬗᭀᬩᬳᬂᬢᬧᬯ᭄ᬭᬸᬲ᭄᭞ᬜᬶᬗ᭄ᬲᬶᬂᬲᬶᬜ᭄ᬚᬂᬗ᭄ᬮᬸᬕᬲ᭄ᬧ᭄ᬭᬡ᭞ᬢᬗᬦ᭄ᬲᬂᬧᬃᬣᬓᬳᬫ᭄ᬩᬶᬮ᭄᭞ᬓᬢᬸᬓᬸᬧᬂᬭᬶᬂᬲᬸᬲᬸᬦ᭄ᬬ᭞ᬜᬗ᭄ᬓᬶᬄ
ᬳᬮᬸᬲ᭄ᬗᭂᬢᬸᬲ᭄ᬘᬶᬢ᭞ᬗᬲᭀᬭᬂᬜᬸᬄᬕᬤᬶᬂᬓᭂᬫ᭄ᬩᬃ᭞ᬢᬍᬃᬧᬕᭂᬄᬲᬂᬳᬃᬚ᭄ᬚᬸᬦ᭞ᬤᬤᬭᬶᬫᬩᬮᬶᬓ᭄ᬩᬸᬤᬮ᭄᭞ᬳᬮᬸᬲᬦ᭄ᬢᬗᬦ᭄ᬲᬂᬳᬃᬚ᭄ᬚᬸᬦ᭟ᬧᬃᬣ᭟ᬓᬤᬶᬩᬸᬮᬸᬄᬜᬮᬂᬕᬤᬶᬂ᭞ᬗᭂᬢᬸᬲ᭄ᬓᬳ᭄ᬬᬸᬦ᭄ᬤᬤᬭᬶ
ᬦᬾ᭞ᬢ᭄ᬭᬸᬲ᭄ᬗᬮᬮ᭄ᬯᬂᬧᬓᬳ᭄ᬬᬸᬦᬦ᭄᭞ᬲᬸᬲᬸᬦᬾᬭᬭᬶᬲ᭄ᬓᬸᬬᬓᬂ᭞ᬭᬶᬂᬭᬕᬦ᭄ᬳᬶᬤᬲᬂᬧᬃᬣ᭞ᬫᬗ᭄ᬤᬧᬬᬲᬦᬾᬍᬩᬸᬃ᭞ᬲᬂᬳᬃᬚ᭄ᬚᬸᬦᬦᭀᬭᬳᭀᬩᬄ᭟ᬭᬾᬄᬢᬦ᭄ᬜᬶᬤ᭄ᬥᬬᬂᬗᭀᬤᬦᬶᬦ᭄᭞ᬤᬤ
[᭑᭘ 18A]
ᬭᬶᬦᬾᬭᬭᬶᬲ᭄ᬩᬸᬤᬮ᭄᭞ᬗᬢᬸᬭᬂᬭᬶᬂᬤᬾᬯᬰ᭄ᬯᬃᬕ᭄ᬕ᭞ᬓᬧᬕᭂᬳᬦ᭄ᬲᬂᬳᬃᬚ᭄ᬚᬸᬦ᭞ᬧᬜ᭄ᬘᬾᬦ᭄ᬤ᭄ᬭᬶᬬᬲᬫ᭄ᬧᬸᬦ᭄ᬧᬸᬦᬄ᭞ᬤᬤᬶᬧᬜ᭄ᬘᬢᬶᬃᬣᬯ᭄ᬭᬸᬲ᭄᭞ᬳᬫᬢᬶᬭᬕᬦᬶᬃᬫ᭄ᬫᬮ᭟ᬧᬕᭂᬳᬶᬂᬬᭀᬕᬲᬫᬥᬶ᭞ᬤᬾᬯᬲ᭄ᬯᬃᬕ᭄ᬕ
ᬓᬾᬦᬓ᭄ᬫ᭄ᬬᬃᬱ᭞ᬳᬢᬸᬃᬤᬤᬭᬶᬦᬾᬲᬫ᭄ᬬᬦ᭄‌ᬭᬾᬄᬳᬦ᭄ᬤᭂᬮ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬫᬓᬓᬦ᭄ᬢᬶᬦ᭄ᬤᬾᬯᬰ᭄ᬯᬃᬕ᭄ᬕ᭞ᬳᬶᬤᬕ᭄ᬮᬶᬲ᭄‌ᬢ᭄ᬭᬸᬲ᭄ᬮᬸᬫᬓᬸ᭞ᬗᬭᬯᬸᬳᬶᬦ᭄ᬲᬂᬳᬃᬚ᭄ᬚᬸᬦ᭟ᬳᬶᬤᬜᬸᬢᬶᬭᬸᬧᬜᬶᬮᬶᬩ᭄᭞ᬫ᭄ᬭ
ᬕᬯᬶᬓᬸᬮᬶᬗ᭄ᬲᬶᬃᬳᬸᬩᬦ᭄᭞ᬫᬓᭀᬓᭀᬳᬦ᭄ᬢᬸᬃᬫᬳᬸᬳᬩ᭄᭞ᬗᭀᬤᬲᬂᬳᬃᬚ᭄ᬚᬸᬦᬫ᭄ᬬᬰ᭞ᬫᬗ᭄ᬤᬳᬶᬤᬢᬢᬲ᭄ᬧᬶᬲᬦ᭄᭞ᬭᬶᬂᬳᬧ᭄ᬢᬶᬦ᭄ᬲᬂᬢᬧᬢ᭄ᬭᬸᬲ᭄᭞ᬲᬂᬳᬃᬚ᭄ᬚᬸᬦᬗᬼᬲ᭄ᬯᬂᬬᭀᬕ᭟ᬲᬶᬢᬲᬫ᭄ᬧᬸ
ᬦ᭄ᬓᬢᬓᬾᬦᬶᬦ᭄᭞ᬮᬦ᭄ᬓᬢᬸᬢᬸᬭᬶᬦ᭄ᬲᬂᬧᬃᬣ᭞ᬭᬶᬂᬳᬶᬦ᭄ᬤᬶᬓ᭄ᬓᬧᬭᬫᬵᬃᬣᬦ᭄᭞ᬤᬾᬯᬰ᭄ᬯᬃᬕ᭄ᬕᬭᬭᬶᬲ᭄ᬫᬸᬲ᭄ᬦ᭞ᬲᬂᬳᬃᬚ᭄ᬚᬸᬦᬯᬸᬲ᭄ᬭᬸᬫᬰ᭞ᬧᬘᬂᬧᬦᬸᬕ᭄ᬭᬦᬾᬭᬳᬸᬄ᭞ᬲᬓᬤᬶᬧᬗᬧ᭄ᬢᬶᬦ᭄ᬳᬶᬤ᭞ᬓᬤᬶᬫᬸᬲᬸᬢ᭄ᬗᬯᬾ