[᭖᭖ 66B]
᭖᭖
ᬳᬵᬋᬱᬶ᭞ᬭᬶᬮᬫ᭄ᬧᬳᬶᬭᬲᬂᬧ᭄ᬭᬪᬸ᭞ᬳᬸᬫᬭᬾᬂᬅᬦ᭄ᬢᬧᬸᬭ᭞ᬧᬦ᭄ᬓᬢᬳᬤᬾᬦᬶᬭᬲᬂᬫᬳᬵᬪᬶᬓ᭄ᬱᬸ᭞ᬢᬦᬸᬭᬸᬂᬳᬫᬗ᭄ᬕᬶᬄᬪᬬ᭞ᬢᬦ᭄ᬯᬦ᭄ᬤ᭄ᬬᬳᬢ᭄ᬦᬄᬯᬶᬱ᭄ᬝᬶ᭟᭐᭟ᬫᬗ᭄ᬓᬮᬶᬂᬲᬂᬫᬳᬵᬤ᭄ᬯᬶᬚ᭞ᬧᬭ
ᬬᭀᬤ᭄ᬥᬫᬦ᭄ᬢ᭄ᬭᬷᬰᬷᬖ᭄ᬭᬦᬯᬸᬭᬶ᭞ᬲᬶᬗ᭄ᬕᬶᬄᬧᬤᬸᬓᬥᬂᬕᬸᬭᬸ᭞ᬤᬭᬦ᭄ᬰᬷᬖ᭄ᬭᬮᬸᬫᬫ᭄ᬧᬄ᭞ᬳᬦᬹᬢᬸᬭᬶᬮᬫ᭄ᬧᬳᬶᬭᬂᬫᬳᬵᬧ᭄ᬭᬪᬸ᭞ᬳᬬ᭄ᬯᬓᬤᬢ᭄ᬧᬗᭂᬫ᭄ᬧ᭄ᬯᬦ᭄᭞ᬧᬝᬶᬓ᭄ᬫᬳᬵᬋᬱᬶᬳᬸᬫᬶᬭᬶᬂ᭟᭐᭟ᬲ
ᬲᬸᬓᬩᬧᬧᬗᭂᬫ᭄ᬧ᭄ᬯᬦ᭄᭞ᬲᬸᬫᬳᬬᬲᬶᬭᬰ᭄ᬭᬷᬪᬹᬫᬶᬧᬢᬶ᭞ᬬᬤ᭄ᬬᬦ᭄ᬲᬤᬸᬃᬕ᭄ᬕᬫᬾᬂᬮᬓᬸ᭞ᬬᬤᬶᬦᬢ᭄ᬫᬄᬩ᭄ᬭᬱ᭄ᬝ᭞ᬭᬶᬂᬧᬧ᭄ᬭᬗᬦ᭄ᬲᬸᬓᬫᬦᬶᬭᬧᬸᬓᬸᬮᬸᬦ᭄᭞ᬲ᭄ᬯᬍᬦ᭄ᬲᬶᬄᬥᬦᬦᬶᬭ᭞ᬲᬶᬭᬰ᭄ᬭᬷᬫᬳᬵᬪᬹᬧ
ᬢᬶ᭟᭐᭟ᬫᬗ᭄ᬓᬮᬶᬗᬶᬂᬧᬭᬫᬦ᭄ᬢ᭄ᬭᬶᬬ᭞ᬬᭀᬤ᭄ᬥᬰᬹᬭᬳᬃᬱᬲᬶᬭᬫᬳᬵᬋᬱᬶ᭞ᬳᬕ᭄ᬮᬶᬲ᭄ᬢᬶᬦᬶᬗ᭄ᬓᬄᬤᬶᬦᬸᬫ᭄ᬤᬸᬫ᭄᭞ᬲᬓ᭄ᬯᬾᬳᬶᬂᬬᭀᬤ᭄ᬥᬫᬦ᭄ᬢ᭄ᬭᬶᬬ᭞ᬯᬶᬦᬶᬪᬵᬕᬓᬂᬓᬶᬦᭀᬦ᭄ᬫᬗ᭄ᬓᬢ᭄ᬮᬸᬫᬸᬭᬸᬕ᭄᭞ᬫ᭄ᬯᬂᬳᬢᬸᬗ᭄ᬕᬸ
[᭖᭗ 67A]
ᬭᬶᬂᬦᬵᬕᬭ᭞ᬧᬶᬦᬢᬸᬢ᭄ᬧᬺᬡᬄᬦ᭄ᬬᬗᬦ᭄ᬢᬶ᭟᭐᭟ᬓᬧ᭄ᬯᬯᬸᬲ᭄ᬧᬶᬦᬶᬢ᭄ᬓᭂᬢᬦ᭄᭞ᬤᬾᬫᬳᬵᬋᬱᬶᬲᬂᬳᬢᬸᬗ᭄ᬕᬸᬦᬵᬕᬭᬷ᭞ᬅᬃᬬ᭄ᬬᬤ᭄ᬬᬓ᭄ᬱᬓᬂᬢᬶᬦᬸᬤᬸᬄ᭞ᬧᬶᬦᬓᬤᬶᬓᬵᬭᬦ᭄ᬬ᭞ᬯᬸᬲᬥᬥᬃᬥ
ᬥᬃᬲᬶᬭᬲᬂᬫᬳᬵᬫ᭄ᬧᬸ᭞ᬢᬸᬫᬸᬮ᭄ᬬᬤᬦ᭄ᬮᬸᬫᬫ᭄ᬧᬄ᭞ᬳᬶᬦᬶᬭᬶᬂᬭᬶᬂᬩᬮᬫᬦ᭄ᬢ᭄ᬭᬷ᭟᭐᭟ᬧᭂᬧᭃᬓᬶᬓᬂᬘᬢᬸᬭᬗ᭄ᬕ᭞ᬲᭀᬧᬘᬭᬮᬫ᭄ᬧᬳᬶᬭᬫᬳᬵᬋᬱᬶ᭞ᬫᬸᬗ᭄ᬕ᭄ᬯᬶᬂᬕᬚᬾᬳᬗᬺᬕᬸᬂ᭞ᬓᬤᬶᬅᬤᬶᬢ᭄ᬬᬾᬂ
ᬉᬤᬬᬵ᭞ᬕ᭄ᬭᬕᬸᬫᬶᬯᬂᬪᬵᬲ᭄ᬯᬭᬦᬶᬂᬧᬬᬸᬯᬸᬮᬸᬂ᭞ᬓᬤᬶᬫᬾᬥᬳᬗ᭄ᬫᬸᬳᬸᬤᬦ᭄᭞ᬓᬶᬦᬶᬮᬢᬦ᭄ᬲᭃᬦᬶᬂᬮᬶᬭᬶᬂ᭟᭐᭟ᬫᬗ᭄ᬕᭂᬄᬲᬶᬭᬰ᭄ᬭᬷᬪᬕᬯᬵᬦ᭄᭞ᬅᬤᬶᬓᬵᬭᬫᬓᬵᬕ᭄ᬭᬲᬾᬦᬵᬧᬢᬶ᭞ᬕᬸᬫ᭄ᬭᬩᭂ
ᬕ᭄ᬓᭂᬢᭂᬩᬶᬂᬮᬓᬸ᭞ᬕᬸᬫᭂᬦ᭄ᬢᭂᬃᬕ᭄ᬭᬶᬢ᭄ᬦᬶᬂᬭᬢ᭞ᬰᬷᬖ᭄ᬭᬰᬶᬖ᭄ᬭᬦ᭄ᬢᬸᬮ᭄ᬬᬓᬤᬶᬮᬗᬶᬢ᭄ᬭᬸᬩᬸᬄ᭞ᬓᬤᬶᬯᬄᬮᬫ᭄ᬧᬳᬶᬂᬩᬮ᭞ᬳᬲᬜ᭄ᬚᬢᬗᬺᬱᬶᬂᬳᬢᬶ᭟᭐᭟ᬲᬶᬗ᭄ᬕᬶᬄᬢᬦ᭄ᬓᬯᬃᬡ᭄ᬦᬳᬯᬦ᭄᭞ᬮᬫ᭄ᬧᬳᬶᬭ
Kaca:Bali-lontar-gaguritan-wiryya-guna-a-300ppi.pdf/67
Kaca puniki sampun kauji-wacén
