[᭖᭕ 65B]
᭖᭕
ᬯᬶᬱ᭄ᬝᬶᬦᬶᬂᬮᬓᬸ᭞ᬓᬂᬧᬶᬦᬾᬢ᭄ᬬᬲ᭄ᬧᬶᬦᬮᬫ᭄ᬧᬄ᭞ᬮᬶᬦᬦᬃᬭᬶᬂᬭᬢᬸᬰᬓ᭄ᬢᬶ᭟᭐᭟ᬢᬸᬃᬲᬵᬫ᭄ᬧᬸᬦ᭄ᬭᬓ᭄ᬯᬾᬦᬸᬪᬬᬦ᭄᭞ᬲᬗᬦᭀᬫᬄᬤᬾᬦᬶᬭᬲᬗᬧᬸᬢ᭄ᬭᬷ᭞ᬬᬢᬗ᭄ᬤᬾᬰᬷᬃᬡ᭄ᬦᬳ᭄ᬬᬦ᭄᭞ᬳᬶ
ᬭᬲᬂᬫᬳᬵᬧᬦ᭄ᬥ᭄ᬬ᭞ᬓᬢᬳᬾᬂᬢ᭄ᬯᬲ᭄᭞ᬢᬦ᭄ᬯᬦ᭄ᬥ᭄ᬬᬫᬗ᭄ᬕᬶᬄᬧᬓᬾᬯᬸᬄ᭞ᬮᬫ᭄ᬧᬳᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬶᬦᬮᭀᬘᬶᬢ᭄ᬢᬫᬳᬵᬋᬱᬶ᭟᭐᭟ᬯᬾᬢ᭄ᬦ᭄ᬬᬕᭂᬂᬢᬺᬱ᭄ᬡᬵᬲᬶᬳᬶᬭ᭞ᬫᬳᬵᬧᬦ᭄ᬥ᭄ᬬ
ᬭᬶᬲᬶᬭᬂᬰ᭄ᬭᬷᬪᬹᬧᬢᬶ᭞ᬳᬕ᭄ᬮᬶᬲ᭄ᬲᬶᬭᬲᬂᬯᬶᬓᬸ᭞ᬳᬤᬦᬤ᭄ᬬᬲᬓ᭄ᬭᬫᬲ᭄᭞ᬫᬜ᭄ᬚᬶᬂᬭᬶᬂᬧᬤᬾᬯᬰᬭᬡᬦᬸᬮ᭄ᬬᬰ᭄ᬭᬸ᭞ᬮᬸᬫ᭄ᬓᬲᬫᬢᭂᬓ᭄ᬬᭀᬕ᭞ᬳᬤ᭄ᬯᬬᬵᬚ᭄ᬜᬵᬦᬫᬶᬦᬸᬱ᭄ᬝᬶ᭟᭐᭟ᬲᬃ
ᬯ᭄ᬯᬾᬘᬦᬶᬂᬲᬃᬯ᭄ᬯᬬᭀᬕ᭞ᬤᬶᬯᬭᬹᬧ᭞ᬲᬶᬭᬳ᭄ᬬᬂᬩᬸᬤ᭄ᬥᬫᬹᬃᬢ᭄ᬢᬶ᭞ᬦᬶᬭᬯᬭᬦᬓᬢ᭄ᬫᬸ᭞ᬤᬸᬭᬲᬸᬓ᭄ᬱ᭄ᬫᬤᬃᬰᬡ᭞ᬯᬲ᭄ᬦᬭᬯᬂᬭᬶᬂᬬᭀᬕᬚ᭄ᬜᬵᬦᬲᬂᬯᬶᬓᬸ᭞ᬢ᭄ᬓᬾᬂᬳᬢᬶᬢᬦᬵᬕᬢ᭞ᬯᬃᬢ᭄ᬢᬫᬵᬦ
[᭖᭖ 66A]
ᬯᬸᬲ᭄ᬓᬳᬓ᭄ᬱᬶ᭟᭐᭟ᬭᬶᬲᬵᬫ᭄ᬧᬸᬦᬶᬭᬫᬗ᭄ᬓᬦ᭞ᬰᬷᬖ᭄ᬭᬲᬶᬦᬗᬭᬢᬂᬬᭀᬕᬲᬦ᭄ᬤᬶ᭞ᬦᬸᬮ᭄ᬬᬤᬦ᭄ᬲᬶᬭᬫᬳᬵᬫ᭄ᬧᬸ᭞ᬉᬫᬶᬚᬶᬮ᭄ᬭᬶᬂᬧᬗᬲ᭄ᬢ᭄ᬭᬶᬬᬦ᭄᭞ᬢ᭄ᬳᭂᬭᬓᭀᬦᬦᭂᬫ᭄ᬩᬂᬧᬗᬭᬄᬳᬕᬸᬂ᭞ᬓᬕ᭄ᬬᬢ᭄ᬯᭀᬂ
ᬭᬶᬂᬧᬤ᭄ᬫᬦᬪ᭞ᬧ᭄ᬭᬲᬫᬰᬷᬖ᭄ᬭᬉᬫᬶᬚᬶᬮ᭄᭟᭐᭟ᬳᭀᬋᬕ᭄ᬲᬪᬹᬫᬶᬧᬸᬦ᭄ᬧᬸᬦᬦ᭄᭞ᬳᬩᬩᬼᬓ᭄ᬢᬂᬬᭀᬤ᭄ᬥᬢᬦ᭄ᬤᬫᬦ᭄ᬢ᭄ᬭᬷ᭞ᬲᬳᬵᬲᬜ᭄ᬚᬢᬲᬸᬧ᭄ᬦᬸᬄ᭞ᬲᭂᬲᭃᬓ᭄ᬢᬦ᭄ᬧᬮᬶᬕᬭᬦ᭄᭞ᬳᬲᬗ᭄ᬓᭂᬧᬦ᭄᭞
ᬕᭀᬂᬪᬾᬭᬶᬳᬸᬫ᭄ᬬᬂᬕᬸᬫᬸᬭᬸᬄ᭞ᬓᬤ᭄ᬬᬭᬸᬕᬂᬓᬩᬲ᭄ᬢᬮ᭞ᬧᬗᬺᬕᬸᬗᬶᬂᬢᬸᬭᬗ᭄ᬕᬳᬲ᭄ᬢᬷ᭟᭐᭟ᬲᬫᬫᬋᬓ᭄ᬱᬶᬭᬂᬤ᭄ᬯᬶᬚ᭞ᬓ᭄ᬯᬾᬳᬶᬂᬫᬦ᭄ᬢ᭄ᬭᬷ᭞ᬲᬸᬫᭂᬫ᭄ᬩᬄᬲᬂᬫᬳᬵᬋᬱᬶ᭞ᬥᬸᬄᬲᬚ᭄ᬜᬵᬲᬶᬭᬫᬳᬵᬫ᭄ᬧᬸ᭞ᬧᬸ
ᬦᬧᬳᬦᬪᬬ᭞ᬧᬓᬾᬯᬸᬳᬶᬂᬦᬵᬕᬭᬭᬵᬦᬓ᭄ᬥᬂᬕᬸᬭᬸ᭞ᬢᬸᬫᬥᬄᬲᬚ᭄ᬜᬵᬫ᭄ᬧᬸᬥᬂᬳ᭄ᬬᬂ᭞ᬤᬯᭂᬕ᭄ᬯᬘᬦᬦᭂᬦᬕ᭄ᬮᬶᬲ᭄᭟᭐᭟ᬲᬸᬫᬯᬸᬃᬲᬂᬫᬳᬵᬤ᭄ᬯᬶᬚ᭞ᬯᬸᬲ᭄ᬯᬶᬦᬢ᭄ᬭᬦ᭄ᬯᬶᬦᬭᬄᬤᬾᬫ
Kaca:Bali-lontar-gaguritan-wiryya-guna-a-300ppi.pdf/66
Kaca puniki sampun kauji-wacén
